No día de onte, martes 21 de xaneiro, o alumnado de 2º ESO fixo unha viaxe cultural á Coruña. En primeiro lugar presenciaron unha “batalla” de galos (rap) no Pazo da Ópera, onde a parte de seren espectadores tamén participaron como xurado, escollendo ó mellor vesificador.

Logo dunha parada para repoñer forzas demos un paseo polo entorno da Torre de Hércules. Finalmente asistiron a una exposición, charla e taller baixo o tema “o noso planeta”. E finalmente, algo cansos pero contentos, volvemos para Monforte. A visita resultou un éxito.

O día de hoxe amenceu nubrado e con precipitacións de neve a partir da media mañá que se prolongaron ó longo de toda a xornada.

O alumnado segue aumentando o seu dominio do esquí e a súa capacidade para superar novos retos.

O cansazo segue manifestándose pero a ilusión por seguir mellorando nesta habilidade deportiva fai que todo sexa máis levadeiro. Todo se mantén dentro da normalidade!

Mañá máis..

Primeiro día de contacto coa neve en Andorra.  O  espertar presentouse duro polo cansazo acumulado na viaxe do día anterior, pero a ilusión por comezar a esquiar eliminou todo o negativo de erguerse ás 7h.

Almorzamos e subimos á estación de El Tarter e logo de probar a dureza de convivir coas botas de esquí, empezamos o curso cos monitores dende as 10h ata as 12h.

Transcorridas 2 horas de esquí,  a maior parte dos participantes puideron ter una experiencia positiva. Dende as 12h ata as 14h houbo esquí libre antes de xantar.

Cando aparecían os primeiros síntomas do cansazo, tocou  volver a esquiar ata as 16:45h.

A partir desa hora, todos volvimos ao autobús e a repoñer forzas para seguir mañá coa mesma ilusión.

Continuaremos informándovos.

O pasado xoves 9 de xaneiro o xornalista galego  Emilio Varela impartiu unha charla para o alumnado de 4º de ESO e 1º de Bacharelato no salón de actos do noso centro.

A Charla levaba por título “Atlantis: la Ciencia del Mito”, e nela se nos falou da civilización Minoica, a súa influencia  e a súa desaparición debido a una serie de catástrofes naturáis que no seu momento non se puideron predicir. Cun apasionado discurso, Emilio fixo multitude de referencias históricas, científicas, filosóficas e artísticas e mesmo relacionou o mito da desaparición da Atlántida cos desastres que está a sofrir o noso planeta, relacionados co cambio climático, coa diferencia de que estes sí se poden predicir.

Un pracer escoitalo. Sen dúbida repetiremos.

O  pasado decembro  o Departamento de Educación Física e en especial  a xefa do departamento, Berta Seoane, puxo en marcha un Campionato de Brilé entre alumnos dos distintos cursos de Eso e Bacharelato e o profesorado.

Os primeiros partidos celebráronse o  día 20 de decembro,  como actividade de remate de trimestre, e resultaron gañadores  alumnos de ESO.  O campionato continuará durante o segundo trimestre, durante os recreos marcados polos profesores e irémosvos informando sobre os resultados.

Moitos ánimos e sorte a todos os participantes!!

O alumnado do IES Río Cabe  participante na Semana Branca e o profesorado acompañante xa se atopan perfectamente acomodados no hotel Cosmos de Andorra la Vella.

Saíron o sábado ás 23.45h de Monforte e logo de cruzar toda a península de Oeste a Leste chegaron ó mediodía ao seu destino.

Entraron no hotel entorno ás 14 horas  e logo de facerse cargo dos cuartos puideron xantar en Andorra e xa ás 17.30 tiveron que recoller o material no Tarter.

Para rematar a xornada cearon no hotel e descansarán ata o luns ás 7h da mañá ,que terán que erguerse...

 Mañá máis...

O alumnado de 3º de Eso e 1º de Bacharelato partiu na noite do sábado 19 de xaneiro cara a Andorra, acompañado do seu director  e organizador da viaxe Carlos Parada, así como da xefa de estudos de nocturno, Patricia Barrientos, e a profesora do departamento de Matemáticas Iria Trebolle.

Nesta viaxe  algúns aprenderán a esquiar, outros perfeccionarán a súa técnica, e todos compartirán unha semana de experiencias e emocións intensas. Con moitas ganas e tamén algúns nervos , saíron da estación de autobuses a onde as súas familias os foron despedir.

A todos eles lles desexamos unha moi feliz semana!!

As alumnas do segundo ano de Bacharelato, acompañadas de Pilar, a súa profesora de Francés, invitáronnos a degustar unhas deliciosas Sablés de Noël que elas mesmas elaboraron. A degustación tivo lugar no recreo do pasado xoves,19 de decembro.

Ademais as alumnas fixeron uns posters que colocaron á entrada do centro coa receita das pastas explicadas paso a paso, así que non queda xa  excusa para non repetir. Félicitations à tous!!

Alumnado de nocturno do IES Río Cabe visita Vigo guiados polos seus compañeiros do Ciclo Superior de Guía, Información e Asistencia Turísticas.

Nun chuvioso mércores 18 de decembro iniciamos a visita á cidade olívica na plaza de O Berbés antes de adentrarnos no Casco Vello, onde observamos a Concatedral de Vigo (comunmente coñecida como A Colexiata) e a casa torre de Ceta e Arines considerada a máis antiga da cidade e que na actualidade é a sede do Instituto Camões, xunto coa contigua casa de Pazos e Figueroa.

Ascendemos pola rúa dos Cestos, onde aínda se poden atopar dous talleres de artesáns cesteiros, para chegar á Praza da Constitución. Resguardados nos seus soportais, observamos a primeira farola alumeada con luz eléctrica en Vigo e a antiga sede do Concello.

Dirixímonos cara a Porta do Sol dende a Plaza da Princesa. Tras unha breve explicación sobre a arquitectura modernista de finais do século XIX e principios do XX, tendo como exemplos os edificios Simeón e O Moderno, dispuxemos dun tempo de lecer para desfrutar do alumeado de Nadal, pasear, tomar algo pola zona e sacar fotos co “Dinoseto”.

Continuamos o paseo baixo a chuvia polo Teatro García Barbón, obra do arquitecto Antonio Palacios, e a comercial rúa Príncipe. 

No cruce das Rúas Colón e Urzáiz, paramos para coñecer o MARCO (Museo de Arte Contemporáneo de Vigo) antes de baixar cara a Praza de Compostela, onde se sitúa o mercado de Nadal e unha noria xigante. 

Xa que a meteoroloxía non acompañou, regresamos a Monforte enchoupados... pero contentos polo tempo compartido cos compañeiros e agardando a próxima saída xuntos.

Ao rematar o trimestre,o pasado 18 de decembro, xa cansos de exames, traballos, nervos, etc,  propuxemos dende o Cabe, ao alumnado de 2º BAC e 4º de ESO un taller sobre Escritura en Igualdade, impartido pola profesora e autora galega Eli Ríos.

A autora,dun xeito moi ameno, fixo reflexionar aos alumnos e alumnas sobre a escasa visibilidade que sempre  se lle deu á muller na literatura, non só galega senón tamén española e mesmo internacional, e non só como escritora senón tamén como personaxe e/ou protagonista de obras dos distintos xéneros literarios.

Ademais, e traballando en  grupos, @s alumn@s foron quen de construir pequenos relatos e de sentirse  autores das súas propias obras, que leron ao resto de compañeir@s.