Escolares, Complementarias, 1º Curso, 2º Curso, 3º Curso, 4º Curso, 5º Curso, 6º Curso, Ed. física, Idioma extranxeiro

DIA DA MULLER NA AULA DE TRES ANOS

O alumnado de tres anos estivo recopilando fotografías das mulleres mais importantes na súa vida. Elaboraron un mural de agradecemento. Os nenos e nenas de Sexto de Primaria tiveron a honra de asistir a unha sesión expositora destes traballos. Moitas grazas a todos e todas.

XOGADE_ BADMINTON

Esta mañá o alumnado de 6º de Primaria participou nunha nova edición de XOGADE, esta vez na modalidade de Badminton. Ademais de practicar un deporte pouco usual entre os alumnos e alumnas, ademais de participar nun almorzo saudable na cantina do IES Nº 1 do Carballiño. Noraboa a organización!!

Deixámosvos unha pequena mostra fotográfica do que deu de sí esta xornada.

 

https://photos.app.goo.gl/sJFbJTlBsQkfi0R52

 

 

 

 

CARREIRA DE COMPADRES E COMADRES

Os nenos e as nenas, un ano mais, participaron na carreira de Compadres e Comadres, que elaboraron con moito agarimo. Aquí tedes unha pequena mostra (preme neste enlace).

https://photos.app.goo.gl/OFnRlKgx0f0QElk02

DÍA DA PAZ ESCOLAR E NON VIOLENCIA

O alumnado de 3º de Primaria realizou un mural na porta da aula para reflectir as súas mensaxes na celebración do Día Escolar da Paz e Non Violencia. Rematando cunha frase que dí o seguinte:

"No mar da vida deixei unha mensaxe para ti.."

XOGADE: "CAMPO A TRAVÉS". PUZO DO LAGO_2

O xoves, 18 de xaneiro, tivo lugar a segunda carreira de campo a través do programa XOGADE, acudimos a Puzo do Lago (Maside), esta vez con sol...Pasamos unha mañá moi divertida!! E ata trouxemos unha medalla!

Velaquí a galería de imaxes desta xornada:

https://photos.app.goo.gl/ylKGHUY99TBg7PQv1 (preme neste enderezo)

XOGADE: CAMPO A TRAVÉS EN PUZO DO LAGO (MASIDE)

Un ano mais voltamos a Puzo do Lago (Maside) para competir na carreira de campo a través. Nesta ocasión obtivemos moitas medallas!! Estamos moi contentos!!

Velaquí a galería de imaxes https://photos.app.goo.gl/BG6bwav3JTsg7wws1

Preme na foto se queres velas directamente

AGRADECEMENTO AO COLE "LOPE DE VEGA" (Talavera de la Reina)

Os nenos e nenas do Cole de Cea queremos agradecer ao alumnado do CEIP Lope de Vega (Talavera de la Reina) as mostras de agarimo, en forma de debuxos, cartas, murais, sementes... con motivo da catástrofe medioambiental provocada polos lumes acontecidos na fin de semana do 14 e o 15 de outubro.

Velaquí unhas fotografías do que nos enviaron

Xornal "O PAPAGAIO"

O Cole de Cea xa está subscrito ao novo xornal "O Papagaio"!!

Trátase dun xornal en papel, integramente en galego,dirixido especialmente aos nenos e nenas de Primaria e Secundaria. Ten  periodicidade mensual.

 

Os seus responsables destacan que a sección de ciencia e tecnoloxía estará asesorada por científicos/as e será presentada por un personaxe fixo: Simio o científico. De igual xeito, a sección de Ecoloxía contará tamén co asesoramento de profesionais e nel trataranse temas relacionados coa agricultura ecolóxica, a bioconstrución ou a reciclaxe. Os temas irán acompañados dun experimento que os e as lectoras poderán poñer en práctica.

 

Na sección de arte, un pintor chamado Pierrot explicará os segredos dos principais movementos pictóricos da historia; este apartado inclúe a proposta dun exercicio práctico sobre o estilo en cuestión. Dentro do obxectivo de fomentar a integración, aparece a sección Pratos para compartir culturas, que achega receitas de distintos paises. No apartado de Natureza terá un papel destacado "a fabulosa fauna lectora do noso hábitat", que relacionará as distintas especies animais autóctonas coa literatura universal; e, de igual xeito, incluirarse a sección SOS Especies ameazadas, na que os animais en perigo de extinción trasladarán as súas queixas a través dunha carta.

 

Tamén se inclúe unha sección fixa de banda deseñada, protagonizada por Wifi, un can intergaláctico que vive intensas aventuras nos distintos universos paralelos que nos rodean. E unha tira humorística, Viladenihil, con temática de ciencia ficción social.

MARCHA SOLIDARIA CONTRA O LUME

Hoxe, 25 de outubro, ás 15:30 horas a comunidade educativa do Cole de Cea faremos unha marcha solidaria dende o Cole a Cea (Campo da Saleta), en protesta a queima dos montes e os lumes sufridos nos concellos de San Cristovo e Piñor.

24 DE OUTUBRO. DÍA DAS BIBLIOTECAS ESCOLARES

HOXE CELABRAMOS NO COLE O "DÍA DAS BIBLIOTECAS ESCOLARES"!

Contamos cun convidado moi especial, Nilson Leite, que nos vai a contar uns contiños relacionados coa natureza.

Distribuir contido