VISITA DIDÁCTICA A SANTIAGO - 4º ESO 2022

O pasado XOVES 27 de OUTUBRO os alumnos e as alumnas de 4º fixeron unha saída didáctica a Santiago acompañados polas profesoras de Inglés Begoña e Peregrina e a profesora de Historia, Mónica.

Tras 2 cursos sen excursións motivados pola situación provocada pola pandemia de covid, por fin, retomamos as nosas saídas e foi unha excursión moi especial. Non se puideron facer con eles nin en 2º nin en 3º e, por esa razón, aínda que non é a saída correspondente a 4º quixemos realizala para coñecer moitos e fermosos dos lugarescon historia da nosa cidade.

O día comezou cunha visita guiada ao Parlamento de Galicia, máis tarde comezou o noso percorrido polo centro histórico que rematou na Catedral visitando o seu interior; xa pola tarde, explicamos as catro prazas impoñentes que a rodean e rematamos coa visita ao Museo do Pobo Galego.

Aquí quedan algunhas das fotos deste día e este enlace ao albúm de fotos:

https://photos.app.goo.gl/r6EXSUCX2FLRkzoc9