O alumnado de 1º e 2º elaborarou nun traballo colaborativo, nas clases de educación plástica, un calendario de advento que, posteriormente, empregamos para facer a conta atrás dos días que faltan para a chegada do Nadal.
Para darlle un pouco de emoción, cada día, na Hora de ler, iamos ao calendario para facer a lectura do reto sorpresa dese día. Adiviñas, valores, ordes, xogos, bailes… foron varios dos retos que fomos superando día tras día.
O venres, 2 de decembro, no tempo da Hora de ler. o noso amigo Rafacontounos a historia de O coelliño branco, conto tradicional portugués que foi adaptado por Xosé Ballesteros, coa axuda de varios amigos e amigas de 1º e 2º de Ed. primaria.
Con el descubrimos o que é a coraxe, a valentíae a determinacióne que o tamaño das persoas non fai que se sexa máis valente nin máis forte.
0 21 de novembro e dentro das actividade organizadas para conmemorar o 25 de novembro, a Concellería de Igualdade, ofertounos unha actividade de contacontosde sensibilización e concienciación en materia de igualdade e prevención da violencia de xénero: "O rato canguro" coa finalidade principal de romper os estereotipos de xénero desde a infancia.
Os obxectivos específicos desta proposta son, entre outros:
Fomentar valores de igualdade entre nenas e nenos.
Promover a educación non sexista.
Romper cos roles ou estereotipos de xénero.
Impulsar a corresponsabilidade nos coidados.
O rato Fuco visitou o noso cole acompañado dun bebé ao que tivo que coidar: Chámase Cochin, e é un fillo duns amigos seus que se chaman Lene Marta e Tomás, porcos protagonistas do Conto “Suave y Calentito”, de Bijou Le Ford. Lene Marta traballa fóra da casa e Tomás hoxe non pode atender o pequeno porque ten que ir ao veterinario. Así pois, o rato Fuco foi o escollido para facerse cargo de Cochín.
Durante a contada, deulle de comer, lavouno, cambioulleo cueiro, contoulle contos e mesmo lle cantou un arrolo para o adormecelo, demostrando que en Lonxe de todo os coidados son unha tarefa compartida por ratos e ratiñas.
Ao longo do mes da ciencia participamos na convocatoria que se fixo desde a biblioteca do cole e o EDL do centro baixo o lemma "Se tes paciencia experimenta coa ciencia" realizando diversos experimentos que aquí presentamos aos nosos compañeiros e compañeiras.
Galaxia de cores. Xogando coa tensión superficial do leite, co xabón e coas graxas do leite e do colorante, o alumnado comprobou como o xabón repelía unha e outra vez aos colorantes alimenticios por conter graxas na súa composición. Premendo na imaxe poderedes observar o resultado espectacular deste experimento que formou unha Galaxia de cores.
Pantasmiñas explosivas. Aproveitando a reacción dunha substancia ácida, como o vinagre, ante o bicarbonato sódico, conseguimos explosionar o interior das cabezas duns pequenos monstruos. Para que a reacción fose máis expectacular, mesturámoslle tamén colorantes de diferentes cores e xabón líquido. O resultado podédelo observar na galería de imaxes.
Como bos científicos e científicas que somos, ao remate de cada experimento redactamos o noso informe do observado no laboratorio de clase.
Idade auditiva. Con esta sinxela experiencia comprobamos a nosa idade auditiva, chegando á conclusión de que ao facernos maiores o sentido do oído perde eficacia, como se puido ver na diferencia entre os resultados do alumnado (todo perfecto) e o do titor (cunha perda auditiva bastante importante). Empregamos a seguinte ligazón para realizar a escoita auditiva.
Son superdegustador/a. Para realizar este experimento tivemos que comer un anaco de dipper xl azul que tinguíu a nosa lingua de azul agás nas papilas gustativas que seguiron rosadas. Se contandes máis de 35 papilas en medio cm cadrado de lingua, é que sodes superdegustadores ou degustadoras.
O 18 de outubro o alumnado de 1º, 2º 3º e 4º de Ed. Primaria participou nas actividades que organizou o Concello na Semana de prevención de incendios.
Esta iniciativa tiña como obxectivo acercar o alumnado aos servicios de emerxencia dos que dispón o Concello co afán de inculcar unha conducta preventiva no comportamento diante de calquera posible situación de emerxencia en xeral e, moi especialmente, no caso dos incendios no ámbito urbano.
O 18 deoutubro contamos na biblioteca do centro coa presenza dun dos responsables de impartir a docencia no programa Nós tamén creamos!, no que imos a participar este curso co alumnado de 1º e 2º de Ed. Primaria.
Nesta sesión fcilitounos varios libros en galego da editorial OQO sobre os que temos que realizar a curta co noso alumnado.
Asemade, tamén se nos facilitaron diversas apps e programas cos que podemos empezar a fedellar para crear animacións nas nosas clases.
Xa estamos desexando comezar a traballar, pero o primeiro que teremos que facer é escoller un dos textos facilitados para realizar o noso proxecto.
O día 5 de outubro celebramos no noso cole o Día das e dos docentescunha serie de actividades que pretendían acadar o obxectivo de recoñecer a función esencial que as mestras e mestres desempeñan ao impartir educación en todos os niveis educativos.
O alumnado realizou ilustracións de mestres e mestras que lles deixaron pegadana súa estadía no CEIP Manuel Sueiro e que, posteriormente, os seus compañeiros e compañeiras tiveron que adiviñar, en función das pistas que se ofrecían nos respectivos traballos.