Skip to Content

1º Curso

Visita á biblioteca da Ponte

O 20 de abril o alumnado de 1º e 2º visitou a biblioteca do barrio de A Ponte para realizar unha sesion de animación á lectura e de formación de usuarios.

Por medio dun contacontos realizado cun kamishibai a responsable da biblioteca foinos presentando os diferentes recantos que pode ter unha biblioteca e os diversos tipos de fondos bibliográficos cos que nos podemos encontar nela.

Tivemos un tempo para a lectura individual onde cada un de nós disfrutou coas lecturas dos libros que máis lles gustaban. Para rematar, realizamos unha actividade de creación de historias na que por medio de diversas técnicas iamos improvisando pequenas historias que lles contamos ao resto dos compañeiros e compañeiras.

 

Ti si que es un bo peixe

O 19 de abril realizamos na aula de psicomotricidade o  obradoiro Ti si que es un bo peixe, incluído dentro do programa aliméntate ben que vai percorrendo centros de nosa comunidade con diferentes actividades que dan a coñecer os aspectos saudables do consumo de produtos do mar.

Esta actividade completarémola o próximo 11 de maio coa excursión ao porto de Vigo onde coñeceremos de primeira man este marabilloso mundo do mar e poderemos degustar algúns de ditos productos.


OBRADOIRO DE ED. INFANTIL E 1º DE ED. PRIMARIA



 OBRADOIRO DE 2º a 6º DE E. PRIMARIA


 

Fai clic ao teu bocata

O 13 de abril de 2023 realizamos no centro o obradoiro “Fai clic ao teu bocata” no que nos ensinaron as vantaxes e a importancia dunha dieta equilibrada.

A actividade dividiuse en dúas sesións. A primeira delas para o alumnado de Educación Infantil e 1º de Educación Primaria e a segunda das quendas para o alumnado de 2º a 6º de Educación Primaria. Nestes dous obradoiros destacouse a importancia das conservas completando a formación con vídeos educativos e xogos didácticos.

Ao remate da sesión, todo o alumnado elaborou ao seu gusto o bocadillo saudable.

Estamos agardando poder repetir este obradoiro.

EDUCACIÓN INFANTIL E 1º DE EP

Galería de Ed. Prmaria

Dobraxe das voces da curta

Unha vez que temos realizada a gravación da maior parte das escenas da curta imos dar paso á dobraxe das diferentes voces que aparecen ao longo de toda a curta.

Todo o alumnado de 1º e 2 de Ed. Primaria participa nesta actividade.

A verdade é que a gravación estámola a realizar dunha forma un pouco rudimentaria, cun simple portátil e o programa Audacity, co que estamos a pór de manifesto que non é imprescindible ter unha sala de gravación para realizar un traballo escolar deste tipo.

De momento a banda sonora estanos quedando xenial!

Visita da Policía Nacional

O 30 de abril visitounos unha patrulla da Policia Nacional de Ourense co obxectivo de pór en valor o traballo que están a realizar na nosa cidade.

Todo o alumnado do centro participou nesta activiade e puido observar in situ e, incluso, manipular os diferentes materiais e aparellos que a Policia Nacional emprega no seu traballo diario.

Foi unha experiencia moi positiva xa que se logrou mudar o pensamento xeralizado da maioría do alumnado que pensaba que o único traballo deste corpo de seguridade era perseguir ás persoas delincuentes.

Día da poesía. Poetry day!

Este ano, para celebrar o Día da Poesía, realizamos un roteiro poético, por diversos recantos do noso cole relacionados, no que a temática central xirou entorno á natureza.

Nas seguintes ligazóns achegamos os vídeos cos diversos poemas recitados en galego, castelán e inglés: (iremos engadindo os vídeos en breves)


GALEGO


Para finalizar esta celebración, todo o centro recitou o poema Á nosa sobreira, da que é autor o profe Toño, a carón desta árbore senlleira que tan ben nos identifica e representa.


CASTELÁN



INGLÉS



GALERÍA DAS ACTIVIDADES DO MARTES



GALERÍA DAS ACTIVIDADES DO MÉRCORES



EXPOSICIÓN DE LIBROS NA BIBLIOTECA



 

Visita ao supermercado Gadis

O alumnado do CEIP Plurilingüe Manuel Sueiro realizou tres visitas ao supermercado GADIS no centro comercial Pontevella dentro do programa Alimentes.

A visita estivo estruturada 7 zonas nas que mostraron a noso alumnado as características dos alimentos, o seu empaquetado, a distribución e a súa importancia para unha dieta saudable.

A primeira das zonas consistiu nunha explicación da importancia da roda dos alimentos nos que nos amosaban os cinco apartados máis importantes para unha dieta saudable: vexetais (froitería), froitas (froitería), cereais (panadería), carnes, peixes, legumes, ovos e froitos secos (carnicería, peixería e estantes dos supermercados) e auga.

A segunda das paradas foi na froitería na que nos ensinaron produtos de proximidade con diferentes formas e sabores nos que destacamos as froitas como as laranxas, peras, mazás, pomelos,... e hortalizas.

A terceira das paradas foi a panadería na que observamos os diferentes tipos de pan como o tradicional (pan de Cea) ou o elaborado (pan de molde en bolsa).

A continuación fomos a peixería na que nos amosaron os diferentes peixes sabendo diferenciar o peixe branco do azul e algún peixes que nunca víramos como as raias. O que máis nos sorprenderon foron os polvos.

Despois da peixería foron a charcutería no que descubrimos a grande cantidade de produtos elaborados que non deberían estar na nosa dieta.

A sexta das zona foi a carnicería na que puidemos aprender a diferencia entre carnes vermellas e carnes brancas.

A última das zonas foi a zona das bebidas nas que descubrimos a “Kombucha” ou fungo do te, sendo unha bebida fermentada feita a base de te cuxa fermentación se obtén a través do cultivo de bacterias e lévedos. A bebida máis importante para o noso organismo e a mellor para unha dieta saudable é a auga.
O supermercado GADIS agasallounos cunha mochila cunha mazá e unha botella de auga. 

A visita foi xenial... e como sempre despois dun bo traballo rematamos cunha boa merenda e na zona de xogos.

VISITA DE EDUCACIÓN INFANTIL

VISITA DE 1º, 2º e 3º de Ed. PRIMARIA

VISITA DE 4º, 5º e 6º de Ed. PRIMARIA

 

 

Semana da Prensa

Do día 6 ao 10 de marzo celebramos no noso centro a Semana da Prensa coa realización de diversas actividades nas que empregamos os xornais como ferramenta de traballo nas aulas.


 

O alumnado de sexto de Educación Primaria realizou unha investigación acerca dos diversos xornais a nivel local, nacional e internacional. Unha vez concluída a investigación de busca a actividade consistiu en ser os seus propios directores e directoras de xornais traballando en base a un modelo dado e os resultados son os seguintes.

Moi bo traballo...  

Observación holística

O título non é moi común, pero se explicamos que é unha das fases do programa OBSERVA_ACCIÓN do que demos conta noutra nova, todo clarexa.

Non é máis que observarnos uns aos outros e tratar de aprender, sen xulgar, da tarefa ensino-aprendizaxe. Nesta fase do proceso, un mestre observa a outra mestra no grupo de 4º E.Infantil; un mestre observa a outro na aula de 1º E.Primaria, e por último, a mestra  observa ao mestre de 6º E.Primaria: Niveis diferentes nas linguas do centro, galego, castelán e inglés.

Vémonos na seguinte observación!

Programa Observa_Acción

Este curso fomos admitidos no programa de intercambio de experiencias OBSERVA_ACCIÓN. Trátase dun programa de desenvolvemento competencial desde a observación e o intercambio entre iguais, durante os cursos escolares 2022/23 e 2023/24, que se levará a cabo a nivel autonómico, nacional e internacional.

O xoves 26 de xaneiro, o director do centro e a mestra coordinadora asistiron á primeira xornada de formación en Santiago. Ademais deles, outro docente inicia este camiño no intercambio de observación docente.

Un dos obxectivos que se perseguen con este programa é o de experimentar novas vías de formación do profesorado e favorecer a innovación educativa no centro educativo, así como a colaboración con centros doutras comunidades autónomas e/ou países de ámbito europeo.

A nosa liña de traballo vai na dirección da Competencia comunicativa. Aquí comeza a nosa andaina da que vos iremos dando conta.

Distribuir contido


by Dr. Radut