Blogue de Laura

Esta semana fixemos actividades matemáticas divertidas coas que aprendemos e reforzamos os nosos conceptos:

- Medición con cinta métrica e regras:

  1.Medimos e rexistramos o que medra o noso limoeiro. 

  2. Trazamos liñas co número de centímetros indicado.

- Sumas: sumamos con policubos, pedras, madeiras, etc. Anotamos o resultado e sinalamos na recta numérica. Despois da tarefa manipulativa, rexistramos en papel.

- Números ordinais:

1. Pintamos na fronte o número ordinal que nos corresponde da lista de aula e xogamos a nos ordenar. Ao saber os nosos postos, bailamos libremente e ao parar de soar a música, voltamos a nos colocar respectando os ordinais.

2. Rexistramos a lista de aula en papel.

Participamos nunha sesión de xogos do mundo coa asociación Biosbardos. Grazas por este día lúdico e divertido!

Ao virmos da biblioteca, agardábanos unha actividade moi relaxante: música suave, tiras de papel continuo con trazos diferentes e tesoiras. 

ACTIVIDADES CON REGRAS:

- Traballamos libremente e descubrimos para que serven. Medimos obxectos, as nosas mans, pés... Continuaremos a facer máis actividades no terceiro trimestre.

REGRETAS:

-Ordenamos as cartas segundo o seu valor e procuramos a mesma cantidade coas regretas. Esta actividade axuda na asimilación das sumas e do concepto de cantidade.

REXISTRO DO TEMPO ATMOSFÉRICO:

- Contamos os días de sol, chuvia...

- Representamos a cantidade con policubos.

- Rexistramos en papel.

Ao abrirmos a porta do salón de actos, escoitamos unha música ambiental e observamos dúas zonas de obradoiros. Libremente experimentamos cos materiais. Foi unha actividade moi creativa, relaxante e divertida.