Hoxe, 8 de maio, o alumnado de 1º ata 4º de primaria mantivo unha videoconferencia cunha dentista do Colexio de Dentistas da XI Rexión (Pontevedra-Ourense).
A charla enmárcase na Campaña de Saúde Oral Infantil do Consello Xeral de Dentistas de España, dirixida aos menores de entre 6 e 10 anos de idade de todos os centros escolares deste país.
Durante os meses de abril e maio, dentistas de toda España danlles charlas nos centros educativos aos menores, cun contido adaptado para a súa idade e con mensaxes de alimentación e hixiene básica, co fin de fomentaren hábitos saudables na poboación infantil, que de certo redundarán nun mellor benestar no seu futuro.
Ademais, xunto con estas charlas, facilitan fichas pedagóxicas para que, finalizada a exposición, se poida continuar coa formación nas propias aulas por medio de xogos co alumnado.
- Galería de fotos.
- Faro de Vigo.
- La Voz de Galicia.
