Felicitación de Nadal 2018
Enviado por portalcafi a Lun, 17/12/2018 - 14:06Summary:
Summary:
Summary:
Xa tedes á vosa disposición no CAFI a maleta cos materiais ESERO: Ingeniero de astronaves. Trátase dun recurso desenvolvido pola ESA (Axencia Espacial Europea) co que o alumnado poderá investigar sobre as propiedades dos materiais: condutividade, magnetismo, resistencia a impactos… e seleccionar os idóneos para as diferentes partes dunha nave espacial.
A maleta pódese solicitar por períodos de dúas semanas enviando un correo dende a dirección do teu centro ao CAFI (cafi@edu.xunta.es) indicando as posibles datas solicitadas e unha persoa de contacto para xestionar con ela o préstamo en función da dispoñibilidade.
Para calquera consulta ou aclaración contacta connosco a través de: cafi.formacion@edu.xunta.es
Summary:
Referencia: G1803005
Forma de participación: Presencial
Modalidade: Encontros
Competencias profesionais:
Competente en TIC - Dispositivos.
Investigador/a e innovador/a - Realización e execución de propostas.
Centro de formación e recursos: CAFI
Lugar de celebración: Edificio Cinc da Cidade da Cultura - Santiago de Compostela
Temporalización: 20/10/2018
Data límite de inscrición: 08/10/2018
Prazas: 150
Horas totais: 8
Destinatarios:
Todas as ensinanzas
Corpos e especialidades:
Todos os corpos
Obxectivos:
1.Coñecer as posibilidades dos recursos ESERO na aula
Contidos:
1.Recursos ESERO nos distintos niveis educativos.
2.Utilización de recursos ESERO na aula e innovación.
3.Recursos multilingües ESERO
Summary:
O pasado 23/11/2017 o CAFI tivo o pracer de recibir á profesora Dolores Fernández Tilve e ao seu alumnado nunha visita de máis de dúas horas. Ao igual que outros anos o director do CAFI, Ángel Rodríguez Sánchez e o asesor do departamento de Formación e Innovación, Jesús Calvo Mallón, presentaron o sistema de formación permanente de profesorado da Rede de Formación da Consellería. Ademais de explicarlles as diferentes modalidades formativas e focos prioritarios de formación, tamén tiveron oportunidade de presentarlles o Modelo de Competencias Profesionais Docentes da Rede, así como o Marco Común de Competencias Docentes que o CAFI está desenvolvendo no seo dunha alianza internacional ao abeiro do programa Erasmus+.
Summary:
G1702009 Xornadas Internacionaliza a túa escola: Erasmus+, E-Twinning e outras propostas.
1.Proporcionar información sobre os programas europeos descentralizados no contexto do Erasmus+.
2.Amosar boas prácticas e procedementos de participación nas diferentes accións de programas europeos.
3.Desenvolver estratexias para o desenvolvemento de programas europeos.
Para acceder á actividade pincha aquí: https://www.edu.xunta.gal/fprofe/procesaInscricionCursos.do?DIALOG-EVENT...
File:
Summary:
(Un marco común de competencias profesionais docentes)
Coordinado polo CAFI, conta con 5 socios de Portugal (ESECS-IPL), Castela e León, Escocia, Austria e Lituania, incluíndo a profesionais con distintas responsabilidades políticas administrativas e formativas ligadas á educación en xeral e á formación de profesores en particular.
O Proxecto xurdiu no contexto da necesidade, identificada polo Consello da Europa e por outras autoridades educativas nacionais de diversos países de Europa, de crear marcos de referencia de competencias e instrumentos que poidan contribuír á transformación da formación de profesores con vista a mellorar a calidade da educación, asegurando o desenvolvemento das competencias chave por todos os cidadáns e a promoción da aprendizaxe ao longo da vida.
Dada a relevancia que ten para profesores e futuros profesores, convídase a todos os interesados a participar no Seminario que se celebrará no Instituto Politécnico de Leiría o 20 de outubro de 2017 en horario de 9:30 a 12:30.
Inscrición: Aquí
Summary:
O programa de innovación educativa "OBSERVA_ACCIÓN: Innovación docente desde a observación, a avaliación e o intercambio entre iguais" desenvolverase ao longo de 2 cursos coa finalidade de fomentar o desenvolvemento profesional en base ao Marco de Competencias Profesionais Docentes tanto na nosa comunidade como no marco do acordo interterritorial de colaboración coa comunidade de Castela e León.
Para máis información pode dirixirse ao Centro Autonómico de Formación e Innovación: Teléfono 981522411 ou no correo electrónico cafi@edu.xunta.es
Summary:
Esta Xornada terá lugar o vindeiro día 2 de xuño na Cidade da Cultura, en Santiago de Compostela e terá unha duración total de 8 horas.
Está dirixida a reflexionar sobre diferentas estratexias de fortalecemento democrático dende a perspectiva dos centros educativos no contexto educativo galego, buscando promover valores de interculturalidade e favorecendo estratexias de prevención tanto da radicalización coma da violencia.
Ó longo desta xornada presentaranse recursos educativos para favorecer o fortalecemento democrático, traballaranse contidos coma a interculturalidade e o sentimento de pertenza ó entorno da Unión Europea e máis concretamente, a interculturalidade no contexto galego.
Preme aquí para facer a túa inscrición en fprofe.
Summary:
A creatividade e a innovación son elementos que viñeron interactuando coa contorna empresarial desde hai moito tempo. A medida que os mercados se fan máis competitivos, ambos os elementos adquiriron cada vez maior protagonismo á hora de desenvolver vantaxes competitivas para as organizacións.
A creatividade é a capacidade que posúe un individuo para idear algo novo e orixinal, mentres que a innovación é a arte de converter as ideas en produtos, procesos e servizos novos e mellorados. Ambas son ferramentas diferentes e á súa vez complementarias, polo que resulta fundamental que as empresas promovan unha filosofía de xestión creativa e innovadora que lles permita desenvolverse tanto vertical como horizontalmente, logrando unha cadea de valor competitiva e diferenciadora.
Partindo desta premisa, habemos de ser conscientes de que unha das claves para dispoñer dun modelo produtivo innovador e competitivo reside na educación. No caso de España, para conseguir un cambio de modelo debemos abordar este aspecto desde a base, que non é outra que a educación dos mozos que pasado un tempo compoñerán a base da forza produtiva española.
Neste contexto, con motivo da Semana Mundial da Creatividade e Ia Innovación, APD e a Xunta de Galicia organizan a xornada Escolas creativas, empresas innovadoras, na que expertos do ámbito educativo e empresarial debaterán e poñerán sobre a mesa temas como a promoción da creatividade na contorna laboral co fin último da innovación empresarial, a necesidade dunha adaptación eficiente dos actuais estudantes ao mercado de traballo ou a importancia de promover a incorporación e práctica do pensamento creativo nas aulas de educación de Galicia, atendendo ás demandas do mundo empresarial e do novo contexto económico.
Esperámoste o próximo 20 de abril na Cidade da Cultura de Santiago de Compostela.
Summary:
O pasado 30.12.2016 o Cafi tivo o pracer de recibir á profesora Dolores Fernández Tilve e ao seu alumnado nunha visita de máis de dúas horas. Nese tempo o director do Cafi, Ángel Rodríguez Sánchez e o asesor responsable do departamento de Formación e Innovación, Jesús Calvo Mallón, presentáronlle o sistema de formación permanente de profesorado da Rede de Formación da Consellería. Ademáis de explicarlles as diferentes modalidades formativas e focos prioritarios de formación, tamén tiveron oportunidade de introducilos no Modelo de Competencias Profesionais Docentes da Rede, así como no Marco Común de Competencias Docentes que o CAFI está a desenvolver no seo dunha alianza internacional ao abeiro do programa Erasmus+.