Estamos de en hora boa no cole: A clase de 4º de primaria vén de gañar o premio na categoría 3 (3º e 4º de primaria) a curtas de animación en galego no marco do programa Nós tamén creamos 21/22, coa curtametraxe Un conto cheo de lobos, baseada no libro do mesmo nome da editorial OQO.
Os nosos pequenos/as cineastas recibirán un televisor e unha invitación ao festival de Cans.
Nesta última semana de curso recibimos a visita da artista galega Susa Herrera, que nos ofreceu unha actuación musical ateigada de cancións e coreografías nas que participamos todos/as.
Este mércores, 22 de marzo, o alumnado de infantil e de 1º e 2º de primaria asistiu a un espectáculo de danza moderna titulado Nina Ninette no Auditorio de Galicia en Santiago de Compostela.
Este venres, o alumnado acudiu a o concerto didáctico Música eevolución, celebrado no auditorio de Galicia. Alí, Pablo Carpinteiro e Rosa Sánchez amosáronos múltiples instrumentos musicais antigos, elaborados moitos deles por nenos e nenas. Interpretaron diferentes cancións cos intrumentos tradicionais máis variopintos e ensináronnos a conexión que ten a música coa evolución dos seres humanos. Foi un pracer acudir ao concerto!
Logo achegámonos ata a cidade da cultura a ver á exposición de Camiños Creativos, na que os camiños e a arte están vencellados. Diferentes formas de ver os camiños, tanto de Galicia coma os alleos.
A profe Lucía Muñoz foi entrevistada este venres en Radio Estrada co motivo de ser a encargada de coordinar e crear, xunto co alumnado de 5º de primaria do noso centro, a curtametraxe en stop-motion "Un conto cheo de lobos". Premio Nós tamén creamos da Consellería de Educación, pase na TVG e agora invitación ao OUFF Escola de Ourense, o festival máis importante de Galicia nesta categoría.
