Orientación

Concurso de cartaces do Concello de Cea

O cartaz elaborado con motivo do 8M por Samuel Rodríguez, de 1º ESO, foi seleccionado para difundir o acto conmemorativo do Día Internacional da Muller do concello de Cea.

Podes ver o resto das propostas do alumnado de 1º e 2º da ESO no seguinte enlace:

Cartaces día da Muller

Así funcionan os Servizos Sociais

Non só o alumnado do cole de Cea vai a clase! Desta volta, somos @s profes os que nos formamos.

Tania e Maite explicáronnos as funcións que levan a cabo os Servizos Sociais Comunitarios en relación cos menores e, en concreto, contáronnos, polo miúdo, como funciona o Programa de Educación Familiar.

Orientación vocacional 4º ESO

Presentación sobre as opcións ao rematar 4º ESO:

https://drive.google.com/open?id=1TF2GRc8fNBA4N_vu9o1i8Dl8i0OG3HaekXOZeu...

Test de orientación vocacional de resolución online:

http://www.educaweb.com/orientacion/intereses-profesionales/

Algúns artigos que poden axudar:

 

 
 

Caligramas contra a violencia de xénero

O alumnado da ESO conmemorou o 25 de novembro coa elaboración de caligramas contra a violencia de xénero. Podes ver o chulo que quedaron premendo na foto.

Orienta Galicia

O Departamento de Orientación do noso centro colabora no blog Orienta Galicia. Nel atoparás toda a información necesaria sobre bolsas, axudas, premios así como sobre ensinanzas de réxime especial, xeral e universitarias. Tamén inclúe información sobre ensinanzas universitarias e residencias. 

Entra e infórmate de todo.

Xornadas de Orientación VI

Un ano máis a dirección e o departamento de Orientación do C.P.I. Virxe da Saleta, en colaboración cos Concellos de San Cristovo de Cea e de Piñor poñen en marcha asXornadas de Orientación Académica e Profesional. Destinadas ao alumnado da E.S.O. e ás súas familias chegan este ano á súa VI edición. Celebraranse, como en anos anteriores, na aula de música do CPI Virxe da Saleta.A primeira das dúas xornadas será o próximo lunes, 20 de abril, a partir das 15:30 h., sobre Formación e Inserción Laboral, coa participación dos seguintes poñentes:

D. Noemí González Camba. Licenciada en Dereito. Xuiza de Instrucción. Exalumna do CPI Virxe da Saleta.

D. Sonia Moral Álvarez. Esteticista e Terapeuta Natural. Xefa da Perruquería Moral. Exalumna do CPI Virxe da Saleta.

D. Oscar Rodríguez Gómez. Bombeiro no Parque Comarcal de Chantada.

Dª Marta Pérez Adán. Licenciada en Mediciña. Xinecóloga do Hospital Cristal- Piñor.

Dª Nuria Álvarez Rodríguez. Diplomada en Turismo. Máster en Planificación e Dirrección de Empresas Turísticas. Traballadora da Empresa de Organizacións de Eventos ServiturCea.

 A seguinte xornada está prevista para o mércores día 22 de abril, a partir das 15:30 h., sobre o Emprendemento e Mundo Laboral, coa participación dos seguintes poñentes:

D. José Enrique Rodríguez López. Fundador da empresa Rodríguez López Auto.

D. Omar Rodríguez Reboredo. Policía do Corpo Nacional de Policías. Exalumno do CPI Virxe da Saleta.

Dª. Uxía Alonso Crespo. Enxeñeira Técnica Forestal e Enxeñeira de Montes. Xerente da empresa “Frutos da Mellora”.

Dª. Fatima Fernández Fernández. Xornalista. Exalumna do CPI Virxe da Saleta

D.ª Hilda Rodríguez Fernández; Licenciada en Farmacia. Farmacéutica de San Cristovo de Cea.

 

DÍA DA PAZ ESCOLAR E NON VIOLENCIA

Este ano celebramos o día da Paz Escolar e Non Violencia traballando pola convivencia, a tolerancia e o respeto a diversidade. O alumnado de Infantil e Primaria visionaron e profundizaron na mediametraxe "O balón vermello" e o alumnado de Secundario fixo un manifesto.

Para rematar o acto fixemos unha solta de globos con ambientación musical do Himno da Alegría. Velaquí algunhas imaxes.

Calendario das probas de avaliación extraordinaria

PROBAS DE AVALIACIÓN EXTRAORDINARIA

DÍA 1 SETEMBRO:

9:00­ 10:00 Pendentes Inglés (aula 1o)

10:00­ 11:00 CCSS (aula 1o)

11:00­ 12:00 Matemáticas 1o e 2o ESO (aula 1o) 3o e 4o ESO (aula 2o)

12:00­ 13:00 F/Q (laboratorio)

13:00­ 14:00 CCNN 1o ­ Bioloxía (laboratorio) – CCNN 2o (aula 2o)

14:00­ 15:00 Pendentes LC (aula 1o)

DÍA 2 SETEMBRO

9:00­ 10:00 Inglés (aula música)

10:00­ 11:00 LG (aula 1o) ­ Música (aula 2o)

11:00­ 12:00 Tecnoloxías/Tecnoloxía– Francés (aula 2o)

12:00­ 13:00 EF (aula 1o)

13:00­ 14:30 LC (aula música)

V Xornadas de Orientación Académica e Laboral

O Departamento de Orientación do C.P.I. Virxe da Saleta, en colaboración cos Concellos de San Cristovo de Cea e de Piñor organiza un ano máis, e xa van cinco, as Xornadas de Orientación Académica e Profesional, destinadas ao alumnado da E.S.O. e aos seus pais.

A primeira xornada será xoves 3 de abril ás 15:30 h., centrada no bacharelato e na universidade e contará coa participación dos seguintes relatores: Francisco José Fraga Civeira licenciado en Dereito e Alcalde de Piñor, José Villanueva Lamas médico pediatra, Mª Dolores Vázquez Meiriño licenciada en Administración e Dirección de Empresas e xestora de empresas en Nova Galicia Banco, Manuel Jesús Pérez Rodríguez arquitecto técnico e Técnico Superior en Prevención de Riscos Laborais, Borja Moral Urosa diplomado en Traballo Social e Licenciado en Psicopedagoxía e Esther Nogueira López Diplomada en Maxisterio e Profesora de adultos e Educadora do Concello de Piñor.

O segunda e derradeira xornada será o martes 8 de abril a partir das 15:30 h. e tratará sobre Formación Profesional e Mundo Laboral, coa participación dos seguintes relatores: Juan Manuel Muñoz Vázquez cociñeiro e xerente do Restaurante Ateneo, Ana Beatriz Doval Estévez Garda Civil de San Cristovo de Cea, Rosana Bernárdez Peña diplomada en Educación Social, Licenciada en Psicopedagoxía e xerente da Empresa Serviturcea. Jorge García Fernández xefe de Brigada da Xunta de Galicia, Ángel Otero Castro técnico en carrozaría e operario en Chapistería e Servicios Grúas Otero, Modesto Ramos Fernández técnico en Fontanería, Mantemento de Instalacións Térmicas e Instalador de gas, Empregado da empresa Ángel Ramos.

Distribuir contido