Esta semana empezamos a saltar na goma, un xogo de sempre, divertido e enriquecedor.
Coordinación, equilibrio, percepción espacial, secuencia temporal,... os xogos populares ofrecen unha enorme riqueza que hai que manter.
Esta semana empezamos a saltar na goma, un xogo de sempre, divertido e enriquecedor.
Coordinación, equilibrio, percepción espacial, secuencia temporal,... os xogos populares ofrecen unha enorme riqueza que hai que manter.
Contamos coa presenza no noso cole de varios entrenadores do Barbanza Rugby Club que viñeron para presentarnos este deporte.Tiveron a amabilidade de atender á nosa invitación ás aulas de Educación Física. Presentamos un deporte que o alumnado apenas coñece e un club ubicado, desde hai uns pocos anos, moi preto do Concello de Dodro. Seguiremos colaborando! No obradorio participou o alumnado de primaria e de secundaria.
Aprendemos a caer, a placar, a marcar un ensaio,... Gustounos moito!
O alumnado de ESO realizamos actividdaes e exercicios similares e desfrutramos un montón.
GALERÍA DE FOTOS DE SECUNDARIA
Velaquí un cartel cos valores que nos transmite este deporte:
Deixamos información sobre o clube para os que queiran anotarse á escola:
Agradecemos ao Barbanza Rugby Club a presentación deste deporte tan chulooooo!
ANIMÁDEVOS!
Diferentes tipos de bolos, futbolíns, bates, aros, golf,... a creatividade é infinita. O obradoiro de autoconstrución de materiais da moito xogo.
Para pasalo ben e aprender tampouco é preciso derrochar diñeiro, hai que derrochar imaxinación.
Ánimo chic@s!
Continuamos autoconstruindo xoguetes con materiais reutilizados. Neste caso elaboramos aros a partir de papel de xornal e máis bailaretes con tapas de plástico que xiran e xiran...
É gratificante ver a colaboración entre compañeir@s, tanto no proceso de confección como despois durante o xogo.
Os máis pequechos construimos xoguetes con materiais reutilizados: botellas, cartón, cordel,...
Dan moito xogo!
O alumnado de 2º de primaria realizou un exercicio de percusión corporal na clase de EF. No enlace podedes ver un vídeo do momento:
Os de 6º non quixeron ser menos e improvisaron a súa propia actividade percusionista despois dunha sesión de saltos e trepas...
Que xeito lle dan!!!!
Esta semana, dentro da UD dramatización e ritmo, os máis pequenos viaxamos ata a neve. Empregando papel de xornal puidemos facer carreiras de esquís, pilla pilla en trineo, guerra de bolas de neve,...
E o mellor de todo, para finalizar, elaboramos unha enoooorme bola de neve que nos servirá para múltiples xogos no recreo.
Un exemplo para comprobar que, para aprender e pasalo ben, tampouco precisamos investir moito en materiais.
Diferentes ambientes de aprendizaxe motor, aproveitamos a proximidade das vacacións para montar un pequeno parque de atraccións: salto, escalada, tobogáns, ... E entrada de balde!
Gozade moito destas festas e a cargar baterías para o ano vindeiro!
Da gusto vir cada día ao cole a compartir experiencias con alumn@s que nos retratan así de ben:
Moitas grazas, Isabella!
Aproveitamos a sesión de EF para recibir a Finso, adestrador do clube Río Ulla de Pontecesures, que nos presentou este deporte e nos anima a practicalo no noso tempo de lecer.
Velaquí unhas imaxes de 5º de Primaria e 2º de ESO:
O venres volverán para presentar a actividade aos grupos de 1º ESO e 6º Primaria.
Deixamos o contacto e animámosvos a que probedes. TODOS A PRACTICAR BALONCESTO!
Xunta de Galicia - Consellería de Educación, 2013 |