Escolares, Complementarias, 1º Curso, 2º Curso, 3º Curso, 4º Curso, 5º Curso, 6º Curso, Ed. física, Idioma extranxeiro

A SOBREIRA

Para celebrar de forma conxunta, o Día da Poesía e o Día dos Bosques, o alumnado de 2º ESO elaborou o poema colectivo, " A sobreira", ao que se deu lectura mentres plantabamos unha nova árbore no noso xardín.

19 DE MARZO, DÍA DO PAI

Os nenos e nenas de Infantil queren agasallar aos seus papás con esta felicitación tan orixinal

8 DE MARZO, DÍA DA MULLER

A Comunidade Educativa do Cole de Cea súmase a manifestación en contra da violencia machista

"Nin flores, nin bombóns. Querémonos VIVAS!!! (L. Davila)

8 DE MARZO, DÍA DA MULLER

             No Día da Muller os nenos e nenas de Infantil queren ter un xesto especial coas súas mamás, por iso, debuxáronas traballando.

8 DE MARZO, DÍA DA MULLER

O alumnado de Secundaria tamén se molla pola igualdade, deixando a súa pegada nos taboleiros dos corredores.

Os Xeranios do Señor Alfonso

Os Xeranios do Señor Alfonso.

Unha curta moi curta sobre a comprensión, os coidados e o cariño. Co telón de fondo do despoboamento do rural. Dúas xeracións que se atopan, dous mundos que se xuntan e que non se esquecerán xamais. Producida por O Cole de Cea e gañadora do 1º premio #OUFFescola no Ourense International Film Festival - OUFF Deseño e realización dos bonecos: Carlota Álvarez. Animación e decorados: Álex Pico e Carlota Álvarez. Animadores secundarios e decorados: Alejandro Fernández, Raúl Gallego, Alicia Nogueira e Nieves Calviño. Animación Adicional: Susana Freire e Valentín Castellano Atrezzo adicional: Patricia Fernández Axudantes: Adrián González, Gabriel Teixeira, Gabriel Iglesias e Xiana Vázquez. Voces: Marco - Álex Pico Señor Alfonso - Jose Ramón Rodríguez Nai - Nieves Calviño Música: Cuarteto para piano de Robert Schumann. Interpretado por Musicians from Marlboro. Música Trailer: Antonio Saco Agradecemento especial aos nosos amigos Iván e Marcos. Guión: Álex Pico, Carlota Álvarez, Nieves Calviño e Paula V. Carral. Corrección de guión: Paquita Manso Dirección e montaxe: Dávid González Gómez

 

Making off: Os Xeranios do Señor Alfonso.

Na casa de Rosalía

Visitando A Matanza, casa de Rosalía de Castro e o Castro de Baroña na excursión de fin de curso do Clube de Lectura do Cole de Cea.

Visita aquí a galería.

A PRIMAVERA EN INFANTIL

Xa é primavera, dentro e fóra da aula. Canta o cuco e as flores comezan a saír ó ver o sol. Na aula de cinco anos os nenos e nenas reflexan a primavera no seu mural

 

CAMPIONATO PROVINCIAL ESCOLAR DE XADREZ POR EQUIPOS

O domingo día 8 de Maio tivo lugar o Campionato Provincial Escolar por Equipos, na categoría Alevín (alumnado dos cursos de 5º e 6º de primaria), foron 6 os equipos participantes (Virxe da Saleta; BenChoShey, Xadrez Ourense, San Pío X; Escola Ourense e San Cibrao) compostos por un total de 38 xadrecistas. O noso equipo estaba representado polo alumnado (Uxía Álvarez Pérez de 6º de primaria, Nerea Ledo Janeiro de 6º de primaria, Lucía Diéguez Vázquez de 5º de primaria, e completouse o equipo, con Luango Alonso Leite e Jacobo Álvarez Feijóo, ambos de 2º de primaria) e era a súa primeira participación neste tipo de torneos. Todos eles disfrutaron dunha tarde de xadrez enfrentándose con outros nenos e nenas da nosa provincia, con moita experiencia neste tipo de competicións e outras de carácter nacional, pero todo o noso alumnado desenvolveu unha gran actuación, sumando todos eles algún punto, quedando nun quinto posto, (con 8.5 puntos) e a só 5 puntos do segundo clasificado.

É de resaltar a nobreza das nosas xogadoras, que a parte de competir e xogar ben ao xadrez, axudaban aos rivais que tiñan enfrente, cando se lle esquecía pulsar o reloxio. Grazas a todos os pais e nais, que fixeron que os seus fillos e fillas, puideran participar neste torneo e ter unha experiencia positiva máis nas súas vidas.

 

Distribuir contido