Onte festexamos o día da Paz no cole, este ano contamos cun concerto moi especial, "Mbolo Mooye Doolé", grupo de percusión e danza de Senegal, ensinounos instrumentos típicos da súa terra e gozamos escoitándoos, danzando e tocándoos.

Un dos instrumentos que nos trouxeron foron "Yembes" un tambores de corda afinado, cubertos de peles que se tocan cas mans; o seu nome significa "todos xuntos en paz", por esa razón trátase dun instrumento social que nos invita a pasalo ben e a evitar os conflitos.

E XA TEMOS GAÑADOR, NESTE CASO GAÑADORA DA NOSA CESTA DE NADAL.

E QUEDOU NA CASA, A GAÑADORA FOI

LUCINDA PUIME FERNÁNDEZ, NAI DE ALUMNOS DO COLE. 

NORABOA LUCINDA!

A postal de Nadal gañadora do Concurso 2018 foi para o alumno de 5ºEP, KENNETH ALONSO FERNÁNDEZ.

Noraboa Kenneth, por agasallarnos con esta fermosa ilustración!!!

BO NADAL!!!

ENTREGA PREMIO DO CONCURSO POSTAL DE NADAL:

ACTUACIÓNS DE TODOS OS CURSOS:

GRAN CESTA DE NADAL

VENTA DE RIFAS PRO-VIAXE FIN DE CURSO

Xa están á venta as rifas para a cesta de Nadal dese ano. Poderedes comprarllas aos alumnos/as de 5º e 6º e ás súas profes.

ANIMÁDEVOS e SORTE!

Podedes ver o contido detallado, clicando na foto da cesta: 

O martes tivemos unha Xornada de Xogos Populares e Tradicionais no colexio.
      
       Formamos grupos con nenos e nenas de diferentes cursos e practicamos os xogos dos nosos avós e das nosas avoas. Que interesante!

       Xogamos á Mariola, ao sete e medio, ao tres en raia, aos castelos de carozos, á ra, ao pano, saltamos á corda ...

       Algúns dos maiores explicaron as normas dalgúns xogos e axudaron aos máis pequenos a saltar, a contar, a tirar as chapas ...

       Non só resultou unha xornada de convivencia entre o alumnado dos distintos grupos, senón tamén unha actividade lúdica que nos permitiu xogar do mesmo xeito que o facían os avós e as avoas.

Xa estamos no Samaín.

Rapaces, avós, pais... e tódalas persoas que quixeron vir ao cole, puideron visitar a nosa exposición de cabazas  e froitos do outono.

Para aqueles que non puideron acudir,aquí vos deixamos unha pequena mostra de tódalas marabillas que fixéchedes nas vosas casas.

Xa que estamos descubrindo o Mundo aquí podedes coñecer algunha cousiña sobre a tradición do Samaín

A docencia sobre o cambio de metodoloxía que estamos a levar a cabo no centro foi impartida por Carmen Vaz Dapia, asesora do Centro de Formación e Recursos de Vigo. As dinámicas de traballo cooperativo, as tarefas integradas e o desenvolvemento do currículo, foron os temas que abarcou Carmen para que as familias coñezan o proceso deste cambio.

Agardamos que a charla fose do voso interese e moitas grazas por asistir.

Clicade aquí para descargar a súa presentación en PDF que desenvolveu o 30 de outubro.

Chegou o Outono coas súas cores, os froitos, as colleitas, o viño novo e as tradicións da estación. Unha destas celebracións é O Magosto. Festa de castañas,  brasas,  lume, cornetes de papel, cheiro a fume, estoupidos ao lume, sabor da terra ... O venres, día 26 de outubro, fixemos o Magosto no Galiñeiro.

Os maiores subimos camiñando, seguimos sendeiros polo monte e chegamos axiña á zona do Merendeiro. Os alumnos de infantil e os do primeiro ciclo desprazáronse en autobús.

Cando chegamos ao Merendeiro buscamos un lugar para construír as cabanas, agrupámonos para xogar, merendamos nos refuxios que fixemos con paus e probamos as castañas.  Aproveitamos as cinzas para pintar a cara! Que ben o pasamos!

Magosto no Galiñeiro

Esta semana o alumnado do CEIP Serra-Vincios dedicamos unha xornada á loita contra unha gran invasora dos nosos montes e espazos naturais. Estivemos arrancando eucaliptos na Serra do Galiñeiro.

Os responsables da Comunidade de Montes solicitaron axuda para loitar contra esta especie que está a invadir unha gran superficie no monte.

Foi un día moi interesante!

Camiñamos ata chegar á panasqueira onde un representante da Comunidade   nos indicou o lugar máis axeitado para arrancar os eucaliptos.

Levamos guantes, calzado cómodo e mochilas con auga e merenda. Fixemos montóns cos eucaliptos que arrancamos e pensamos que hai que seguir eliminando esta praga que impide o crecemento de especies autóctonas como carballos, castiñeiros...

Merendamos na panasqueira, bebemos na fonte e xogamos polos arredores. Sentímonos moi ben!

Só nos queda darlle as grazas aos responsables da Comunidade de Montes por ter en conta a nosa axuda e polas tarefas que realizan en defensa dos nosos montes.. 

Arrincando eucaliptos na Serra do Galiñeiro.

Estos días atrás fomos a vendimar a unha leira a carón do centro.

A tarefa favoreceu a colaboración e o traballo entre distintos grupos polo que afillados e padriños lectores puidemos compartir novas experiencias. Empregamos capazos, tesoiras, cestos... para cortar e recoller os acios das vides .

Despois dunha xornada tan satisfactoria só nos queda agradecerlle aos propietarios a invitación recibida e a súa colaboración desinteresada.

Moitas grazas e ata a próxima