Blogues

EQUILIBRISTAS CON MAKEY MAKEY

Mar, 2024-03-26 18:57 — salial

Nesta actividade as alumnas e alumnos de 6º constrúen distintas tirolinas con papel de aluminio que conectan á placa Makey Makey. Despois programan a placa con Scratch para que emita un son cada vez que o aro toque o circuíto.

O desafío é atravesar a tirolina sen tocala, se lles treme o pulso e a tocan irán perdendo vidas.

DÍA DA POESÍA

Xov, 2024-03-21 01:00 — salial

Música e poesía: Alicia e Antía regálannos este poema musicado.

POESÍA E NATUREZA.

Se fas click na imaxe poderás ver a posta en escena.

Máis actividades no Blog da Biblioteca: Mes da poesía

TEATRO "HUGO"

Mar, 2024-03-12 17:24 — marycarrero

Hoxe o alumnado de 3º e 4º asistiu á obra de teatro "Hugo" no Auditorio.

Hugo é diferente. Gústanlle moito os avión e tamén toca o piano. Laia visita a Hugo cada día. A Laia gústanlle falar e as plantas. Hugo ten TEA, trastorno do espectro autista. HUGO fala da empatía, da necesidade de comunicarnos e da beleza da diferencia. Ser diferentes fainos grandes.

8M

Ven, 2024-03-08 19:59 — cris

Semana repleta de traballos relacionados co Día da Muller:

- Ambientación do centro

- Mulleres galegas influíntes (ENDLG)

- As mulleres da nosa vida: elaborado por cada nena e neno do centro.

- Investigación, traballo e exposición da vida dunha muller influínte en cada aula

- Cancións e bailes "Todo pode ser" e "Coas botas listas para bailar" Nancy Sinatra ("These boots are made for walking")

TOCADE NAS IMAXES PARA AMPLIAR

#8M-Coas botas listas para bailar

Xov, 2024-03-07 20:35 — salial

Reinvidicamos a igualdade a través da música e a danza.

These Boots Are Made for Walkin' (1967) canta Nancy Sinatra.

Esta é a estrutura da canción A A A. E estes son os sete Pasos Feministas:

Eres forte e brava.
Avanza cara o Leste e Pinta o mundo con pinceis de cores.
Camiña cara o Oeste e pinta.
Se alguén se pon ao teu lado e non te deixa avanzar, marca as distancias.
Avanza cara o Norte e cara o Sur: Ti podes conquistar o mundo!
Se hai muros, podes derribalos.
Confía en ti mesma!

No vídeo bailan 1º, 2º e 5º curso de primaria (dálle ao play):

Deseño de salial

#8M GAITEIRAS LAPBOOK

Xov, 2024-03-07 20:16 — salial

Día Internacional da Muller

O alumnado de 6º de EP investigou e desfrutou da música das gaiteiras Cristina Pato e Susana Seivane. Este Lapbook é unha homenaxe a estas mulleres influíntes na área musical e interpretativa.

Con este libro interactivo desenvolven distintas habilidades STEAM, rompendo cos estereotipos de xénero e potenciando un achegamento ao ámbito científico-tecnolóxico soldando e cableando circuítos eléctricos dun xeito creativo e estético.

- 8m lapbook gaiteiras de salial

ANIMACIÓN Á LECTURA E SENSIBILIZACIÓN MEDIOAMBIENTAL

Lun, 2024-03-04 12:11 — cris

Actividade ofertada polo concello de Ourense: "Conta coa natureza, incendios forestais".

Esta temática foi tratada por unha monitora medioambiental a través do conto teatralizado: "Xela, a superheroína da aldea" de Inma Soto.

Un conto sobre a nosa natureza, que pon en valor os nosos recursos e busca que os nenos/as coiden o entorno natural.

Coa finalidade tamén de animar ao alumnado o interesarse por lecturas desta temática.

XORNADAS DE DEPORTE ADAPTADO E INCLUSIÓN

Lun, 2024-03-04 12:05 — cris

O mércores 28 de febreiro o alumnado de 5º e 6º recibiu a visita de tres membros da Fundación ENKI para levar a cabo a primeira das XORNADAS DE DEPORTE E INCLUSIÓN.

Neste caso tratouse dunha charla con deportistas con diversidade funcional para dar a coñecer o deporte adaptado e inclusivo e a súa traxectoria deportiva e persoal respondendo a todas as dúbidas e curiosidades das nenas e nenos.

O vindeiro 11 de marzo asistiremos ao encontro provincial na Expourense, onde practicarán diferentes modalidades de deporte adaptado.

TOCADE NA IMAXE PARA AMPLIAR

MENÚ MARZO

Lun, 2024-03-04 09:52 — cris

TOCADE NA IMAXE PARA AMPLIAR

Obradoiro de instrumentos

Xov, 2024-02-29 17:15 — salial

OBRADOIRO DE INSTRUMENTOS CON MATERIAL DE RECICLAXE

O primeiro reto para o alumnado de 5º de EP era construír un instrumento musical con diferentes materiais de refugallo. Logo tiñan que formar un grupo, preparar unha canción e gravala. Escollemos poemas de Rosalía como fío condutor das interpretacións.

.

Instrumentos de vento e corda

Instrumentos de percusión

MUSICANDO POEMAS DE ROSALÍA

Non hai mellor xeito de celebrar que cantando. O alumnado de 5º e 6º versiona poemas de Rosalía dun xeito moi creativo. Queres escoitalos? Estes son os poemas e as músicas empregadas:

Lugar máis fermoso: Doraemon

Alborada e Adiós ríos e adiós fontes: Bases de Rap

Nacín cando as plantas nacen: Lola Índigo (Casanova)