Skip to Content

Xeografía e Historia

Programación Didáctica 2018/19

ALUMNADO DE 2º ESO VISITA LUGO

O pasado martes 24 de abril o alumnado de 2º de ESO realizou unha completa visita á Cidade de Lugo. A visita estivo centrada no percorrido histórico pola cidade: Museo Arqueolóxico Provincial, ventanas arqueolóxicas con restos romanos, catedral, centro de interpretación e paseo pola muralla.

A saída didáctica está incluída na programación de actividades complementarias do Departamento de Xeografía e Historia.

Ver fotos +

VISITA SANTIAGO 2ºESO - CATEDRAL E MUSEO DAS PEREGRINACIÓNS

O pasado día 24 de abril o alumnado de 2º ESO realizou unha saída didáctica a Santiago de Compostela coa finalidade de visitar o Museo das Peregrinacións e a Catedral.

Durante o percorrido polo museo contemplaron a exposición e paneis dedicados ao Camiño de Santiago da planta baixa e primeira, para logo na planta segunda ver as maquetas da catedral, vitrinas sobre os acibecheiros e os prateiros, e realizar o visionado de dous videos explicativos do proceso de evolución das igrexas prerománicas, a catedral románica e da cidade de Santiago.

Logo realizaron unha visita guiada ao Pórtico da Gloria e visita á catedral cos profesores, con percorrido polas naves e deambulatorio e con explicacións dos elementos arquitectónicos, en particular da fachada de Praterías.

Ver fotos

 

 

ROTEIRO NATURAL DE CAMELLE A LAXE E VISITA A DOMBATRE E BORNEIRO - 1º ESO

O pasado 11 de abril, o alumnado de 1º ESO realizou un roteiro natural desde a localidade de Camelle a Laxe. Durante o percorrido, que durou unhas tres horas, puideron contemplar as paisaxes graníticas da zona, as praias de coídos, a lagoa de Traba e as fermosas praias de Traba, Soesto e Laxe. Nesta última localidade repuxeron forzas e disfrutaron dun tempo de diversion no arenal e algúns ata se bañaron a pesares da baixa temperatura da auga.

Pola tarde visitaron o dolmen de Dombate e o castro de Borneiro no concello de Cabana de Bergantiños, mostras dos monumentos megalíticos e da cultura castrexa propias do noroeste peninsular.

Esta actividades estivo organizada polo profesorado dos departamentos de Educación Física e Xeografía e Historia, que acompañaron ao alumnado durante o percorrido realizando as explicacións.

 Ver fotos

 

3ºESO VISITA SANTIAGO: casco histórico, Pórtico, Catedral, ...

O alumnado de 3º de ESO realizou unha completa visita á cidade de Santago de Compostela, que incluíu un percorrido polas rúas e prazas principais do casco histórico, unha visita guiada ao Pórtico da Gloria e á catedral, para finalmente rematar no Museo do Pobo galego. A saída didáctica foi organizada polo profesorado do Departamento de Xeografía e Historia que se encargou das explicacións nos distintos percorridos.

Ver fotos 

ALUMNADO DE 3º ESO VISITA O PARLAMENTO, A CATEDRAL E AS RÚAS DE SANTIAGO.

O pasado día 10 os alumnos e alumnas de 3º de ESO realizaron unha visita didáctica a Santiago de Compostela organizada polo departamento de Xeografía e Historia.

A visita comezou coa asistencia a un pleno do Parlamento de Galicia, no que foron citados polo Presidente e os portavoces dos distintos grupos.

Continuou co percorrido polas rúas máis destacadas contemplando elementos arquitectónicos das distintas etapas arquitectónicas: Toural, rúa do Vilar, rúa Nova, Praza de Mazarelos, Cinco Calles, Quintana, Praterías, Obradoiro, ...

Outra visita destacada foi aos tellados da Catedral, actualmen te en obras, que foi todo un descubrimento e sorpresa para todos.

Rematou o día coa visita ao Museo do Pobo Galego con dous puntos destacados: Panteón de Galegos Ilustres e a Escaleira Helicoidal barroca diseñada por Domingo de Andrade.

Ver fotos +

4ºESO VISITA O FERROL DA ILUSTRACIÓN

Este martes 24 de outubro o alumnado de 4º de ESO visitou a cidade departamental de Ferrol, onde puideron percorrer rúas e instalacións da cidade con visitas guiadas moi atractivas e novidosas como a Fragata "Alvaro de Bazán F-101" ou o Barrio da Magdalena, dentro dun conxunto que funde as súas raíces na Ilustración da época do rei Carlos III. A visita estivo coordinada polo Departamento de Xeografía e Historia.

LER MÁIS       VER FOTOS       FERROL. PATRIMONIO MUNDIAL

MÁIS SOBRE A FRAGATA "ALVARO DE BAZÁN"

 

VIAXE FIN DE ESTUDOS A PARÍS - 4º DE ESO

     Os alumnos e alumnas de 4° da ESO do CPI Plurilingüe de Vedra acaban de realizar unha viaxe fin de estudos a París entre os días 1 e 5 de maio, onde coñeceron os principais monumentos da cidade francesa, como a Torre Eiffel, a Catedral de Notre Dame, os Museos  de Louvre e d'Orsay, o barrio de Montmartre e tamén  visitaron o Palacio de Versalles e Eurodisney.

Viaxaron un total 26 alumnos/as acompañados polos seus profesores do Departamento de Xeografía e Historia.

 

Ver fotos +

 

3º ESO VISITA O PATRIMONIO DE VEDRA

O alumnado de 3º de ESO ven de realizar varias visitas dentro do concello: Pazo de Ortigueira, Igrexa da Madanela, Igrexa de San Mamede, ..., dentro dunha actividade organizada polo Departamento de Xeografía e Historia e o proxecto VEDRA MEDRA para darlles a coñecer o patrimonio vedrés.

Ler máis+

Ver fotos+

VIAXE FIN DE ESTUDOS - 4º ESO A CATALUÑA

O alumnado de 4º ESO do CPI Plurilingüe de Vedra acaba de regresar da súa viaxe fin de estudos a Cataluña que realizaron desde o 2 ao 8 de maio, acompañados por profesorado do centro. Durante a mesma fixeron numerosas visitas de carácter didáctico e cultural: Barcelona (Sagrada Familia, Pedrera, Parque Güell, Barrio Gótico, Camp Nou, Ramblas, ...), Tarragona (Acueducto, Anfiteatro, Circo, Catedral, Murallas, ...), Cavas Codorniu e o Mosteiro de Montserrat.  Ademais puideron disfrutar de momentos de diversión na praia de Salou e tamén no Parque temático Port Aventura.

Aquí podedes visionar algunhas imaxes da viaxe: 

 

Distribuir contido


by Dr. Radut