Complementarias

Este martes día 1 de outubro contamos no centro dunha representación do club de baloncesto MONBÚS OBRADORIO entre a que se atopaban tres xogadores do primeiro equipo que milita na Liga Endesa ACB: David Navarro, Mike Daum e Dejan Kravic..

Durante o encontro tiveron ocasión de contar a súa experiencia deportiva e contestar as preguntas do alumnado de 3º ESO que participaban nesta actividade promovida desde o Departamento de Educación Física e o seu profesor José Antonio Castro, en colaboración co Obradoiro CAB e o Concello de Vedra.

A temática principal das preguntas e intervencións dos xogadores estivo centrada na actividade física, entrenos e na alimentación saudable necesaria para a práctica do deporte de competición.

Durante o encontro tamén estivo presente o alcalde do concello de Vedra, Carlos Martínez, que é gran afeccionado e practicante do baloncesto.

Ver + fotos

Presentamos un video do Proxecto Etwinning no que participa alumnado de Educación Infantil, no que se comunican e poñen en común traballos con outro países europeos. Coordina esta actividade a profesora Esperanza Chaves.

Enlace ao video

Este martes 24 de outubro o alumnado de 4º de ESO visitou a cidade departamental de Ferrol, onde puideron percorrer rúas e instalacións da cidade con visitas guiadas moi atractivas e novidosas como a Fragata "Alvaro de Bazán F-101" ou o Barrio da Magdalena, dentro dun conxunto que funde as súas raíces na Ilustración da época do rei Carlos III. A visita estivo coordinada polo Departamento de Xeografía e Historia.

LER MÁIS       VER FOTOS       FERROL. PATRIMONIO MUNDIAL

MÁIS SOBRE A FRAGATA "ALVARO DE BAZÁN"

O alumnado de 4º ESO do CPI Plurilingüe de Vedra acaba de regresar da súa viaxe fin de estudos a Cataluña que realizaron desde o 2 ao 8 de maio, acompañados por profesorado do centro. Durante a mesma fixeron numerosas visitas de carácter didáctico e cultural: Barcelona (Sagrada Familia, Pedrera, Parque Güell, Barrio Gótico, Camp Nou, Ramblas, ...), Tarragona (Acueducto, Anfiteatro, Circo, Catedral, Murallas, ...), Cavas Codorniu e o Mosteiro de Montserrat.  Ademais puideron disfrutar de momentos de diversión na praia de Salou e tamén no Parque temático Port Aventura.

Aquí podedes visionar algunhas imaxes da viaxe: 

O pasado 18 de decembro de 2014 o alumnado de 3º de ESO, ademais do grupo de PDC deste mesmo nivel, visitaron o Parlamento de Galicia. Nesta visita guiada coñeceron de primeira man todas as instalacións do mesmo: salón do plenario, grupos parlamentarios, biblioteca, ...