ACTIVIDADES EXTRAESCOLARES CURSO 2021-2022:

* Este curso escolar 2021-22 a ANPA organizará as actividades extraescolares.

* A biblioteca tamén permanecerá aberta en horario de tarde, polo que haberá profesorado de garda, para realizar empréstitos e supervisar as actividades.

* DESCARGA AQUÍ A OFERTA DE ACTIVIDADES EXTRAESCOLARES 2021-22.

• As actividades extraescolares están organizadas pola ANPA.
• Anualmente, a ANPA deseñará un plan de actividades extraescolares que presentará á dirección do centro para a súa inclusión na Programación Xeral Anual.
• As actividades a desenvolver serán de tipo educativo, deportivo e cultural e adecuaranse aos espacios físicos no que se imparten.
• Haberá un mestre/a de garda que supervisará as actividades extraescolares. A biblioteca abrirá pola tardes, en horario de 16h a 18h, a excepción do martes e os días que non haxa actividades extraescolares. Neste horario só se fará uso da biblioteca para función de préstamo e/ou devolución de libros, así como para outras actividades expresamente relacionadas coa biblioteca. En ningún caso se levará a cabo función de garda e custodia do alumnado.
• A persoa encargada de impartir a actividade responsabilizarase da custodia dos nenos/as e do coidado das instalacións e do material utilizado.
• O alumnado deberá respectar, coidar e manter no mesmo estado en que as atopou, as aulas e os materiais que conteñen, utilizadas para ditas actividades.
• Os nenos/as terán un bo comportamento e seguirán as indicacións do monitor e do responsable da ANPA.
• O alumnado só poderá permanecer na biblioteca ou na actividade na que estea inscrito, non podendo, en ningún caso, acceder ás aulas ou andar libremente polo colexio.
• As familias teñen a obrigación de ser as encargadas de recoller aos alumnos/as unha vez finalizadas as actividades extraescolares e coa debida puntualidade.
• Se a familia chega tarde a buscar ao seu fillo/a, chamará ao Centro por teléfono para avisar desta circunstancia. O profesorado de garda velará para que así sexa.
• Ningún alumno/a poderá abandonar as actividades extraescolares sen custodia, excepto o alumnado de 3ºEP a 6ºEP con autorización familiar.
• O modelo de autorización será entregado ás familias que o soliciten e deben devolverse asinadas ao profesorado do centro. Os monitores/as das actividades serán informados de tal circunstancia.
• Se algún alumno/a que non teña autorización para abandonar o Centro, non é recollido por un adulto no momento de acabar unha actividade, será entregado ao profesor/a de garda para que se poña en contacto coa familia.
• Se o alumno/a non é recollido pola persoa habitual (pai, nai e/ou titor) deberá vir provisto da autorización da familia e identificarse co seu DNI para poder recollelo. Esta persoa, non habitual, poderá ser un adulto ou poderá ser un irmá/n maior que estea matriculado en 5ºEP e/ou 6ºEP pero sempre disporá dunha autorización familiar do alumno/a que veña a recoller.

Para anotar aos vosos fillos nunha actividades extraescolar é imprescindible ser SOCIO DA ANPA.

Podedes consultar aquí todas as NORMAS DAS ACTIVIDADES EXTRAESCOLARES.

OUTRAS ACTIVIDADES

Ao longo do curso, a directiva da ANPA organiza e colabora en diferentes actividades culturais, festivas e de convivencia. Son as que se detallan:

FESTA DO SAMAÍN (OUTUBRO):

Nesta data o centro organiza unha festa para o alumnado na que a ANPA colabora mercando refrescos e zumes que os alumnos do último curso poñen á venda para recadar fondos cos que axudar a costear a súa excursión de fin de curso. 

FESTA DE NADAL (DECEMBRO):

Chegada esta festa de tanta tradición e popularidade entre o alumnado, organizamos unha xornada na que os protagonistas do Nadal visitan o centro para repartir agasallos a todas as nenas e nenos. Colaboramos tamén neste día cos alumnos que rematan os seus estudos e que organizan a excursión de fin de curso, mercando diferentes produtos (doces, bebidas, ...) que se poñen á venda, sendo toda a recadación doada para os gastos da citada excursión.

FESTA DO ENTROIDO (FEBREIRO):

O Entroido é tempo de divertimento, é por iso que neste día organizamos unha festa na que os nenos xa disfrazados despois do desfile do centro, participan nunha celebración na que lles damos unha merenda con chocolate quente e biscoitos. Tamén se contratan e instalan no recinto distintas atraccións lúdicas. Do mesmo xeito que na festa do Nadal se colabora coa excursión de fin de curso dos alumnos de 6º. 

NOITE NO COLE (MAIO):

Preto do remate do curso, organizamos para os nenos de 6º una xornada na que durante a tarde e no recinto do centro, realizamos diferentes actividades e xogos nas que participan nais, pais e alumnos. Posteriormente servímoslles unha cea no comedor do colexio, una vez rematada a cal e despois de proceder ao aseo persoal, se realizan novas actividades. Os alumnos participantes durmen no centro nas zonas que para elo se habilitan no salón de usos múltiples.

Xa pola mañán e una vez que se lles sirve o almorzo, remata esta actividade de festa e convivencia.

EXCURSIÓN FIN DE CURSO (XUÑO):

Coa intención de desfrutar dun día de festa todos xuntos se organiza una excursión preto do remate do curso para todo o alumnado e os seus pais. É una viaxe dun día a unha zona previamente elixida, na que se poida misturar tempo de ocio, xantar campestre e realización de diferentes actividades como xogos e visitas culturais. 

FESTA DE FIN DE CURSO (XUÑO):

Para rematar o curso organízase unha festa de despedida no recinto do centro, na que se celebran actividades como festa de espuma e se instalan atraccións para os alumnos. Como remate ofrécese unha merenda para todos os asistentes.

SAÍDAS DO CENTRO (AO LONGO DO CURSO):

A ANPA subvenciona aos seus socios coa cantidade de 2 € para o bus que se utiliza nas saídas que o centro programa e realiza.

ESCOLA DE PAIS/NAIS:

Trabállase coas familias aspectos como o coñecemento, o comportamento humano, e a comunicación. Sesións dunha hora semanal en horario de mañá .

OBRADOIROS:

Traer á escola obradoiros e faladoiros con diferentes organizacións de interese social e cultural para os alumnos. Tentamos durante o curso achegar temas de necesario traballo na sociedade actual, tales como ecoloxía, violencia de xénero, consumo responsable etc.

A maiores destas actividades aquí reflectidas e conforme se vaian vendo as necesidades que xurdan, a ANPA podería organizar algunha máis. No caso de ser así, se notificaría convenientemente á dirección do centro.

CONSULTA NA GUÍA RÁPIDA OS DOCUMENTOS COVID DO CENTRO:

  - PROTOCOLO COVID (versión 06/07/2021).
  - PLAN DE CONTINXENCIA COS HORARIOS DAS AULAS EN CASO DE CONFINAMENTO (versión 06/07/2021).

Estimadas familias:

No seguinte cadro podedes consultar os horarios das reunións de inicio curso coas titoras dos vosos fillos e fillas. Será importante a vosa asistencia e puntualidade (1 familiar por alumno/a). As reunións celebraranse no salón de actos.

DESCARGAR CALENDARIO LECTIVO PARA AS FAMILIAS

En Educación Infantil e Primaria, o Curso Escolar 2021-22 impartirase dende o 9 de setembro de 2021 ata o 22 de xuño de 2022, ambos inclusive. 

O período de adaptación do alumnado de educación infantil que se incorpora por primeira vez ao centro non se prolongará máis alá do día 21 de setembro de 2021. 

Quedarían por elixir 2 días non lectivos de libre elección do Centro que acordará o Consello Escolar no mes de setembro. 

Logo publicaremos na WEB o calendario escolar actualizado que servirá de consulta durante todo o curso escolar, xa que non enviaremos notas de aviso.

Se queredes consultar a orde pola que se aproba o calendario escolar para o curso 2021/22, deixámosvos este enlace: 

CALENDARIO ESCOLAR 2021/2022 | CONSELLERÍA DE EDUCACIÓN E O. U.

O proxecto Educación Dixital (E-Dixgal) ten como obxecto favorecer o desenvolvemento de proxectos integrais de educación dixital, facilitando aos centros a dispoñibilidade de materiais dixitais cos que poidan desenvolver o seu proxecto curricular de 5º e 6º de Educación Primaria, para o cal cada alumno/a utilizará un portátil na aula. Neste curso aplicaremos o programa en 5ºEP e 6ºEP e, tanto o profesorado como o alumnado, desenvolverán a súa actividade educativa diaria nun entorno virtual de aprendizaxe. Para obter máis información podes visionar o vídeo e descargar o folleto informativo:

Na seguinte páxina https://www.edu.xunta.gal/espazoAbalar/espazo/e-dixgal recóllese toda a información relacionada co Proxecto E-Dixgal: centros participantes, información para as familias, datos de contacto do Soporte Premium, etc.

CLICA NO ENLACE PARA VER A RESOLUCIÓN DAS AXUDAS PARA MATERIAL ESCOLAR:

 RESOLUCIÓN AXUDAS MATERIAL ESCOLAR (1ºEP, 2EPº, 3ºEP, 4ºEP, 5ºEP e 6ºEP): LISTAXE DE AXUDAS CONCEDIDAS.

AVISO: os cheques das axudas para a adquisición de material escolar, serán entregados no mes de setembro. 

Estimadas familias,

Deixámosvos toda a información relativa á solicitude do comedor escolar para o vindeiro curso escolar. Lede con atención o tríptico informativo:

• TRÍPTICO INFORMATIVO
• ANEXO IA - SOLICITUDE COMEDOR 1º PRAZO
• ANEXO IB - SOLICITUDE COMEDOR 2º PRAZO 
• ANEXO II - OBRIGAS DOS BENEFICIARIOS/AS
• ANEXO III - EMERXENCIA SOCIAL

Para calquera aclaración, dirixídevos ao Departamento de Benestar Social do Concello de Gondomar, chamando ao teléfono 986360168.

Na páxina do Concello de Gondomar tedes máis información. Pincha aquí