Un curso máis participamos nesta campaña da Secretaría Xeral para o Deporte da Xunta de Galicia. O alumnado de 4º e 6º de primaria ten a ocasión de participar en actividades deportivas con outos centros dun xeito máis participativo que competitivo.

A actividade desenvólvese entre xaneiro e xuño, e culminará co Encontro Galego de Deporte na Escola ao que un ano máis asistiremos coa ilusión de participar nun entorno colaborativo e de posta en práctica dos valores básicos que moven o mundo da actividade física.