O martes, 2 de decembro tivo lugar no CAFI a clausura do Programa “Mentoring para directores de centros educativos”, presidida polo Director Xeral de Educación, Formación Profesional e Innovación Educativa e o Director Xeral da Fundación Barrié. Asistiron os 8 directores e directoras que participaron neste Programa, así como os respectivos Mentores cos que traballaron dende o inicio alá polo mes de febreiro deste ano e que achegaron a súa experiencia como directores de RR.HH de importantes empresas galegas, con amplos coñecementos e experiencia no desenvolvemento de habilidades directivas e liderado. Este Programa piloto nace da colaboración entre a Fundación Barrié e a Consellería de Educación e Cultura, aproveitando a experiencia da rede de mentoring da Fundación “MentoresBarrié”, rede formada por profesionais, directivos, investigadores e empresarios de diferentes ámbitos e sectores que de maneira altruísta, poñen en valor os seus coñecementos e experiencia, axudando a outros no seu desempeño.

O mentoring é unha metodoloxía destinada a desenvolver o potencial das persoas,baseada na transferencia de coñecementos e na aprendizaxe a través da experiencia. Nun proceso de mentoring, unha persoa de máis experiencia (mentor) guía, axuda, alenta e apoia a outra (mentee) a desenvolver todo o seu potencial para aplicalo a todas as situacións da vida persoal e profesional, obtendo os mellores resultados e acadando os obxectivos propostos. A estrutura deste Programa constou de sesións grupais en formato obradoiro e dun proceso individual de mentoring que realizou cada mentor co seu mentee. Os resultados finais presentados nesta xornada de clausura amosaron unha avaliación extraordinariamente positiva tanto por parte dos mentees como dos mentores, o cal abre expectativas de continuidade para este tipo de formación.

Traballas con tecnoloxía na aula? Cóntanos o que facedes ti e o teu alumnado! Poderás compartir a túa experiencia co resto do profesorado e participar no próximo “EscolaTIC 2015". O único que tes que facer é cubrir o seguinte formulario para facernos chegar a túa proposta:

https://docs.google.com/forms/d/1xvNP3EOPw9iQwu1DXotgwLUU7QFEFDg1yRQ0e8u...

Anímate ou anima a outros/as compañeiros/as do teu centro!

Cinedfest é un festival formativo, que combina a formación audiovisual cun certame de curtametraxes. Para obter máis información e facer a inscrición preme na imaxe:

• KA1 Mobilidade no Ámbito da Educación e a Formación 4 de marzo de 2015
• KA2 Asociacións Estratéxicas no Ámbito da Educación, a Formación e Xuventude 30 de abril de 2015

Para acceder a toda a información preme na seguinte ligazón que leva á páxina do INTEF.

ACCEDER

Neste novo apartado podedes consultar información actualizada sobre a LOMCE. Podedes acceder directamente desde o botón da páxina principal que leva á seguinte información: /portal/guiadalomce

Publícanse no BOE as convocatorias de estancias profesionais dirixidas ao profesorado que imparte ensinos regulados por LOE e aos centros educativos de todo o territorio nacional e destinadas a fomentar intercambios profesionais e culturais entre centros e docentes doutros países europeos. O profesorado poderá realizar estancias en centros educativos de Alemaña, Austria, Francia, Reino Unido ou Suíza, que lles ofrecerá a oportunidade de coñecer diferentes sistemas educativos e fórmulas de organización e xestión de centros, ademais de ampliar as súas estratexias de ensino e aprendizaxe dunha lingua estranxeira ou nunha lingua estranxeira. Os centros que o desexen poderán acoller a profesores dalgún dos países participantes na convocatoria.