Skip to Content

Novas

VIAXE A MADRID - 6º PRIMARIA 2018

No seguinte enlace podedes ver as fotos da viaxe fin de etapa realizada polo alumnado de 6º de Primaria a Madrid. Na mesma estiveron acompañados polas súas profesoras Nuria, Fiorella e Conchi.

Ver fotos: https://photos.app.goo.gl/kDIiKuONDKwDcq2c2 

 

APOIO MASIVO Á FOLGA DAS MULLERES NO CPI DE VEDRA

A FOLGA DAS MULLERES, no día 8 de marzo, tivo un alto seguimento no CPI Plurilingüe de Vedra. O 75% das mulleres traballadoras do centro apioaron a folga en algunha das dúas modalidades, 24 horas ou paro de dúas horas.

A ausencia do alumnado estivo arredor do 58 %, aínda que en Secundaria acadou o 75%.

MODELO AUTORIZACIÓN INMERSIÓN LINGÜISTICA (2º ESO

ALUMNADO DE 6º PREMIADO NO CONCURSO #ApuntasTech?

Un grupo de alumn@s de 6º de Primaria deste CPI acadou o 1º Premio no concurso #ApuntasTech? convocado pola Secretaría Xeral de Igualdade, o centro de Supercomputación de Galicia e o Colexio de Enxeñaría Informática de Galicia. O obxectivo principal do concurso é xenerar un catálogo de propostas concretas que axuden a despertar entusiasmo pola tecnoloxía e alenten as vocacións tecnolóxicas temperás, principalmente entre as nenas entre 10 e 15 anos. E tamén promociuonar o bo uso das tencoloxías da información e comunicación.

Por outro lado a súa profesora Yolanda Neira acadou tamén un accesit no mesmo concurso nos premios a nivel de centros educativos.

Os premios foron entregados o día 25 de abril con motivo da celebración do Día das Rapazas nas TIC, e o alumnado coñeceu o fallo mediante a participación nun debate en streaming co CESGA.

Noraboa aos premiados.

Enlace noticia

Enlace fallo xurado

Fotos

 

A CONSELLEIRA DE EDUCACIÓN VISITA O CPI DE VEDRA

A conselleira de Educación, Carmen Pomar, visitou no día de hoxe as instalacións do centro, e mantivo contacto co profesorado para coñecer de primeira man os proxectos que leva a cabo o CPI de Vedra. Durente a visita tamén se presentou o proxecto de ampliación que se realizará neste ano. Os obras darán comezo no mes de xuño.

Ver noticia completa.

 

ANTIGA ALUMNA DO CPI DE VEDRA INAUGURA LIBRERÍA

A ex-alumna deste centro, Tania Seoane, inaugura hoxe unha librería especializada en manga na vila de Ribeira. Desde o CPI de Vedra desexámoslle moitos éxitos nesta andaina.

Ver noticia no xornal El Correo Gallego.

O CPI DE VEDRA SELECCIONADO PARA O PROXECTO "RADIO NA BIBLIO"

O CPI Plurilingüe de Vedra figura entre os 20 centros seleccionados para desenvolver o Proxecto Piloto "Radio na Biblio" durante este curso 2017/18.

O proxecto, cunha importante dotación económica e de recursos, será coordinado desde o equipo da biblioteca escolar e pretende achegar ao alumnado á emisión de novas na radio con cursos formativos e a posterior edición de programas.

O CPI DE VEDRA PREMIO DE INNOVACIÓN EDUCATIVA EN DINAMIZACIÓN LINGÜÍSTICA

O proxecto titulado "A PALABRA É VIDA E VAI AO LONXE" presentado pola profesora XULIA MARQUÉS acadou un Premio de Innovación Educativa en Dinamización Lingüística, segundo aparace publicado na Resolución da Xunta deste xoves pasado.

O proxecto céntrase na toponimia, conxunto das denominacións propias dos lugares, que é un tesouro para un país e peza fundamental para entender o desenvolvemento da historia e cultura do noso pobo. Vai dirixido a todas as etapas educativas do centro e conta con dous eixes de actuación: no propio centro e na contorna do mesmo. Conta coa colaboración do Equipo de Dinamización de Lingua Galega e dos equipos docentes de Infantil, Primaria e Secundaria, así como do Concello de Vedra e Asociacións Culturais da contorna do centro.

Este proxecto entronca tamén co programa VEDRA MEDRA, que se vén desenvolvendo ao longo do curso por esta mesma profesora, que acadou o Premio Antonio Fraguas como proxecto didáctico durante este curso 2016/17. Os materiais deste programa serán expostos no Museo do Pobo Galego a partir do mes de setembro.

VIAXE FIN DE ESTUDOS A PARÍS - 4º DE ESO

     Os alumnos e alumnas de 4° da ESO do CPI Plurilingüe de Vedra acaban de realizar unha viaxe fin de estudos a París entre os días 1 e 5 de maio, onde coñeceron os principais monumentos da cidade francesa, como a Torre Eiffel, a Catedral de Notre Dame, os Museos  de Louvre e d'Orsay, o barrio de Montmartre e tamén  visitaron o Palacio de Versalles e Eurodisney.

Viaxaron un total 26 alumnos/as acompañados polos seus profesores do Departamento de Xeografía e Historia.

 

Ver fotos +

 

O CLUB DE DEBATE CUARTO CLASIFICADO NA FINAL DA LIGA GALEGA

O Club de Debate do CPI Plurilingüe de Vedra participou esta fin de semana na final da Liga galega de Debate, acadando o cuarto posto, por puntuación total, a pesares de gañar os dous debates realizados. O éxito deste grupo de debate foi evidente se temos en conta que é a primeira vez que se participaba e que eran os de menor idade do certame pois os dos outros centros pertencían a 1º de Bacharelato.

O alumnado que participou na final foi: David Freire Moure, María Vales Fachal, Milagros Angueira García, Silvia Ferro Fernández e Cristina Santaya Vázquez


Distribuir contido


by Dr. Radut