Skip to Content

Novas de interese

AVISO IMPORTANTE - BENFICIARIOS MASCARILLAS

Recordamos que as familias do alumnado beneficiario das mascarillas, que aínda non as recolleu, debe pasar a facelo canto antes. As datas de recollida eran o 11 e 12 de xaneiro.

 

REPARTO DEFINITIVO DE MÁSCARAS AOS BENEFICIARIOS

Xa foi publicada a listaxe definitiva do alumnado admitido como beneficiario de máscaras (son os mesmos que tiveron vale de material), de acordo coa convocatoria oficial. Tamén acabamos de recibir por fin os pedidos da compra das máscaras.

Debemos proceder, por tanto, ao reparto das mesmas, e tendo en conta as datas nas que estamos, decidimos facelo nos primeiros días de clase do mes de xaneiro.

Cada alumno/a recibirá un número de máscaras necesario para rematar o curso, en función do número de lavados das mesmas. Deberán ser recollidas por un dos proxenitores que deberá asinar o documento de entrega.

O reparto realizarase na Secretaría do centro, e para evitar aglomeracións no centro e coincidencias cos recreos, terá o seguinte calendario e horario:

 

  1. Luns 11 de xaneiro:
    • Familias beneficiarias de 1º/2º/3º Primaria de 9:30 a 11:15 h.
    • Familias beneficiarias de 4º/5º/6º Primaria de 12:45 a 14:00 h.
  2. Martes 12 de xaneiro:
    • Familias beneficiarias dos curso de ESO:  de 9:30 a 11:15 e de 12:45 a 14:00 h.

 

Tamén poderá recollerse excepcionalmente de 15:30 a 17:00 horas tanto o luns como o martes.

Cando sexan varios irmáns no colexio recolleranse todas as máscaras na primeira ocasión.

O EQUIPO DIRECTIVO

IMPORTANTE: INFORMACIÓNS DE INTERESE

Achegamos o documento "Informacións importantes- Fin de curso 2020" , moi útil para as familias á hora da organización do final deste curso e inicio do 2020/2021

Documento

AVISO IMPORTANTE FAMILIAS: PLANIFICACIÓN PARA O MES DE XUÑO

No documento adxunto inclúese a planificación do mes de xuño para as familias (conovocatorias, presentación de documentos, etc...). Pregamos sigan o calendario establecido atendendo aos grupos e niveis citados.

PLANIFICACIÓN

RECOLLIDA DE LIBROS DE TEXTO E MATERIAL NO CENTRO

Unha vez coñecido que o alumnado non se incorporará ao centro neste curso, as familias deben proceder á recollida ordenada dos libros de texto e material do alumnado (incluídos os ordenadores EDIXGAL) que ainda temos no centro. (Este ano, os ordenadores EDIXGAL non poden quedar no centro porque se vai a proceder ao traslado de aulas ao edificio novo, e a responsabilidade do coidado durante o verán será de cada familia)

Durante esta semana deberán vir as familias de Secundaria e 6º Primaria con este calendario:

3º ESO - MÉRCORES 20 de maio de 10 a 12 horas.

2º ESO - XOVES 21 de maio de 10 a 12 horas.

1º ESO - VENRES 22 de maio de 10 12 horas.

4º ESO / 6º PRIMARIA - Toda a semana (xa convocados por outro tema)

A recollida será realizada só pola nai ou o pai (nunca o alumno/a), debendo gardar as medidas de seguridade sanitaria establecidas (mascarilla, luvas, distancia de 2 m. durante a espera e entrega do material). Por seguridade pregamos cumpran co horario, calendario e  coas normas establecidas.

O resto de Primaria e Infantil serán convocados no mes de xuño.

A solicitude de libros de préstamo e material para o vindeiro curso, así como a devolución dos lotes prestados neste curso, organizarase unha vez saia a convocatoria oficial.

ADAPTACIÓN PROGRAMACIÓNS E NOVOS CRITERIOS DE CUALIFICACIÓN - ESTADO DE ALARMA

Pódense consultar as novas programacións (estándares e criterios de avaliación imprescindibles) de cada curso e materia, así como os criterios de cualificación modificados con motivo da suspensión da docencia presencial polo estado de alarma.

ENLACE

Información sobre o fin de curso 2019-2020

Ante as dúbidas xeradas tralas notas de prensa publicadas en distintos medios de comunicación sobre como se vai desenvolver o final de curso 2019/2020, queremos trasladar o seguinte:

1. Aos equipos directivos dos centros aínda non nos chegou ningunha comunicación oficial

2. Estas notas de prensa están referidas a reunión da Conferencia Sectorial de Educación hoxe entre a Ministra do Goberno de España coas Conselleiras/os de Educación das distintas comunidades autónomas, onde, ao parecer, se acordaron liñas xerais de actuación.

3. A Consellería de Educación ten programada para mañá, xoves 16/04, unha reunión coa Xunta Autonómica de Directoras/es, onde, en teoría, lles trasladará as decisións tomadas na reunión de hoxe e de cómo ten previsto implementalas en todos os centros educativos galegos

4. E, previsiblemente, será o venres 17/04 cando diten instrucións claras para todos os equipos directivos dos centros educativos, logo do Consello de Goberno da Xunta de Galicia.

Informaremos tan pronto como teñamos algunha notificación oficial.

Saúde e moito ánimo.

AVISO IMPORTANTE: INSTRUCIÓNS INICIO TERCEIRO TRIMESTRE

INSTRUCIÓNS INICIO TERCEIRO TRIMESTRE

A Consellería de Educación, ata que se diten unhas instrucións definitivas, no día de hoxe acaba de publicar as seguintes aclaracións de cara o inicio do terceiro trimestre do curso:

- A actividade lectiva non presencial continuarase, con carácter xeral, mediante repaso, reforzo e recuperación do traballo desenvolvido, centrándose na adquisición das competencias clave. Así mesmo, os centros educativos avaliarán as medidas a adoptar para a atención ao seu alumnado con maiores dificultades de acceso á educación no actual contexto.

Polo tanto durante esta semana o alumnado e familias deberán seguir atentos ás tarefas que lles remita o profesorado, a través dos medios establecidos ata agora.

Así mesmo informámoslles que os concellos de Vedra e Boqueixón, de acordo co CPI de Vedra, estableceron un servizo de impresión para aquelas familias que o necesiten. Para máis información consultar estes enlaces:

  

VER NOTA COMPLETA 

REMATA O PRAZO DAS AXUDAS DE COMEDOR ESCOLAR

HOXE LUNS REMATA O PRAZO PARA SOLICITAR AS AXUDAS DE COMEDOR ESCOLAR, PARA TODO O ALUMNADO QUE NON PAGA (GRATUIDADE TOTAL) OU QUE PAGA 1 EURO.

AVISO IMPORTANTE: PROBLEMAS CON ABALAR MÓBIL

Comunicamos que houbo un problema xeral co Abalar Móbil en todo Galicia e non se podían ver as notas. Parece que se vai solucionando.

Pedimos paciencia ás familias pois é un problema informático alleo áo centro e provocado tamén por ser a primeira vez que todo o alumnado galego recibe as notas deste xeito.

Se algunha familia o luns non conseguiu ver as notas que se poña en contacto co centro telefónicamente (696454033 - 881867015)

 

Distribuir contido


by Dr. Radut