Skip to Content

Complementarias

XOGADORES DO MONBÚS OBRADOIRO PROMOVEN A VIDA SAUDABLE NUNHA VISITA AO CENTRO

Este martes día 1 de outubro contamos no centro dunha representación do club de baloncesto MONBÚS OBRADORIO entre a que se atopaban tres xogadores do primeiro equipo que milita na Liga Endesa ACB: David Navarro, Mike Daum e Dejan Kravic..

Durante o encontro tiveron ocasión de contar a súa experiencia deportiva e contestar as preguntas do alumnado de 3º ESO que participaban nesta actividade promovida desde o Departamento de Educación Física e o seu profesor José Antonio Castro, en colaboración co Obradoiro CAB e o Concello de Vedra.

A temática principal das preguntas e intervencións dos xogadores estivo centrada na actividade física, entrenos e na alimentación saudable necesaria para a práctica do deporte de competición.

Durante o encontro tamén estivo presente o alcalde do concello de Vedra, Carlos Martínez, que é gran afeccionado e practicante do baloncesto.

Ver + fotos

O alumnado de 2º da ESO vai ao teatro

O pasado venres, os rapaces e as rapazas de segundo curso foron ver ao Salón Teatro de Santiago a peza Elisa e Marcela. Esta saída enmarcáse dentro da programación da materia de Igualdade de Xénero que cursan en 2º da ESO. 

As cómicas da Panadaría danlle vida a Elisa e Marcela, dúas mulleres que casan na igrexa de San Xurxo na Coruña no ano 1901. Unha delas ten que ir vestida de home. A súa é unha historia de amor a contratempo con persecucións policiais, fuxidas en dilixencia, cambios de identidade e informacións manipuladas.

Elisa e Marcela quere ser unha reconstrución irreverente dun suceso real. E agora preséntase a xeito de comedia musical onde o verídico parece invento… 

Elisa e Marcela, UNHA HISTORIA QUE PARECE CONTO.

EDUCACIÓN VIAL PARA 3º E 4º ESO

O alumnado de 3º e 4º de ESO participou este pasado xoves nunha actividade encamiñada a prevención de accidentes de tráfico, organizado conxuntamente para os tres concellos de Touro, Boqueixón e Vedra pola Asociación FUNDTRAFIC.

ESta actividade contou coa colaboración do Concello de Vedra e tivo lugar nas instalación do CPI Antonio Orza Couto de Boqueixón.

Ver fotos

 

 

CELEBRAMOS A SEMANA DAS LETRAS GALEGAS

Con motivo da semana das Letras Galegas desenvolvéronse variadas actividades que se centraron particularmente en homenaxear a autora Mª Victoria Moreno.

Destacamos en primeiro lugar a actividade "MULLERES QUE CONTAN" que se celebrou na Biblioteca Municipal, á que asistiu o alumnado de 1º de ESO o día 14.

Ler máis +

Ver fotos +

O día grande foi o venres 18, no que desde as 12.30 ata as 14:00 horas se desenvolveron variadas actuacións no patio cun fio condutor: a autora homenaxeada.

Ver fotos +

Máis fotos e videos +

VIAXE A LONDRES DO ALUMNADO DE 4º ESO

Desde o mércores 2 de maio o alumnado de 4º ESO do CPI Plurilingüe de Vedra realiza a viaxe fin de estudos de Secundaria á cidade de Londres. A viaxe durará ata o Domingo 6 de maio.

No seguinte enlace podes seguir a viaxe a través das fotos que nos envían.

https://photos.app.goo.gl/k0ZBEUI1m432sM632

ALUMNADO DE 2º ESO VISITA LUGO

O pasado martes 24 de abril o alumnado de 2º de ESO realizou unha completa visita á Cidade de Lugo. A visita estivo centrada no percorrido histórico pola cidade: Museo Arqueolóxico Provincial, ventanas arqueolóxicas con restos romanos, catedral, centro de interpretación e paseo pola muralla.

A saída didáctica está incluída na programación de actividades complementarias do Departamento de Xeografía e Historia.

Ver fotos +

Visita a Fervenzaventura

O 23 de maio o alumnado de infantil e de 1º de primaria foron a Fervenzaventura. Este é o video que resume a visita:

VIDEO DO PROXECTO ETWINNING - INFANTIL

Presentamos un video do Proxecto Etwinning no que participa alumnado de Educación Infantil, no que se comunican e poñen en común traballos con outro países europeos. Coordina esta actividade a profesora Esperanza Chaves.

Enlace ao video

4ºESO VISITA O FERROL DA ILUSTRACIÓN

Este martes 24 de outubro o alumnado de 4º de ESO visitou a cidade departamental de Ferrol, onde puideron percorrer rúas e instalacións da cidade con visitas guiadas moi atractivas e novidosas como a Fragata "Alvaro de Bazán F-101" ou o Barrio da Magdalena, dentro dun conxunto que funde as súas raíces na Ilustración da época do rei Carlos III. A visita estivo coordinada polo Departamento de Xeografía e Historia.

LER MÁIS       VER FOTOS       FERROL. PATRIMONIO MUNDIAL

MÁIS SOBRE A FRAGATA "ALVARO DE BAZÁN"

 

PREMIADO ALUMNO DO CPI NO CONCURSO "SUPRIME O CONTROL" CONTRA A VIOLENCIA DE XÉNERO.

Coincidindo coa impartición no centro do Programa Socioeducativo de Prevención da Violencia de Xénero "Suprime o control" da Deputación de A Coruña, celebrouse o concurso "Instagram sen machismo". No mesmo resultou premiado o alumno do curso de 3º de ESO A do noso centro, David Freire Moure. Recibiu como premio unha tablet.

No segundo trimestre habéra un concurso de microrelatos sobre a mesma temática.

Ver foto no seguinte enlace: https://goo.gl/photos/vFyS9QwyimT7vAg8A

Distribuir contido


by Dr. Radut