Skip to Content

Actividades

mes da cienciaNOVEMBRO, MES DA CIENCIA

Na clase de 5º estudamos a clasificación de seres vivos en 5 reinos. Observamos seres unicelulares que viven nunha gota de auga encharcada protozoos e algas.

E Tamén os fungos, vivimos rodeados de fungos, seres vivos descompoñedores. Usámolos na fabricación de alimentos, como alimento, na preparación de antibióticos. Hainos parasitos, velenosos ou que provocan enfermidades ou destrución de colleitas.

Ante tanta variedade fixémonos unha idea da importancia dos fungos nas nosas vidas e na biosfera e o alumnado trouxo á clase mofos, liques... para observalos.

Delia R. sorprendeunos co seu mofo. Trouxo queixo azul, un alimento que está feito cun tipo de fungo. Moitos rapaces non o coñecían nin o uliran e varios non o probaran nunca.

Despois de asegurarnos que non había alerxias alimentarias, fixemos unha cata de queixo. Puxemos todos os nosos sentidos a proba. Non todos quixeron probar, pero si cheirar e ver a cor e a textura. As  fotos mostran o éxito da experiencia...

Delia trouxo tamén unhas rebandas de pan para facer uns pinchiños ben saborosos.cata de queixo azul

Investigamos e descubrimos que o queixo azul faise grazas ao mofo Penicillium roqueforti que pertence a unha variedade de mofo, do que se obtén o antibiótico penicilina. 

A diferenza doutros mofos este non é perigoso para o ser humano, a industria alimentaria emprégao dende hai varios séculos para producir queixos azuis, sendo o responsable da súa cor, olor e sabor. 

O Samaín é unha festividade de orixe Celta que significa fin do verán. Celebrábase na noite do 31 de outubro ao 1 de novembro, para conmemorar o fin da tempada de colleitas e a chegada do inverno.  Os Celtas crían que nesta noite os seus ancestros podían visitar aos parentes vivos e por iso colocaban candeas dentro de caveiras para indicarlles o camiño. Na actualidade, mantemos a tradición de baleirar cabazas, decoralas e acender candeas no seu interior para iluminar as noites de transición entre o verán e o escuro inverno.

Así celebramos nós o Samaín, a festa máis tenebrosa:

-Con exposición de cabazas con mensaxes arrepiantes.

-Entrega de agasallos aos premiados no III Concurso de relatos curtos de medo.

Relato curto de medo

-Enchendo as aulas con personaxes terroríficos.

Celebrando o Samaín no CEIP Vistahermosa by Slidely Photo Gallery

Manifestación contra o Cambio Climático

#27S Mobilización de toda a escola polo Clima: Parón no recreo cos cartaces.

Con estas mensaxes o alumnado manifesta a súa preocupación pola saúde do planeta e reclama cambios para que a situación mellore: "Di NON ao plástico dun só uso", "Sen árbores non hai vida",  "Agora tócache a ti. CÓIDAA!, "Non malgastes auga", "Salvemos o planeta antes de que sexa tarde" ...

mobilización clima

Tamén en http://asombradoerbedo.blogspot.com/

PETICIÓN DE SOCORRO AOS HABITANTES DA TERRA

As rapazas e rapaces de 6º lennos esta carta, enviada pola Terra, pedindo a nosa axuda para recuperar a saúde.

Carta da Terra: Petición SOS 

#27S Mobilizacións polo Clima

# 23 ao 27S

Mobilizacións polo clima: Pola defensa dun planeta vivo e dun mundo xusto. O martes 24 de setembro vestiremos con algunha prenda de cor VERDE.

Durante a semana do 23 ao 27 de setembro levaremos a cabo unha mobilización polo Clima. 

"A mocidade polo clima espertou, e chama ás nosas portas para que nos unamos a este movemento imparable que vai cambiar a historia"
Só xuntos poderemos dar solución á actual e dramática crise climática. 
Accións previstas 
Horas de ler da semana: Libros de temática ambiental, sostible, ... lectura imprescindible para entender o mundo no que vivimos.

LUNS 23/09 – “UN MINUTO DE SILENCIO POLA TERRA”

MARTES 24/09“VESTIR CON ALGUNHA PRENDA DE COR VERDE” A cor verde representa a cor da esperanza para poder afrontar o futuro e conseguir que a situación cambie.

MÉRCORES 25/09 – “VIDEO-FORUM":

E.Infantil: cadernoverde.gal

OxfamIntermón: Sete impactantes vídeos sobre medio ambiente

Antes Que Sexa Tarde (Before The Flood) | Documental

COWspiracy o segredo da sostibilidade

Greenpeace.org: Así foi a loita polo medio ambiente no 2018

Para ler: https://es.greenpeace.org/es/noticias/asi-ha-sido-la-lucha-por-el-medio-ambiente-en-2018/

XOVES 26/09 – “CARTACES POLO CLIMA” Imos plasmar as nosas propostas para coidar o Planeta. Reusade cartóns reciclados para reducir o consumo de papel.

VENRES 27/09 -  “PARÓN NO RECREO COS CARTACES” cos que amosaremos a nosa preocupación polo Planeta e cantaremos a canción: Canta polo clima en Inglés e en galego

Música - CD Operación can (Tedes o cd na aula de música)  proxecto musical da UPAFGA para concienciar da necesidade de coidar o entorno e o medio ambiente. 

E o 27 de setembro podes sumarte  á mobilización participando na Manifestación Mundial polo clima. En Ourenes, será na Praza Maior ás 20.00 h.

 http://amigosdaterra.net/info/160415_adt/2019/09/20/folga-mundial-polo-clima-27s/

Plataformas convocantes: Movemento galego polo Clima, Mestras polo futuro, Amigos da terra, Fridays for future, Greenpeace...

Podcast dedicado a Antonio Fraguas

durante a gravación

bibliotecas escolares - radio na biblioEsta é a nosa humilde homenaxe a Antón Fraguasescritor, etnógrafo, historiador..., e tamén colaborador da Unión Radio Galicia que é recoñecido este 2019 no Día das Letras Galegas.

Os alumnos/as de 5º EP realizaron un traballo de investigación sobre os Tesouros ocultos de Ourense en relación á auga, ditos, lendas e personaxes máxicos que as habitan.

Coa información recollida elaboramos a escaleta ou guión.

Proxecto colaborativo enfocado a salientar a riqueza do patrimonio material e inmaterial do contorno: traballo de investigación sobre as termas e os personaxes máxicos que habitan os ríos.

Con este arquivo sonoro participamos na Convocatoria do I Concurso de Podcasts - Radio na biblio convocado pola Dirección Xeral de Centros e Recursos Humanos en colaboración coa Radio galega (CRTVG), no contexto do PLAN LIA de Bibliotecas Escolares (Lectura, Información e Aprendizaxe).

Escoita tamén o Podcast sobre NATUREZA E CAMBIO CLIMÁTICO

Fontes consultadas:

http://primaveradasletras.gal/category/fichas-didacticas/

AELG #libre o meu pensamento

#8M Día Internacional da Muller 

Inspirándonos en textos tomados do poemario de Rosalía de Castro, pintamos as nosas pancartas denunciando a inxustiza social que aínda sofren moitas mulleres en pleno século XXI.

Actividade da AELG "Do XIX ao XXI: Libre o meu pensamento!"  

Reportaxe gráfico da actividade na Galería de imaxes

O MECO VIAXA A... 

O noso meco anda de turista

e o ancho mundo visita.

Di que para non desentoar,

 o luns aparezas

                             con algo vistoso na cabeza.

Na súa viaxe disparatada,

o martes o meco manda:

Engade á túa vestimenta

unha nova prenda.

Ups! Pode que a talla

non sexa a axeitada.

 

Viaxar é estresante

e o meco vai moi extravagante.

O mércores co despiste,

o meco confundiuse…

De toda a roupa que tes,

pon unha prenda do revés.

 

 

A viaxe case remata,

o xoves, a ver como vés,

pon algo raro nos pés.

E xa, se queres sorprender

gafas, bolso ou cámara podes traer.

Non hai máis que dicir,

coma un verdadeiro turista vas lucir!

Así rapearon os mandados as rapazas e rapaces de 4º

rapeando os mandados

 

Celebramos o día Escolar da Paz e da Non Violencia con orixinais e divertidas actividades que fomos desenvolvendo ao longo destas semanas.

- Deseño e elaboración colaborativa dun mural con palabras máxicas para decorar o centro.

mural paz

- Movamos o mundo. Inspirámonos nunha das cancións máis coñecidas de Queen, "We will rock you", para reescribir o noso himno pacifista e interprétamolo ao unísono todo o centro (Proxecto viaxamos ás Illas Británicas)

- Decoramos os chanzos das escaleiras cos versos do poema "O Reino" do libro "Longa noite de pedra" de Celso Emilio Ferreiro .

Palabras máxicas para abrazar a paz by Slidely Photo Gallery

- Recibimos mensaxes en botellas mentres cantabamos "Message in a bottle" The Police.

- Regalamos lecturas: contos, cantigas e poemas  que levaron ás clases mensaxes de paz, de respecto aos dereitos humanos, de tolerancia, colaboración e convivencia. 

 Para ler máis visita o blog da biblio: A sombra do érbedo

Distribuir contido


by Dr. Radut