Skip to Content
Lugar de Pedrouzos s/n Brión , A Coruña, Tfno 881866078 ceip.pedrouzos@edu.xunta.gal

COMEDOR ESCOLAR: MENÚ 2º TRIMESTRE 2021/2022

Xuntamos menús correspondentes ao 2º trimestre. Poden consultalos no documento adxunto. Se algunha familia precisa de copia impresa, pode solicitala no centro.

Bo proveito!!

Faladoiro Presentación Plan de Convivencia EDUCA BONITO

 

Temos a ledicia de comunicar que o próximo luns 17 de Xaneiro ás 18.00h, terá lugar o faladoiro de presentación do Plan de Convivencia Escolar EDUCA BONITO.

 

Trátase dunha xuntanza ON-LINE organizada polo ANPA, na que contaremos coa experta en Disciplina Positiva, María Soto, que nos compartirá en qué consisten as accións formativas que inclúe o Plan, dirixidas tanto a familias coma docentes. 

 

O propósito do Plan é aportar ferramentas educativas baseadas nas últimas evidencias científicas, que nos axuden no noso día día na educación das nosas fillas e fillos. Ferramentas que se poden empregar tanto nas aulas como na casa. A intención é ofrecer á comunidade do centro recursos compartidos para que as rapazas e rapaces poidan medrar nun ambiente de equilibrio, no que se teñan en conta todas as sensibilidades e necesidades dos seus membros, e deste xeito, todas as persoas que forman parte da "familia" do colexio, poidan atopar o seu lugar para aportar, construir e disfrutar desta etapa tan importante.

 

Deixamos en arquivos adxuntos a información do Plan con detalle. Poderedes acceder a través da plataforma ZOOM facendo clic neste enlace .

 

O acceso é de balde. Terá unha duración de unha hora, máis uns 15 minutos nos que poderemos tratar en aberto as cuestións que queirades preguntar.

 

Agardamos que sexa de utilidade para vos!

 

Saúdos!

 



RESERVA PRAZA ALUMNADO CURSO 2022-2023

Teñen que facer solicitude de permanencia de praza o alumnado deste centro que vai continuar os seus estudos aquí para o curso seguinte, ou reserva de praza para alumnado de centros adscritos, (EEI dos Ánxeles - EEI de Sabaxáns).

Tamén deberán facer reserva de praza o alumnado de 6º Curso de seguir estudos no IES de Brión.

PERIODO DE RESERVA DE PRAZA:  Do 11 de xaneiro ao 8 de febreiro.

 

Documentación:

 - ANEXO I para cumprimentar a reserva o alumnado de centros adscritos, (Escolas unitarias e Alumnado de 6º)

 - Documento de solicitude de reserva para o propio alumnado do centro (enviouse a través do alumnado ás familias).

RECOLLIDA DE MÁSCARAS

Xúntase cadro do horario para a recollida das máscaras, así coma dun modelo de autorización se fose preciso, para o alumnado beneficiario por recibir a axuda para material escolar, tal como reflicte a Orde do 28 de outubre de 2021.

Actualización da Situación COVID no CEIP de Pedrouzos

 Prezadas familias:

 Informamos que a Consellería de Sanidade acaba de comunicarnos que debido á situación tan complicada na que se atopan nestes momentos non é posible realizar o cribado masivo que tiñan previsto facer no noso centro.

 Polo tanto, infórmannos que todas/os as/os que queirades facer unha proba podedes pasar por algún destes lugares:

Área Sanitaria de Santiago - A Barbanza

Hospital Clínico Universitario de Santiago

(Hoxe é o último día)

Exterior Planta -3 (zona laboratorios).

Xoves  24,  (de 15:30 as 19:00h)

Auditorio Vidal Bolaño

(Campus Sur USC)

 Todos os días de 14:00h a 20:00h

Hospital da Barbanza

Xoves  24,  de 15:30 as 19:00h

A partir do día 26  de 15:30 ás 20:00h

Agardamos que comprendades as dificultades da situación e que teñades claro que esta decisión non ten nada que ver co CEIP de Pedrouzos;

xa que, pola nosa parte, procuramos por todos os medios que o cribado se realizara o máis axiña posible.

Coidádevos moito e BO NADAL.

DIRECCIÓN

* Informamos tamén que a situación no centro a día de hoxe é a de 57 casos positivos confirmados.

Lecturas de Nadal 2021

Como cada ano dende o CEIP de Pedrouzos queremos desexar un bo Nadal a todos cheo de lecturas.

Aquí vos deixamos as nosas recomendacións.

HORARIO ESCOLAR CURSO 2021-22

XORNADA ESCOLAR E HORARIO DO CENTRO

O alumnado pode saír do centro na hora que precise, logo de telo comunicado á titoría e previa chamada á Conxerxería. Será a conserxe quen acerque ao alumnado á porta.

Para entrar no centro unha vez iniciado o horario lectivo, debe facerse nos cambios de sesión.

Día Internacional para a Eliminación da Violencia contra as Mulleres

Un ano máis, no CEIP Plurilingüe de Pedrouzos implicámonos na campaña que se desenvolve con motivo do 25 de novembro "DÍA INTERNACIONAL PARA A ELIMINACIÓN DA VIOLENCIA CONTRA AS MULLERES", na procura dunha sociedade máis xusta, máis libre, máis igualitaria e que loita contra a violencia de xénero;

Hoxe quixemos sumarnos cunha serie de accións que contribúan á concienciación entre o noso alumnado deste problema tan presente na sociedade actual. Berrando NON, escribindo NON nas nosas mans, facendo murais con esa verba. Hoxe lembramos que cando dicimos NON é NON, que ninguén ten dereito a magoar, abusar, golpear, pegar, arrastrar, tirar, bicar á forza ... que cando dicimos NON, xs agresorxs teñen que parar.

Rematemos dunha vez con todo isto.

Contra as violencias machistas, EDUCACIÓN

RENOVACION PARCIAL CONSELLO ESCOLAR 2021

Logo da votación para a elección dos representantes de nais e pais do alumnado no CONSELLO ESCOLAR e do Claustro do centro, fánse públicas as candidaturas elexidas.

CANDIDATURAS ELEXIDAS PAIS E NAIS:

  • Blanco Bonjour, Andrea
  • Rodríguez Vázquez, María José

CANDIDATURAS ELEXIDAS CLAUSTRO DE PROFESORADO:

  • Vidal Puga, Mª del Pilar
  • García Blanco, Mª del Carmen

Poden consultarse os resultados da votación no taboleiro do centro.

DIRECCIÓN

RENOVACIÓN PARCIAL CONSELLO ESCOLAR 2021

CANDIDATURAS NAIS/PAIS

Unha vez rematado o prazo de presentación de candidaturas para a elección dos representantes de nais e pais do alumnado no CONSELLO ESCOLAR do Centro, a XUNTA ELECTORAL do CEIP Plurilingüe de Pedrouzos fai pública a relación de nomes das/os candidatas/os que se presentan á referida elección, segundo indicamos de seguido por orde alfabético de apelidos:

1.- Blanco Bonjour, Andrea

2.- Ferreiro, Ferreiro, Ramón

3.- Magariños Santiago, Berta

4.- Rodríguez Vázquez, María José

5.- Rubianes Castelo, Ana

Segundo o establecido no artigo 40 do Decreto 324/1996, do 26 de xullo (DOG do 09/08/1996) corresponde elixir no presente proceso electoral a 2 nais/pais, dun total de 5 que debe ter o Consello Escolar.

As/os outras/os representantes de nais/pais continúan como consecuencia da súa elección anterior no ano 2018 e por designación da ANPA.

Segundo o punto 5º da Convocatoria de elección de pais para o Consello Escolar, a campaña electoral comprenderá dende o 17 ao 22 de novembro, ambos días inclusive.

O que se fai público para xeral coñecemento.

Brión, 17 de novembro de 2021

O DIRECTOR DO CENTRO E PRESIDENTE DA XUNTA ELECTORAL

Distribuir contido


by Dr. Radut