Skip to Content

Actividades

Magosto no CPI Plurilingüe de Vedra

Todo o colexio, Infantil, Primaria e Secundaria, pasamos a tarde do xoves celebrando o magosto. Primeiro, todo o alumnado participou en competicións de xogos populares: carreiras de sacos, de relevos, o xogo do pañuelo e tiro de corda. Máis tarde, degustación de castañas asadas. Aproveitouse o evento para entregar os premios de concurso de microrrelatos organizado polo Departamento de Dinamización da Lingua Galega; aos seis alumnos e alumnas premiados entregóuselles un diploma e un pequeno agasallo.

Na seguinte ligazón podedes ver fotografías da celebración:

https://photos.app.goo.gl/MMXTPdAzHAZHeucX7

 

SOBREMESAS BEN SABOROSAS

O xoves pasado debiamos celebrar o Magosto no centro pero non puidemos por mor das alertas. Así que para aproveitar o día puxémonos mans á obra. Ou mellor dito, puxéronse mans á masa os rapaces e as rapazas de 6.º de primaria. 

Aquí están as fotos. 

Mirádeos ben enlarafuzados.

E os de 1.º da ESO trouxeron decoradas unhas madalenas terroríficas que daba gusto velas. Claro que antes xa leran uns cantos libros e relatos de medo GALEGO, que é ben particular…

Entre todos xuntamos unhas madalenas e unhas sobremesas que sabían de medo! 

Que si, que as probamos. 

E as de 6.º non, porque resultaron tan boas que non deixaron nin a proba…. É O QUE TEN!!!

Xulia Marqués

Coordinadora do EDLG

 

 

 

A escritora Arantza Portabales visita o CPI de Vedra

Este martes 16 de outubro, Arantza Portabales estivo no centro impartindo un obradoiro de MICRONARRATIVA para o alumnado de 3.º da ESO.

Esta actividade enmárcase dentro da programación que o EDLG promove con ocasión do SAMAÍN. Está concibida como previa á participación dos rapaces no certame de microrrelatos "Arrepíos e outros medos".

O concurso vénse celebrando desde hai varios anos e este 2018-19 presenta unha novidade: xa non participa só a rapazada da ESO senón a de 5.º e 6.º de primaria.

Para concluír esta nova traemos unhas palabras que Arantza escribiu tras a visita:

"Hoxe estivemos en Vedra , falando en linguaxe Ornitorrinca.

 Estes cachorros apuntan maneiras.Manu Espada estivo

moi presente. Tamén Nicolás Jarque. E a miña Celeste".

  

Xulia Marqués

Coordinadora do EDLG

 

 

CELEBRAMOS A SEMANA DAS LETRAS GALEGAS

Con motivo da semana das Letras Galegas desenvolvéronse variadas actividades que se centraron particularmente en homenaxear a autora Mª Victoria Moreno.

Destacamos en primeiro lugar a actividade "MULLERES QUE CONTAN" que se celebrou na Biblioteca Municipal, á que asistiu o alumnado de 1º de ESO o día 14.

Ler máis +

Ver fotos +

O día grande foi o venres 18, no que desde as 12.30 ata as 14:00 horas se desenvolveron variadas actuacións no patio cun fio condutor: a autora homenaxeada.

Ver fotos +

Máis fotos e videos +

O CPI de Vedra participa no Correlingua 2018

Setenta e seis rapaces e rapazas de 1.º e 2.º da ESO participaron o día 7 de maio na edición do Correlingua en Santiago de Compostela.

Convocados baixo o lema "A lingua non para", acudimos á cidade compostelá cunha reinterpretación en clave local. Para iso, axudámonos da imaxe da Ponte do Gundián, que escollemos de fondo, e dun lema propio"Non a deixes caer". 

Ler máis +

Ver fotos +

ALUMNAS DE 2º ESO PARTICIPAN NO CONCURSO NOVOS TALENTOS DE RELATO CURTO

O CPI de Vedra participará o vindeiro 9 de marzo en Santiago de Compostela no certame literario Concurso Coca-Cola Novos Talentos de Relato Curto! dirixido ao alumnado de 2.º da ESO  no que se busca potenciar a creatividade dos alumnos/as a través da escrita dun microrrelato en lingua galega.

Ver nova completa +

COCIÑA TERRORÍFICA E CONCURSO DE MICRORRELATOS CON MOTIVO DO SAMAÍN E MAGOSTO

Coincidindo co Samaín e o Magosto celebrouse no centro o concurso de microrrelatos de medo "Arrepíos e outros medos" na etapa de Secundaria. Nos seguintes enlaces podedes ver a noticia e fotografías da entrega dos premios o martes día 7 durante a celebración do Magosto.

Por outro lado, tamén tivo lugar a divertida exposición culinaria "Cociña terrorífica de Escarlatina e Esmeralda" cos traballos realizados polo alumnado de 1ºESO. Tamén incluímos a noticia e fotos da mesma.

Cartel concurso

Noticia concurso

Relación de Gañadores

Fotos entrega de premios

Noticia exposición

Fotos exposición


O CPI de Vedra acode ao Correlingua 2019

O luns 6 de maio o CPI de Vedra participou en Santiago de Compostela na 19ª edición do Correlingua. O alumnado de 1º e 2º da ESO acudiu cos seus profesores a esta Festa da Lingua coma cada ano. Música, andaina polas rúas da zona vella e celebración de confraternidade cos centros da contorna compostelá nunha mañá do mes das Letras.

O CPI de Vedra participa no Concurso Coca-Cola Novos Talentos de Relato Curto!

O CPI de Vedra participou na 11.ª edición do Concurso Coca-Cola Novos Talentos de Relato Curto! promovido pola compañía Coca Cola e no que colaboran as universidades de Santiago, Vigo e A Coruña e a Secretaría Xeral de Política Lingüística.

Este certame literario dirixido exclusivamente ao alumnado de 2.º da ESO busca potenciar a creatividade dos alumnos/as a través da escrita dun microrrelato en lingua galega.

A sesión desenvolveuse na Facultade de Filoloxía de Santiago de Compostela o pasado 15 de marzo e nela estiveron representándonos Teresa Tato, Antía Vázquez, Elia Torres e André Parra.

Os catro realizaron unha proba escrita na que debían usar catro das seis palabras que lles foron propostas antes do comezo: SAUDADE, SOLPOR, BEIZOS, FERVENZA, MERGULLAR e ACARIÑAR.

"EU TAMÉN SON XENERALA" - Obradoiro

 "Eu tamén son xenerala..."

 Esta é a cabeceira que eliximos para a 4ª sesión do obradoiro de Entroido que se vén desenvolvendo no centro desde 30 de outubro. O de onte foi un día enteiramente dedicado a revisar o rol que se lles reservaba ás mulleres hai dúas ou tres décadas neste festexo. Estiveron con nós para contarnos as súas experiencias algunhas veciñas de Vedra, San Pedro de Vilanova e Sergude, algunhas son nais de alumnos/as, avoas, coñecidas… Son mulleres con nome e apelido: Nieves Iglesias, Julia Villanueva, Victoria Villa, Carmiña Cutrín, Sonia Gamás, Cristina Orosa, Luz Divina Balado. Todas falaron nesta xornada, unhas en calidade de donas e fillas de xeneral, outras de costureiras expertas en arranxos e feitura de traxes ou de xeneralas. Tamén nos acompañaron Bárbara Penas, Rosa Rodríguez e Iria de Asla da Asociación Berenguela pola Igualdade de Vedra para darnos a súa visión desde outra óptica, a daquelas que traballan pola concienciación e a sensibilización pola igualdade.

 Como complemento ao feito, o próximo xoves 24 Títeres Cachirulo virá ao CPI de Vedra co espectáculo “As xeneralas da Ulla”.

 Xulia Marqués

 Coordinadora do EDLG e de Vedra medra

Ver fotos

 

Distribuir contido


by Dr. Radut