Tecnoloxía

"Fotonovelas" de Imaxe e Son

Primeiras produccións dos de Imaxe e Son. Tocou contar unha historia con fotografías, seleccionando planos. Temos dúas que contar, "Un novo alumno" e "Historia dun suspenso". Desfrutade da fin de semana.

Imaxe e Son. 2017-2018. Arrancamos

Comeza un novo curso na optativa de 2º de Bacharelato de Imaxe e Son. Gustaríanos compartir o primeiro traballo. Unha análise da magnífica curtametraxe "Borrowed Time". Esta curta, feita por dous membros da compañía Pixar, non leva curiosamente o selo da compañía xa que non se trata dunha obra para nenos. A nós serviunos para analizar os distintos tipos planos, segundo distancia e ángulo, empregados polos autores para crear unha historia conmovedora, chea de metáforas visuais e de gran beleza. Velaí vai o noso pequeno homenaxe en forma de traballo a unha historia que nos cautivou.

Feliz inicio de curso. @ticsbeta

Verán loco. Despedida de Programación 1º e 2º da ESO 2016/2017

Dende o a materia de Programación 1º e 2º de ESO queremos despedir este curso académico compartindo un dos Proxectos finais máis destacados do ano e que, precisamente, fala de planes para o verán. Felicitacións a todos os alumnos/as que neste curso vos iniciástes no mundo da programación informática. Foi un pracer traballar con vós. Sodes uns campeóns, aínda que nos queda moito por pensar, desenrolar e aprender.

Felicitacións tamén ao creador deste proxecto final, Pablo Ferreiro de 1º A da ESO. Desfrutade, tanto os que aprobaron todo coma os que lles queda traballar un chisco, deste verán loco.

Visita do alumnado de 4º Tecnoloxía á fabrica Alumán

De novo unha saída didáctica dos alumnos de Tecnoloxía, neste caso de 4º, para coñecer as instalacións da industria ALUMÁN no polígono de Sabón en Arteixo. 

O martes 30 dende as 8.45 e ata as 12.30 poderán coñecer de primeira man estas instalacións punteiras de carpintería metálica. 

"especializado en el diseño y ejecución de grandes proyectos de fachadas de edificios en aluminio,...

 

Aluman tiene en la actualidad un volumen de encargos de 200.000 metros cuadrados de fachadas en ejecución en todo el mundo, un tercio de los cuales están en Bélgica, Francia y el Reino Unido. La compañía se ha expandido, además, a Colombia y Panamá. La firma se dedica también al equipamiento comercial. En la actualidad tiene en ejecución 900 habitaciones en hoteles de lujo para cadenas como Hilton, Ritz y Four Seasons, entre otras."

 

 

http://www.lavozdegalicia.es

 

Visita a Verea. Industria de fabricacións cerámicas en Mesía. 29.V.2017

O luns 29 de maio un grupo de 10 alumnos de 1º BAC que cursan a materia de Tecnoloxía Industrial, acompañados polo seu profesor, Juan M. Neira, terán ocasión de coñecer o funcionamento dos procesos de automatización cos que funciona unha das empresas punteiras da provincia, a industria de fabricacións cerámicas, Verea.

Imaxe e Son. Tempada 3: Historias do aula de debuxo. (Único episodio)

De novo estamos aquí.

Fixemos animacións con distintos soportes, con distinto software, con distintas metodoloxías. Animamos fotograma a fotograma con debuxos feitos por nós ben con fotografías (stop motion) ou con capas co software libre de edición de imaxes Gimp. Tamén houbo quen animou fotograma a fotograma debuxando no móbil con aplicacións gratuitas coma FlipaClip. Outros fixeron animación con interpolación de movemento, tanto en ordenador  con Gimp coma en tablet/móbil. Por último, animamos con ósos e interpolación de movemento tanto en 3D con Blender coma en 2D en Plastic (para tablet).

E todo isto combinámolo nunha pequena curta que toma como escenario o aula de debuxo do instituto. Agradecemos o Departamento de Artes Plásticas a súa colaboración e, por fín,  invitámosvos a desfrutar co noso pequeno traballo.

firma

Mércores da Semana da Ciencia e da Tecnoloxía

Se o martes da Semana da Ciencia estivo cheo de interesantes experiencias:

  • coches que seguen o trazado dunha liña debuxada no chan,
  • ordenadores que fabrican obxectos de tres dimensións,
  • experimentos "cuasi" máxicos para entender algo da meteoroloxía,
  • Clásicos e tuneados xogos tradicionais como os da Oca ou os de procura na Biblio
  • esqueletes que poboan os corredores por efecto dunha alimentación excesiva en azucres
  • magnéticos campos xiratorios qued nos atrapan
  • paneis para explicar a reserva da Biosfera e o Turismo de Natureza
  • conferencias para reflexionar sobre a posibilidade dun turismo sostible nos eidos económico, social e ambiental

...o mércores promete non quedar atrás

VIª SEMANA DA CIENCIA E DA TECNOLOXÍA. Luns 24 de abril

Un ano máis, ( e imos xa pola VIª edición) o IES Francisco Aguiar ponse "do revés" cunha invasión de corredores, patios, aulas e laboratorios, a Semana da Ciencia e da Tecnoloxía.

Pois con estas sete, ben diversas, actividades comezamos a Semana!

Imaxe e Son: Tempada 2, episodio 3.

Rematamos a tempada 2 "Historias da cafetería" cunha truculenta historia ao estilo de "O silencio dos cordeiros". Unha asasina múltiple e unha detective. Unha historia que daría para unha longametraxe e da que aquí mostramos un pequeno avance. Os de Imaxe e Son seguen a grabar. Haberá unha terceira tempada? 

 

firma

Imaxe e Son: Tempada 2, Episodio 2.

E voltamos por fín. Cunha segunda parte das "Historias da cafetería". Facendo homenaxe ao western. Ata ónde se pode chegar polo último dos bocadillos de tortilla. O noso agradecemento a Melania pola súa paciencia os días de rodaxe e, por suposto, polos seus bocatas de tortilla Guiño.

 

Distribuir contido