CEIP DE PEDROUZOS - Brión

Logo da votación para a elección dos representantes de nais e pais do alumnado no CONSELLO ESCOLAR e do Claustro do centro, fánse públicas as candidaturas elexidas.

CANDIDATURAS ELEXIDAS PAIS E NAIS:

• Blanco Bonjour, Andrea
• Rodríguez Vázquez, María José

CANDIDATURAS ELEXIDAS CLAUSTRO DE PROFESORADO:

• Vidal Puga, Mª del Pilar
• García Blanco, Mª del Carmen

Poden consultarse os resultados da votación no taboleiro do centro.

DIRECCIÓN

Publicada a orde que regula o acceso ás máscaras de protección que a Xunta pon á disposición do alumnado de Primaria, ESO e Bacharelato

Tal e como establece a convocatoria, todo o alumnado que conta con axudas de material escolar da Consellería de Cultura, Educación e Universidade no presente curso 2021-22, será beneficiario directo das máscaras, polo que neste caso non terá que formalizar ningunha solicitude.

O resto do alumnado -aínda que non conte con axuda de material escolar- tamén poderá beneficiarse so subministro de máscaras sempre que reúna o requisito de renda per cápita igual ou inferior a 6.000€. Para facer o cálculo deben tomar os datos da Renda do 2019.

O prazo de solicitude vai desde hoxe luns 15 de novembro ata o venres 26. Para entregar a solicitude se é o caso, poden facelo no centro de 10:00h a 13:30h.

Cada ano, ao comezar o curso, faise unha reunión informativa para as familias de alumnado que cursa 5º ou 6º de Primaria no noso centro. Como ben sabedes, nestes niveis non se dispón de libros de texto senón que fan uso do proxecto E-Dixgal.

Desde o comezo da situación COVID, debido ás medidas que tiñamos que tomar, foinos imposible poder realizar esta reunión. Consideramos importante que teñan coñecemento das condiccións nas que se leva a cabo o mesmo, por elo poñemos á súa disposición o folleto informativo que publica a Xunta de Galicia para informar ás familias, e o vindeiro mércores celebraremos unha videoconferencia para as familias que participan no proxecto.

Recordamos que non son os centros escolares os que redactan estas condiccións, senón que son efectuadas pola Consellería de Educación para todos os centros de Galicia.

Solicitamos lean detidamente o folleto adxunto a esta nova, con especial atención aos puntos 5, 6, 7 e 8. (Este ano producíronse cambios na contratación do seguro voluntario).

Desde o centro recomendamos ás familias que non precisen deste equipamento na casa, que o deixen no centro, e tamén que se contrate un seguro para o ordenador. Este seguro pódese contratar no Servizo Premium ou podedes ver a posibilidade de incluilo nalgún seguro que xa teñades contratado.

Para ver o folleto pulsa na imaxe ou no ficheiro adxunto.

ACORDO DE CESIÓN QUE SE ENVIOU ÁS FAMILIAS:

Hoxe, luns 4 de outubro, enviáronse 2 copias do acordo de cesión a cada familia, unha copia é para o colexio e a outra para a familia que devolveremos selada desde o centro.

Este acordo, segundo indica a Consellería de Educación, debe estar asinado para que os alumnos poidan utilizar o ordenador. (Tanto no centro educativo como na casa).

* Este acordo de cesión Non ten tanta urxencia, xa que de momento non é preciso que usen o ordenador na casa e no colexio estase utilizando desde o primeiro día. Queremos que esteades ben informados antes de entregalo, aínda que tamén é certo que nos anos anteriores non tivemos grandes problemas con este programa.

Lembrade que o mércores, poñeremos unha videoconferencia para que poidades resolver as dúbidas que teñades, despois de ler a información que proporciona a Consellería de Educación.

MÁIS INFORMACIÓN DE E-DIXGAL, ABALARMÓBIL E AULA VIRTUAL:

Para saber máis sobre estes tres aspectos, podedes acceder ao menú titoriais que se atopa no lado esquerdo da nosa páxina web.

Coordinación TIC.

tics@pedrouzos.gal