Skip to Content

Blogue de Laura

O NOSO NÚMERO DE PÉ

Mar, 2022-05-31 17:19 — laura

Estivemos a procurar no noso calzado o número. Utilizamos un medidor que trouxo o noso compañeiro Dani para saber cantos centímetros miden os nosos pés. Ordenamos os tamaños de menor a maior e agrupamos os iguais. 

 

 

ANIVERSARIOS 3º TRIMESTRE

Sáb, 2022-05-28 19:34 — laura

Neste terceiro trimestre, a Sara, o Unai e a Carlota xa teñen 6 anos! Celebrámolo dando as voltas arredor do sol, cantando e coa elaboración do noso presente especial: "Palabras de agasallo polo meu aniversario".

 

 

 

 

 

 

ESTIMACIÓN: CANTOS POMPÓNS HAI?

Lun, 2022-05-23 23:17 — laura

Na mesa pequena da zona da asemblea había un bote de cristal con pompóns. Tiñamos que facer un cálculo aproximado da cantidade sen abrir o bote. Ninguén conseguiu acertar co número exacto mais si que nos aproximamos bastante á solución.

 

 

LETRAS GALEGAS 2022

Dom, 2022-05-22 22:56 — laura

Conmemoramos as Letras Galegas facendo as seguintes actividades:

- Descubrimento do homenaxeado e procura de información das súa biografía.

- Xogo de pistas no patio para atopar as súas obras máis importantes.

- Deseño de Florencio Delgado.

- Decoración do mapa da Galiza con palabras en galego pensadas e escritas polas crianzas.

- Xogos interactivos (ruleta, pasapalabra...)

- Teléfono estragado.

O día 16 xogamos aos arrastra mortos, zancos, aros musicais e coas bólas de cornos. Despois xantamos croquetas, pizza e xeado! Cantamos Pan de Millo do grupo Migallas e vimos a actuación das nosas Tanxugueriñas. Foi un súper día!

  

 

 

 

 

 

 

 

 

PITIÑOS

Mér, 2022-05-11 17:05 — laura

Comezamos a semana cunha noticia marabillosa! os pitiños do noso compañeiro Dani naceron! Como bo amante dos animais, explicou na nosa aula, na da profe Mónica e na da profe Uxía o periodo de incubación e mostrounos uns videos do gran momento. Grazas, Dani!

 

 

 

NOMES DE AVES

Sáb, 2022-05-07 18:31 — laura

Construimos nomes de aves coas letras móbiles. Escollemos unha imaxe e utilizamos a nosa conciencia fonolóxica para  procurar as letras e formar a palabra. Había tarxetas cos nomes para utilizar como referencia (despois de deducir o nome) como apoio para quen o necesitase. Podiamos escoitar sons de paxaros como ambientación da actividade.

  

 

 

 

 

 

 

 

 

FLORES

Xov, 2022-05-05 22:18 — laura

Con música relaxante - primaveral de fondo e cun cartaz que nos facía a pregunta: facemos flores?, puxémonos libremente a crear con distintos materiais. Uns días antes, observamos, tocamos flores naturais e algunhas artificiais que utilizamos para inventar o noso deseño e darlle un título.

 

 

   

  

 

NÚMEROS NA CONTORNA: A MEDIDA DO PESO.

Mér, 2022-05-04 22:14 — laura

Hoxe xogamos a adiviñar o obxecto que estaba dentro do saco: "Cadrado, serve para medir...mais non mide en cm... que será? "Era unha váscula! Primeiro escribimos nun papel o que pensamos que pesamos (peso estimado), pesámonos e anotamos o peso real. Aproveitamos para ordenalos de maior a menor,procurar a cantidade no cuadrante e deseñarnos no papel subidos na váscula.

 

 

 

MATES MANIPULATIVAS: REGRAS, FORMAS E CORPOS XEOMÉTRICOS.

Mar, 2022-05-03 23:22 — laura

Nas sesións de mates continuamos a traballar coas regras. Seleccionamos os cm que queriamos medir, marcamos no papel e recortamos coas tesoiras. Outra actividade da semana consistiu en repasar as formas xeométricas e introducir o concepto de corpo xeométrico. Utilizamos tarxetas con imaxes, bloques lóxicos e corpos para facer agrupamentos.

 

 

DÍA DO LIBRO

Mar, 2022-05-03 23:09 — laura

Celebramos a semana do libro participando nas seguintes actividades:

- Detectives: motivo de adicar o día 23 ao libro.

Antes de investigaren:

" Porque así se celebra no cole".

"Porque alguén morreu".

" Morreu Xesús".

" Morrería Xesús cun libro na man?"

" Ao mellor morreu algún escritor famoso de contos".

Despois de investigaren:

 "Morreron Miguel de Cervantes, Shakespeare e Garcilaso de la Vega que eran escritores súper famosos". 

- O noso conto favorito. Explicamos porqué gostamos dese libro, deseñamos a capa e contámolo na aula.

- Marcapáxinas para a nosa amiga ou amigo invisíbel. 

- A volta ao mundo en 80 libros. Colaboramos nesta fermosa proposta da nosa biblioteca coa lectura de contos venezolanos e colocamos os nosos deseños no mural.

 

 

 

 

Distribuir contido


by Dr. Radut