Blogues

Onte as rapazas e rapaces de 6º de primaria desprazáronse ata Castrelo de Miño para desfrutar da actividade Piragüismo Dragón, ofertada pola Secretaría de Deportes, enmarcada no programa XOGADE.

Unha xornada onde descubriron unha nova modalidade deportiva e conviviron co alumnado de outros centros educativos.

TOCA NA IMAXE PARA REPRODUCIR.

POLOS CREATIVOS. 

Esta actividade é unha homenaxe ás REDEIRAS, unha profesión tradicionalmente feminina en Galicia.

Na aula de Plástica creamos un pequeno tear para que o alumnado de 6º practicara cun punto básico de tecido e creara unha peza de decoraciónde de parede para fotos, notas, colares... (Fai click na imaxe para ver as diapositivas)

Hoxe desprazouse ao Auditorio o alumnado e as mestras de EI para desfrutar da representación "Pingüín".

Obra premiada ao mellor espectáculo no World Arto Festival of Puppets de Praga en 2004 e Premio á mellor proposta dramática na Fira de Titelles de Lleida no ano 2000.

Esta obra aborda o tema da difícil situación á que se enfrenta un neno cando ten que compartir o cariño e a atención da súa familia cun novo irmán que chega. O noso "príncipe destronado" deberá superar esta proba dándose conta de que gañou unha amizade para toda a vida.

Aprender a compartir e madurar coma persoas.

Ao longo deste mes para conmemorar o "Día do Libro", fomos realizando actividades relacionadas coa lectura, o xogo e a creatividade.

Cada xogador/a vai anotando as palabras por onde vai avanzando no taboleiro, combinando esas palabras narrará unha breve historia.

- APADRIÑAMENTO LECTOR:

Un ano máis os maiores do cole fixeron de padriños e madriñas lectoras dos máis pequenos.

- VISITA DA DOUTORA CECILIA

Tódolos anos polo "Día do libro" a Dra. Cecilia, visita ás aulas de 4º, 5º e 6º de infantil, co fin de comprobar a saúde da biblioteca de aula. Este ano conseguiron o certificado - CORAZÓN VERDE BRILLANTE- Iso significa que aos nenos/as de infantil lles gustan os libros e coidan deles. Tamén lles puxo unha vacina para que o encargado/a do día se acorde de ordenar a bilbioteca.

- O MEU LIBRO FAVORITO

Os nenos/as de infantil ilustraron o seu conto favorito

- RETO: CANTOS CONTOS COÑECES TI?

Na entrada da biblioteca tes un reto sinxelo se queres conseguir un libro, só tes que escribir os títulos de contos que aparecen no panel, poñer o teu nome, o curso e entregalo á coordinadora da Biblioteca. ANÍMATE!!

- A BIBLIOTECA  ESCOLAR ... Espazo para Ler, Xogar e Crear.

 Os nenos/as de infantil desfrutaron dunha sesión de xogos na biblioteca.

 FELIZ DÍA DO LIBRO!

...Ler máis

Día do Libro

Briana, alumna da clase de 1º de EP,  é a protagonista do conto musicado "A nena e o avó". Con motivo do día do libro presentounos o conto  e compartimos unha das cancións incluídas no libro. Fai click na imaxe para escoitar a canción. 

A autora Carmen Calleja nun momento da lectura do conto que tivo lugar no CC Ponte Vella da cidade.

Tedes á vosa disposición, na biblio do centro, o conto musicado "A nena e o avó", onde Briana e o seu avó nos descubren un mundo máxico cheo de trasnos, meniñeiros, nubeiros....