O Equipo de Actividades Extraescolares e o Equipo de Dinamización Lingüística do centro animan ás familias a participar no concurso artístico #ONosoOutono. A Actividade consiste na elaboración dunha obra artística para celebrar a chegada do outono e o Samaín.
Existen dúas modalidades para participar. Pódese presentar unha peza en cada unha delas.
#Collage: Realizarase sobre unha cartolina de tamaño máximo A3. O material debe estar ben pegado para poder expoñela en vertical.
#Escultura: Pódense empregar arames como base ou pegar os materiais entre si.
Os materiais empregados deben ser típicos do outono: follas, castañas, cascas de noz, landras, cabazas, carrabouxos, ourizos...
A data límite para entregar os traballos é o 5 de novembro.
Unha curta moi curta sobre a comprensión, os coidados e o cariño. Co telón de fondo do despoboamento do rural. Dúas xeracións que se atopan, dous mundos que se xuntan e que non se esquecerán xamais. Producida por O Cole de Cea e gañadora do 1º premio #OUFFescola no Ourense International Film Festival - OUFF Deseño e realización dos bonecos: Carlota Álvarez. Animación e decorados: Álex Pico e Carlota Álvarez. Animadores secundarios e decorados: Alejandro Fernández, Raúl Gallego, Alicia Nogueira e Nieves Calviño. Animación Adicional: Susana Freire e Valentín Castellano Atrezzo adicional: Patricia Fernández Axudantes: Adrián González, Gabriel Teixeira, Gabriel Iglesias e Xiana Vázquez. Voces: Marco - Álex Pico Señor Alfonso - Jose Ramón Rodríguez Nai - Nieves Calviño Música: Cuarteto para piano de Robert Schumann. Interpretado por Musicians from Marlboro. Música Trailer: Antonio Saco Agradecemento especial aos nosos amigos Iván e Marcos. Guión: Álex Pico, Carlota Álvarez, Nieves Calviño e Paula V. Carral. Corrección de guión: Paquita Manso Dirección e montaxe: Dávid González Gómez
Hoxe en clase de plástica estivemos traballando caras de emocións. A actividade consistiu en facer moitas caras diferentes e sacarlles fotos. Coas fotos fixemos un collage. Tamén aprendimos como se utilizan as cámaras: o encadre, o primeiro plano, a luz, como se descargan as fotos no ordenador, o enfoque, etc.
Un dos mellores debuxantes e ilustradores que hai. Un xenio co rotulador e tamén un mestre á hora de divertirnos. Seguro que coñecedes a algún dos personaxes, como Fiz, ou algún dos seus proxectos, como a revista Retranca ou a revista Oink. Pero o que igual non sabedes é que ademais de autor de comic é profesor e empresario. Hai dous anos abriu en Pontevedra a existosa escola profesional de Banda Deseñada O Garaxe Hermético. O venres 29 de novembro visitou o noso centro en sesión dobre, primeiro unha clase para o alumnado de primaria e despois unha sesión de formación co profesorado. Ademais de aprender moito deixounos un regalo en forma de debuxo. A partir de agora xa nos resultarán familiares palabras como: cliché, síntese, repetición, grafismo, viñeta... Ou nomes tan importantes na historia do audivisual como o de Winsor McCay, o creador dos debuxos animados en... 1911!!!
Dende o primeiro día comezamos facendo arte. Abonda cun anaco de cartón, unhas tesoiras un rotulador e un folio. Todo combinado coa imaxinación e creatividade das nenas e nenos da aula de 2º e voilà!
Exposición de bonecos de neve! Temos un alumnado artista e unhas familias ben colaboradoras. Grazas ao seu traballo o centro lucirá máis bonito durante os vindeiros días cunha exposición de bonecos de neve artesanais. Nevar non neva, pero imaxinación sóbranos.
Velaquí unha experiencia novedosa levada a cabo no curso 2011-2012 co alumnado de 2º de primaria. Trátase da elaboración dun fotocomic, coas súas viñetas e o seus bocadillos. O guión orixinal está escrito por Nerea, alumna deste curso, e as fotos realizadas por todo o alumnado da clase. Os modelos son David, Alejandro e Pablo. A que lles quedou ben gracioso?
Velaquí o aspecto que locen os corredores do edificio de primaria no inicio da primavera de 2012. Algúns dos traballos de plástica e inglés expóñense nas paredes e tamén na rede para que todo o mundo os poida admirar.
