Skip to Content

Orientación

"DI KE NON" - Actividade de Prevención da drogodependencia

Este pasado martes, 15 de xaneiro, o alumnado de 3º e 4º de ESO participaron nunha actividade encamiñada á prevención da drogodependencia.

Di K Non é unha experiencia educativa na que os presos da UTE (Unidade Terapéutica Educativa) do Centro Penitenciario de Teixeiro comparten as súas experiencias cos escolares galegos para evitar que se poidan tomar drogas.

Esta iniciativa, posta en marcha pola Fundación Barrié e pola Unidade Terapéutica Educativa (UTE) de Teixeiro en outubro de 2011, é unha experiencia pioneira na educación que foi ben recibida pola comunidade educativa e foi premiada o ano 2018 pola Fundación Galega contra o narcotráfico pola súa labor de prevención da adicción ás drogas entre os adolescentes galegos e o alto valor terapéutico educativo dos espazos libres de drogas nas prisións, facilitando a reinserción social dos reos.

Máis de 8.000 estudantes participaron en Di K Non desde o seu lanzamento en 2011. Este curso só 10 centros foron seleccionados para participar nesta experiencia.

A actividade consistiu nunha representación teatral dos internos do cárcere de Teixeiro e un encontro-conversa dos mesmos co alumnado nunha primeira xornada no centro, para completarse cunha visita ao cárcere noutro día (no caso do CPI de Vedra o vindeiro día 22 de xaneiro). Nesta ocasión só participará o alumnado de 4º de ESO.

Ver fotos

 

 

CIBERMANAGERS POLA IGUALDADE. 3º ESO - 6º PRIMARIA

A última semana de febreiro o alumnado de 3º de ESO e o  de 6º de Primaria participaron no Programa "CIBERMANAGERS POLA IGUALDADE". Este programa promovido pola Secretaria Xeral de Igualdade e coordinado polo Departamento de Orientación do CPI, contou coa intervención dunha especialista da Asociación Pantallas Amigas que impartiu os cursos.

O proxecto baseado na aprendizaxe servizo solidario a través do cal,  o alumnado maior do centro é capacitado para converterse en referente dos seus compañeiros e compañeiras máis xóvenes no uso seguro e saudable das novas tecnoloxías, mentras adquiren competencias curriculares e potencian as suas habilidades para a vida diaria.

Houbo unha xornada inicial de formación conxunta para todo o alumnado de 3º ESO. Na segunda e treceira xornadas voluntarios de 3º de ESO profundizaban para converterse en "cibermanagers da igualdade", e asi facer unha ultima xornada para o alumnado de 6º de Primaria.

Ademais houbo unha xornada informativa cos pais e nais do alumando de 6º de Primaria.

Ver fotos +

XORNADA PREVENCION DE CONDUTAS DE RISCO NA ADOLESCENCIA - 3º e 4º ESO

Este pasado luns, día 26 de febreiro, tivo lugar no CPI Plurilingüe de Vedra unha xornada do Programa "Ktorce-18" con alumnado de 3º e 4º de ESO. Foi impartida pola Fundación Arela, sobre contidos relacionados coa Lei do Menor e a súa relación con condutas de risco na adolescencia e a súa prevención.

PREMIADO ALUMNO DO CPI NO CONCURSO "SUPRIME O CONTROL" CONTRA A VIOLENCIA DE XÉNERO.

Coincidindo coa impartición no centro do Programa Socioeducativo de Prevención da Violencia de Xénero "Suprime o control" da Deputación de A Coruña, celebrouse o concurso "Instagram sen machismo". No mesmo resultou premiado o alumno do curso de 3º de ESO A do noso centro, David Freire Moure. Recibiu como premio unha tablet.

No segundo trimestre habéra un concurso de microrelatos sobre a mesma temática.

Ver foto no seguinte enlace: https://goo.gl/photos/vFyS9QwyimT7vAg8A

PLAN PROXECTA: 365 DIAS DE IGUALDADE

Dentro das actividades do Plan Proxecta, da Consellería de Educación, o noso centro participou no programa "365 días de Igualdade". Traballáronse materias nas titorías de 1º a 4º da ESO sobre a posición da muller na sociedade, no mundo laboral e os estereotipos que aínda está a sofrer, así como sobre a violencia de xénero. Aquí podedes ver os materiais, baseados en "Fíos Violeta" e "Cartas de Amor", da Secretaría Xeral de Igualdade.

1º DE ESO: MULLER E SOCIEDADE

 

 

 

2º DE ESO: ESTEREOTIPOS DE XÉNERO

 

 

 

 

3º DE ESO: A MULLER E O MUNDO LABORAL

 

 

 

CARTAS DE AMOR (1º ESO)

 

 

 

 

CARTAS DE AMOR (3º ESO)

 

 

Tamén en 2º  de ESO fixemos actividades de creación de textos cos lemas: "o meu príncipe azul é..." e "a miña princesa é..." e proxectouse o documental "mía sí, de otro no" con posteriores debates.

En 3º proxectouse o mesmo documental así como imaxes da situación laboral da muller no 3º mundo. Tamén se fixo un traballo creativo a través da elaboración de debuxos co lema "Que é ser un home e que é ser unha muller.

O alumnado de Plástica de 4º realizou unha serie de traballos sobre a violencia de xénero que podedes ver nesta proxección. Foi utilizada durante a interpretación no festival de fin de curso da canción " Si j´etais un homme", de Diane Tell, a cargo da Profesora de Plástica, como reflexión e repulsa da situación na que aínda vivimos no relativo a este tipo de violencia.

 

 

 

Tamén foi realizado un taller sobre violencia de xénero co alumnado de 4º a cargo de técnicos da Secretaría Xeral de Igualdade, cunha duración de catro horas, tralo que foron realizados dous vídeos por parte do alumnado:

 

Distribuir contido


by Dr. Radut