Skip to Content

Radio na Biblio

75 aniversario da liberación de Auschwitz

Co gallo do 75 aniversario da liberación do campo de concentración de Auschwitz, data coa que simbólicamente ponse fin aos horrores da Segunda Guerra Mundial, RadioVedra elabora un podcast no que lembra a efeméride. Buscaron a información, elaboraron o guión e puxeron as voces: Lorena Villaverde, Naiara González, Helea Vascuas, Noela Baltasar, Sara Lema, Gabriela Quintás, Xabier Rodríguez e Carla Pérez.

 

Audio dos relatos gañadores do concurso "Arrepíos e outros medos"

RadioVedra e RadionaBiblio ofrécenvos os relatos gañadores do certame organizado polo departamento de Dinamización Lingüística do CPI de Vedra "Arrepíos e outros medos".

 

 

Día de Neira Vilas

Celebración do alumando de CPI de Vedra do Día de Neira Vilas. Por un banda, todo o alumnado da ESO fai unha lectura continuada de varios textos de Memorias dun neno labrego. Por outra, o alumnado de 4º de Primaria lee varios poemas do autor. A lectura de Memorias dun neno labrego vai acompañada da canción do mesmo nome de Antonio Crego Martínez, que deu autorización para o seu uso. Os poemas levan o fondo musical das cancións de Suso Vaamonde, con autorización dos seus herdeiros.

 A continuación móstranse as ligazóns para escoitar a montaxe de todos os fragmentos lidos polo alumnado da ESO ("Lectura continuada..."), e tamén se ofrecen as lecturas individualizadas por curso. Por último, a montaxe da lectura dos poemas lidos polo alumnado de 4º de Primaria.

 

 

 

O CPI de Vedra gañador do Concurso de Podcast - Radio na biblio

CPI Plurilingüe de Vedra resultou gañador, no apartado de Educación Secundaria, do I Concurso de Podcast - Radio na Biblio con traballo titulado "Os xenerais", onde se recolle a experiencia de representar no centro o entroido tradicional da Ulla.

O podcast recolle o proceso de preparación do entroido, coa colaboración das familias contando a súa experiencia e ensinando ao alumnado o contexto e a historia deste particular entroido. O alumnado foi quen de grabar testimonios, facelo guión, facer e grabar as locucións e editar o arquivo sonoro, e mesmo preparouse e grabouse un tema tradicional para engadir ao podcast como música de fondo.

O premio consiste nunha visita as instalacións da Radio Galega e nunha dotación económica de 1000€ para mellorar o laboratorio de radio do centro. Asimesmo os podcasts premiados serán difundidos pola Radio Galega a través das súas páxinas www.diariocultural.gal e www.radiogalega.gal; así mesmo, serán difundidos a través dos medios web da Consellería de Educación, Universidade e Formación Profesional (Bibliotecas Escolares de Galicia e outros). 

 

Ligazón ao podcast: https://drive.google.com/file/d/1H4CeyN2XlsAQLOM3-wC43RjMnbxto2Nf/view?usp=sharing

 

Relación do alumnado participante:

Apartado técnico (grabación e edición) Asier Cabo Lodeiro e André Parra  Rodríguez
Locutoras/es Laura de Castro Edreira, Martín Garrido Areán, Lucía Rivas Eirís e Teresa Tato Cabaleiro
Música Martín Botana Castro, Gabriel Silva Fernández, Pedro Sixto Reimúndez
Guión Laura de Castro Edreira, Lucía Rivas Eirís e Teresa Tato Cabaleiro
Grabación a familiares Daniela Garaboa López e Ainara Gómez Gamás

Relación do profesorado participante:

Coordinación Marcos Taracido Trunk
Organización do proxecto Vedra Medra Xulia Marqués Valea
Coordinación do apartado musical Publio Guede García
Na organización do entroido participou todo o claustro do centro

 

 

Entrevista a Xosé Ramón Chas

O alumnado de 3ºB (Primaria) entrevistou a Xosé Ramón Chas, encargado da biblioteca municipal de Vedra: na web de RadioVedra ou directamente en Entrevista a Xosé Ramón Chas.

Web de RadioVedra

Hoxe, Día da Radio, publicamos a nosa páxina web adicada a mostrar tódalas emisións e podcast que elaboremos en RadioVedra, dentro do proxecto Radio na Biblio:

RadioVedra

RadioVedra: entrevistas, videoxogos, poemas...

Última publicación do curso en Radio Vedra. O noso equipo de radio preséntavos varios podcast que serán do voso interese.

Radio Vedra enrtevista ao profesorado que deixa o noso centro, ben por xubilación, ben por traslado. Podedes escoitar as entrevistas aquí:

En Soundcloud

En IVoox

Por outra banda, temos a sección de videoxogos do noso alumno Pablo:

En Soundcloud

En Ivoox

E os gañadores do certame de poesía leen os seus poemas:

En Soundcloud

En IVoox

O próximo curso volvemos con moito máis!

RadioVedra comeza a súa andaina

RadioVedra, a canle radiofónica que nace ao abeiro do proxecto Radio na Biblio, inicia a súa andaina cunha entrevista ao profesor de Bioloxía Xosé Palacio, que fala con nós da súa traxectoria educativa e os recordos que lle quedan do noso centro.

A esta entrevista seguiranlle outros programas que iremos publicando pouco a pouco.

Entrevistan as alumnas de 4ºESO Uxía Segade, Noelia Seijas e Paula Vázquez; aos mandos técnicos, David Freire.

 

Pódese escoitar a entrevista en calquera destas ligazóns:

A RADIO NA BIBLIO INICIA A SÚA ACTIVIDADE.

Este martes, 6 de marzo, escomenzaron as xornadas de formación para o alumnado inscrito no proxecto "Radio na biblio" no que participa o C.P.I. Plurilingüe de Vedra.

Esta primeira xornada tivo unha primeira parte de formación na aula de Informática e unha segunda traballando cos equipos de radio para facer as primeiras probas de emisión.

Ver fotos e vídeos +

Distribuir contido


by Dr. Radut