Curso 2013-14

ORLA 6º EP 2013-14

 

6º EP - PROMOCIÓN 2013-14

 

 

 

   

 

                    

 

 

 

 

 

 

 

 

 

 

 

 

 

 

 

 

 

 

 

 

 

 

TEMÁTICA DO CURSO 2013-14:

"A GASTRONOMÍA"

EXPOSICIÓN 3º TRIMESTRE DO PROXECTO GASTRONOMÍA

Dentro do proxecto "gastronomía" que levamos a cabo neste curso escolar, expuxeron os seus traballos os alumnos e alumnas de 3º "Sabemos o que comemos?", 5º "Gastronomía e Arte ao longo da Historia" e 6ºB "O Pan" na biblioteca do cole. PARABÉNS!!!

No vídeo podemos observar os 3 traballos:

 

Plantamos unha árbore- 5 de xuño

06/05/2014

Hoxe 5 de xuño celebramos o Día Mundial do Medio Ambiente. Levamos varios cursos celebrándoo coa plantación dunha árbore no patio da nosa escola. O alumnado de 3 anos escolle unha árbore que planta, arroupado por todo o centro, neste día. A partir deste momento, adóptana e cuidarana con cariño.

A árbore escollida é o kumquat, tamén denominado quinoto ou laranxeira enana. Está emparentado coa familia dos cítricos.

AliméntTBen

AliméntaTBen é un programa da Consellería do Medio Rural e do Mar, coa colaboración da Consellería de Cultura, Educación e Ordenación Universitaria e da Consellería de Sanidade, que contribúe á mellora dos hábitos alimenticios e a unha nutrición saudable para o alumnado dos centros educativos galegos. 

Este ano concedéronnos as axudas para distribuír froitas frescas ao alumnado e durante catro semanas repartiranse distintas froitas aos nenos/as na hora do recreo. Desde o ano 2009 a Unión Europea conta co Plan de froita nas escolas, destinado a repartir froitas e hortalizas.

No seguinte vídeo podemos observar cantas vitaminas nos aportou a froita:

PEQUENAS RECOMENDACIÓNS PARA AS FAMILIAS

QUEN SOMOS OS MESTRES/AS DE AUDICIÓN E LINGUAXE?

Somos un grupo de mestres/as que realizamos un traballo de prevención, diagnóstico e tratamento dos trastornos da comunicación.                                       


CONSELLOS XERAIS QUE DEBEMOS TER EN CONTA AS NAIS E PAIS PARA ESTIMULAR A LINGUAXE DAS NENAS E NENOS

O primeiro que debemos ter en conta é que os nenos/as aprenden a linguaxe escoitando a fala das persoas do seu contorno e o fan principalmente por imitación. Por este motivo, débeselles falar moito, cunha linguaxe sinxela e clara de entender.

 

O QUE NON DEBEMOS FACER......                       

  • Potenciar a linguaxe infantil, empregar palabras mal ditas, imitalos e rirse deles.
  • Empregar onomatopeas para nomear as cousas, por exemplo: “guau-guau” por can ou “burrúm” por coche, etc. Se o neno os emprega, non lle faremos repetir pero nós diremosllo de forma correcta: “sí, ese coche é moi bonito, este coche corre moito”.
  • Acabarlles as frases, falar por eles. Hai que darlles tempo a que se expresen , ter paciencia   para demostrarlles que o que nos están contando é importante para nós.
  • Rifar ao neno cando non diga as palabras de forma correcta ou rirse del. Non intentar corrixir os erros fonolóxicos do neno, limitarse a que o neno nos escoite correctamente e comprenda o  que queremos dicir. Sempre é preferible que fale, aínda que sexa de forma incorrecta, a que se retraia e coarte a súa expresión por medo a rifas ou vergoña.
  • Sufocar aos nenos porque creamos que van lentos, cada quen ten o seu ritmo de fala.
  • Recortar os finais das palabras.

 

 O QUE SI DEBEMOS FACER......               

 

  • A partires dos 18 meses de idade, o neno debe tomar a alimentación como o resto da familia, non feita puré, xa que mastigando desenvolve a musculatura da boca e por tanto mellora a súa linguaxe.

  • Adique moito tempo a comunicarse co seu fillo/a, incluso durante a etapa da lactancia: fálelle, fágalle acenos e fomente en el a imitación de sons e acenos.
  • Léalle ao seu fillo/a todos os días cando tan só teña seis meses. Os contos con imaxes (animais, cores,....) son ideais para estimular o desenvolvemento léxico. Faille participativo cando sinale algunha viñeta.
  • Aproveite as situacións cotiás para reforzar a fala e a linguaxe do seu fillo/a. O momento do baño ou cando se viste, son situacións idóneas para nomear obxectos, prendas de vestir, partes do corpo,.... deste xeito adquirirá o vocabulario de maneira natural e progresiva.
  • Repítelle todo ás veces que necesite, pero sempre de maneira natural.
  • Sempre que o neno inicie unha conversa intenta que esta se manteña o maior tempo posible.
  • Valora os seus pequenos avances, refórzao.
  • Elixe unha actividade que ao neno/a lle resulte motivante e atractiva para que ésta provoque o linguaxe do neno/a.
  • Emprega preguntas abertas. Anímao a contestarche con algo máis que si ou non. Amplía as súas mensaxes.
  • Ensínalle a contar cousas de xeito ordenado : que fixo antes e despois, que fará enseguida, logo,....
  • Pregúntalle a miúdo a que xoga e escoita as súas explicacións.
  • Ver con el un programa infantil de TV e preguntarlle cousas sobre os personaxes, como se chaman, que facían,...
  • Ensinar ao neno/a hábitos de hixiene nasal, que favorezan a respiración e a articulación (ensinarlles a soarse o nariz)
  • Favorecer a relación con outros nenos, xa que a linguaxe é algo social e que se debe desenvolver a través da relación cos outros.   

 

¿QUE XOGOS PODEMOS EMPREGAR PARA FACILITAR A SÚA LINGUAXE?

  • —Buscar diferenzas entre láminas de debuxos similares.
  • —Xogar ao “Vexo-Vexo” (nomeándolle características do obxecto para que o atope)
  • —Xogar co neno/a a imitar sons do contorno, de animais ou persoas, ensinándolle de onde proceden e animándoo a imitalos.
  • —Fomentar o xogo imaxinativo do voso fillo/a, que xogue a peitear bonecas, a conducir, a xogar na granxa,...
  • —Xoga co teu fillo/a a facer movementos cos beizos, como facer morriños, dar bicos, facer pedorretas...; coa lingua, lamberse os beizos, sacar a lingua fóra da boca, subila ata o nariz...(é importante fortalecer os músculos que interveñen na fala)
  • —Realice co neno/a xogos de sopro: inchar globos, sorber con palliñas, pitos, trompetas, soprar velas a diferentes distancias,....

PARA FINALIZAR e a modo orientativo, xa que non debemos esquecer que cada neno/a evoluciona a un ritmo diferente, sinalaremos que cara aos 4 anos o neno/a debe falar correctamente como un adulto, aínda que lle serán difíciles as palabras que conteñan R-RR-PR-PL-BL. Se aos 6 anos continúan estas dificultades é o momento de consultar cun especialista. 

LETRAS GALEGAS 2014: XOSÉ MARÍA DÍAZ CASTRO

  

No CEIP Serra Vincios celebramos o día das Letras Galegas por todo o grande. O xoves 15 houbo unhas actuacións espectaculares e o venres 16 tamén. Aí tedes as actuacións...

 

 

ENTROIDO GASTRONÓMICO 2014

O entroido deste ano foi moi moi "gastronómico" xa que é a temática que traballamos no colexio. Nestes dous vídeos podemos observar o desfile e as actuacións das comparsas dos distintos ciclos:

 

 

 

O MECO MANDA:

O vindeiro venres 28 de febreiro celebraremos a Festa do Entroido no colexio. Seguindo coa tradición destes anos, a partires do luns, o Meco mandará ordes que deberemos cumprir.

 
 
MÉRCORES:
 
 
        "Se che gusta comer
        a cara pintada
        con comida
        debes traer".
 
O xoves na escola coa cara pintada entrarás, cun mandil ou mandilón e o tocado do día anterior.
 
 
MARTES:
  
     
        "Non sexas porcón   
        ven con mandil
        ou mandilón"
 
 
O mércores ao cole virás con mandil ou mandilón e o tocado que trouxeches o día anterior.
 

 

 LUNS:

        "Na cabeza colocado

        has levar un tocado

        e o formato a levar

         gastronómico será".

Así que o martes, todos no cole, coa cabeza adornada debedes entrar.

E non esquezades que coa gastronomía relación terá.

 

Distribuir contido