O tempo deunos unha tregua e puidemos levar a cabo esta actividade aprazada pola choiva da Semana Cultural. Alumnos e as de 1º ESO da asignatura de Paisaxe, xunto cos alumnos/as de 3º ESO e o alumnado do CICLO dentro da materia de Desprazamento, estadía e seguridade no medio terrestre, plantamos ameneiros, bidueiros, castaños...,visitamos os muíños e a capela de San Tomé, xunto cos petróglifos da Gurita e os arrededores.

Actividade organizada coa Comunidade de Montes de Baroña, transmitíndonos tradición, respecto e responsabilidade polo patrimonio e polo medio ambiente.

(story)

ELIMINANDO BARREIRAS DE COMUNICACIÓN

Start: 24/04/2018 19:34

A FAXPG (Federación de Asociacións de Persoas Xordas de Galicia) achegouse ó noso centro para impartir unha charla sobre "Deporte e diversidade funcional: disCapacidade auditiva".
Aprendemos un pouquiño de Lingua de Signos, e achegamonos á xordeira. Imprescindible o coñecemento previo sobre calquera cousa, facelo noso, e así poñernos nos seus zapatos para darnos conta de que hai todavia traballo por facer, para eliminar barreiras entre as persoas, neste caso barreiras de comunicación.

(story)

CELEBRANDO O DÍA DO LIBRO

all day

En 1995 a UNESCO escollía o 23 de abril como data da celebración do Día do Libro e dos Dereitos de Autor. E nós tamén o celebramos na biblioteca! Nos recreos os alumnos e alumnas de 4º de ESO e de 1º de Bacharelato léronnos os seus microrrelatos que crearon nun proxecto de narración e ilustración na materia de Lingua Castelá. Agradecemos a María Míguez e a María Mayo a iniciativa e a colaboración co equipo de biblioteca na conmemoración desta data! Convidámosvos a lelos!

Parabéns ao alumnado.

(story)

CAMPIONATO GALEGO ESCOLAR DE ORIENTACIÓN

all day

Despois de 2 sesións de orientación impartidas polo CICLO, 1 Campionato Interzonal (Boiro), 1 Campionato Provincial (Culleredo), chegou o momento do Campionato Galego (Monte Pedroso, Santiago). O alumnado clasificado previamente participou este sabado nesta carreira. Lectura de mapa, interpretación de curvas de nivel, algo de brúxula, moita concentración e máis de diversión. 

Os/as nosos/as representantes: Xavi, Indra, Joel, Uxia, Eloi e Nerea (subcampioa galega) fixérono estupendamente!!!

Noraboa a todxs!!

(event)

23 e o 27 de abril de 2018: Semana do libro.

all day

(story)

NO CONGRESO DE INNOVACIÓN DE INNOVACIÓN NA FP

all day

O alumnado de 4º de ESO asistiu esta mañá na Cidade da Cultura ao Congreso de Innovación na Formación Profesional, FP Innova Galicia 2018. Un foro no que expoñer innovación, emprendemento, formación e empresa. Un escaparate da Formación Profesional en Galicia. Puideron ver en directo os 30 proxectos de innovación en tecnoloxías punteiras; 17 proxectos empresariais de miniempresas dentro do Plan de Emprendemento do Sistema Educativo (Eduemprende); obradoiros sobre robótica, 3D, electrónica, fabricación de drons, madeira, artes gráficas, estética, hostalaría ou industrias alimentarias.

Unha boa forma de aproximarse á Formación Profesional.

A actividade foi organiazada polo departamento de Orientación, dentro do Plan de Acción Titorial dirixido á orientación académica do alumnado.