Neste 2023 quixemos recuperar a idea non realizada do ano da pandemia polo COVID. Realizamos unha complexa organización entre os seis centros participantes para xogar entre todos-as a catro deportes emerxentes e novedosos que comezan a introducirse no ensino dende hai poucos anos, son Kinball, Noqball, Datchball e Tag Rugby. Así os colexios de Victor López Seoane, Salesianos, San Pedro de Visma, Novo Mesoiro, Curros Enríquez e Juan Fdez Latorre conmemoramos o Día da EF na rúa, solicitando máis horas de EF nos colexios e máis e mellores instalacións deportivas na cidade. Agradecemos a colaboración ao COLEF- Galicia, ao CRAT Coruña e ao Concello de A Coruña.

Por segundo ano consecutivo, e por iniciativa das mestras de cuarto, e xa que estaban a traballar as mandalas dentro da asignatura de plástica, intentamos realizar en educación física, diferentes propostas de mandalas animadas co corpo e outros elementos materiais do ximnasio para crear composicións que podedes visionar no seguinte vídeo, e onde veredes que o alumnado de cuarto conta cunha excelente coordinación, ritmo, creatividade e tamén paciencia.

Aproveitando sinerxias, invitamos aos integrantes do equipo dos DEMENTORES de Coruña, campións de España de quiddicht, a que intentasen ensinarnos como xogar a este deporte que ten as súas raices nas películas de Harry Potter. E vaia que aprendemos! e gustou ao alumnado de cuarto, e seguro que tamén o practicaremos con outros alumnos-as doutros cursos. Deixamos unha pequena mostra no seguinte vídeo e agradecemos aos DEMENTORES a súa labor de divulgación deste deporte e dun xeito desinteresado.

Un novo deporte, inventado por un mestre de Aragón, e que está entrando con forza nos coles de toda España pola súa boa acollida por mestres e alumnado. Por primeira vez implementado nas aulas do Fdez Latorre, e polo éxito acadado, seguro que chegou para quedarse. O alumnado de 4ºEP, disfrutou ao máximo na xornada final do torneo celebrado o venres 25 de novembro. Aquí queda constancia nas seguintes imaxes.

Terminamos a UD de atletismo con 6ºEP, e como é habitual dende hai 10 anos o celebramos cunha xornada lúdica nas pistas de atletismo da Universidade de A Coruña, entidade coa que colaboramos dende hai moitos anos. Cansados pero contentos, así podemos definir como terminou todo o alumnado de 6ºEP.

Un curso máis o alumnado de 5ºEP participou nesta actividade física e cultural, que ademáis este curso coincide co Xacobeo 22, razón pola que decidimos extraordinariamente chegar ata Santiago e visitar a Catedral. Semella que a actividade foi todo un éxito e o podedes comprobalo visionando o vídeo despois de facer clic na imaxe.

Despois de dous anos de parón pola pandemia, o pasado venres 29 de abril celebramos, xunto con outros cinco centros educativos, o Día da EF na rúa na Praza de María Pita. Trátase dunha actividade que se realiza en toda España e que pretende visibilizar a necesidade e importancia de aumentar as horas de educación física no ámbito educativo. O alumnado de sexto de primaria foi o encargado de realizar diferentes actividades durante as dúas horas que durou o acto.

Con esta actividade complementamos o traballo realizado en plástica polo alumnado de cuarto. Esperamos que vos agrade.

Neste mes de novembro de 2021 un entrenador do equipo feminino de balonmán Brigantium de A Coruña estivo promocionando, nunha clase de educación física, este deporte colectivo entre o alumnado de 2º, 3º e 4º de Primaria. Moitos deles desfrutaron da experiencia e amosaron o seu interese en probar nos adestramentos do equipo feminino os martes e xoves de seis a sete na polideportiva do San Fco. Xabier.

Tras o parón do pasado curso pola COVID, este ano retomamos unha das nosas tradicionáis actividades de educación física. O alumnado de sexto de primaria, en dúas xornadas, puso punto e final á unidade didáctica de atletismo deste primeiro trimestre. O tempo acompañou e puidemos desfrutar das actividades previstas, coñecendo e recoñecendo unha instalación real de atletismo como é o estadio de atletismo do campus universitario da UDC, a quen lles agradecemos a cesión dos espazos para  realización da actividade.