C.P.I. Plurilingüe Eusebio Lorenzo Baleirón

O venres pasado celebramos o día da eliminación da violencia contra a muller cun acto conxunto de Primaria e Secundaria no que se sensibilizou ao alumnado na utilización de adxectivos utilizados cos animais que soen ter conotacións negativas. O mural de "Somos Manda" recolleo atributos positivos dos animais. O alumnado colocou na porta da casa de Rosalía unha orla coas súas fotos e unha mensaxe contra a violencia, xuntándose a esta iniciativa para erradicar todas as violencias a través da súa rúbrica detrás da orla. 

Aquí podedes ver todas as fotos da actividade e aquí podedes ver a materia no facebook.

E de novo, tivemos unha nova xornada MUS-E en Primaria:

Cos máis pequenos traballamos a atención e a calma mediante distintas posicións de ioga e estiramentos.

Con 3º e 4º de Primaria vimos a importancia de coidar e ser coidados e realizamos unha masaxe en parellas.

No último ciclo, escoitamos unha canción de Rosalía vinculada coa violencia e representamos diversas

situacións  a través do movemento.

Agradecemos a Xus estas diferentes dinámicas orientadas á conmemoración do 25N.

Na ligazón poderedes ver máis imaxes e vídeos.

Na terceira sesión MUS-E continuamos explorando o papel de xornal para crear unha composición

coreográfica en grupos pequenos que despois representamos diante dos nosxs compañeirxs.

Mais imaxes e vídeos na ligazón.

Todo o alumnado de Primaria asistiu e gozou dunha nova sesión, impartida dentro do programa MUS-E,

o derradeiro mércores 8 de novembro.

A profesora Xus Raíndo repartiunos follas de xornal, e na que tiñamos que atopar algo que nos chamase a atención.

Despois de facer isto, puxemos en común todo aquelas novas que nos chamaron a atención.

Logo, fumos facendo movementos coas follas de xornal, imaxinando que esta folla de xornal, era un obxecto en particular:

Unha bóla de baloncesto, un mandil, unha capa, etc. Con estos movementos e poñéndonos de acordo cun compañeiro ou compañeira,

en parella, imitamos o movemento do outro.

Logo distribuímonos en grupos, para facermos unha pequena coreografía para o vindeiro día.

Aquí vos deixamos un enlace ás fotos da sesión.

https://drive.google.com/drive/folders/16i1--pKPfW95mrLwkedMg_r8v5Gyoux8

Nesta práctica realizada polos alumnos e alumnas de 3º ESO, determinamos 

a presenza de amidón nos alimentos,observando que moitas veces cremos que

mercamos carne e non o é.

1ª Sesión MUS-E 2023/24

Na 1ª sesión MUS-E con Xus. Conectamos co silencio e cos sons ambientais,

traballamos apropiocepción en canto xogamos co noso nome, o movemento

e o espazo; e achegámonos á calma coa cunca tibetana.

Aquí tendes a galería de fotos desta primeira sesión.

Moitas grazas Xus, por ofrecernos estas propostas tan lindas.

Este curso temos unha alta participación do alumnado. Estamos máis que felices!!

O 27 de Outubro celebramos o noso Samagosto. Mestura de Samaín e Magosto. 

Este curso o Proxecto Interdisciplinar de Centro son os animais: QUE ANIMALADA! Desta maneira, para o Samaín, estivemos traballando nas aulas o mito do "lobishome", o "lobo da xente" e en 1º e 2º de Primaria o "Lobo Feroz". Traballando o mito de Vákner,

Clica para ver o vídeo do mito de Vákner

Achegándonos ás marabillosas calidades positivas que ten os lobos para a natureza e para o ser humano.

Tamén traballamos en normalizar o uso do feminino "loba" para liberalo das connotacións sexuais que arrastra. Falando por exemplo da figura de Pepa a Loba.

E así chegamos à sexta feita (venres) na que as aulas tiñan que intercambiar ouveos por castañas, creando cada aula unha pequena estrofa rematada nun ouveo e así poder conseguir castañas asadas.

O alumnado de Primaria tocou e cantou unha canción tradicional galega mais bailamos unha muiñeira tocada con gaita polo profesor Martín.

Galería de imaxes e vídeos da xornada.

Galería de imaxes e frases escollidas polo alumnado para ouvear.

Ao final do día, o alumnado da ESO tivemos unha sesión de contacontos relacionados co lobo a carga de Celso Fernández para practicar para o certame Tíralle da lingua.

AS CLASES COMEZARÁN O DíA 12 DE SETEMBRO POR SER O DÍA 11 FESTIVO LOCAL NO CONCELLO DE DODRO