EDUCACIÓN SECUNDARIA OBRIGATORIA, 1º DE BACHARELATO, FORMACIÓN PROFESIONAL BÁSICA E CICLOS FORMATIVOS

A entrega de cualificacións da avaliación ordinaria realizarase de forma presencial o día 25 de xuño.

A entrega será realizada polos/as titores/as dos grupos.

Para manter as medidas sanitarias a entrega das cualificacións será no patio do IES A Pontepedriña. 

O procedemento para a entrega será o seguinte:

1. O alumnado será convocado nunha hora concreta.
2. A entrega realizarase no patio o que se chega desde a porta de acceso de alumnos/as.
3. A entrada ao recinto será por cursos.
4. Todo o alumnado está obrigado a traer máscara de protección.
5. Ao entrar lavarán as mans con xel hidrolóxico e seguirán as instrucións do persoal do centro. 
6. O alumnado dirixirase ao patio onde serán distribuídos por cursos. 
7. Os titores e titoras farán entrega aos alumnos do boletín de cualificacións, impresos de matrícula ou impresos de pre-matrícula no caso de que teñan que realizar as probas extraordinarias de setembro.
8. Tras recoller as cualificacións e diferentes documentos abandonarán o centro seguindo as instrucións do persoal.

Se as condicións climáticas non permiten facer a entrega das cualificacións e impresos ao aire libre, utilizaremos o Salón de Actos, sempre garantindo as medidas de hixiene e seguridade.Nese suposto publicaremos un novo calendario para entrega. 

HORARIO DE ENTREGA DAS CUALIFICACIÓNS

A devolución dos libros en préstamo realizarase entre o 16 e 19 de xuño. Traerán o mesmo día os libros que sexan de Fondo Xunta, Fondo IES, Fondo AMPA e Biblioteca.

• 1º de ESO: Día 16 de xuño
• 2º de ESO: Día 17 de xuño.
• 3º e 4º de ESO: Día 18 de xuño.
• Alumnado, con motivos xustificados, que non puido realizar a entrega o día marcado ou que realizaron entregas incompletas ou teñen libros de préstamo de bacharelato ou Formación Profesional Básica: Día 19 de xuño.
• Aqueles alumnos/as que non teñan que vir a devolver libros de texto en préstamo ou sexan de bacharelato e teñan libros da biblioteca para devolver: Día 19 de xuño.

O procedemento de entrega será o seguinte:

• A entrega realizaráse na entrada da Aula 0.
• O alumnado esperará, mantendo a distancia de seguridade, a ser chamado.
• O seu titor/a encargarase da recollida e comprobación do estado dos libros.
• É obrigatorio traer máscara de protección, lavarse as mans o entrar no centro e desinfectar o calzado.
• Un conserxe comprobará o entrar que o alumno/a pertence a ese grupo. 
• Os/as titores recollerán os libros e comprobarán nas listaxes que a recollida é a correcta.
• Os/as alumnos/as ou os seus representantes traerán consigo a copia do rexistro dos libros que lle foron entregados e que recibiron no momento do reparto dos libros. 
• Os libros serán recollidos comprobando somentes que fan unha entrega completa. Si posteriormente comprobase a existencia de libros en mal estado ou incompletos, as familias serán chamadas para que asuman as responsabilidades derivadas de participar no fondo solidario.
• De calquer discrepancia entre o entregado e o que figura nas listaxes tomarase nota para facer as pertinentes comprobacións e poder chamar as familias co que sexa.
• Aqueles/as alumnos/as que realicen unha entrega incompleta teñen o día 19 de xuño para entregar o que se atope pendente

HORARIOS DE DEVOLUCIÓN DOS LIBROS DE TEXTO EN PRÉSTAMO E DA BIBLIOTECA

Finalizado o día 18 de maio de 2020 o proceso de admisión de alumnos/as para aqueles que non proceden de centros adscritos, o IES A Pontepedriña informa:

• Solicitudes 1º de ESO: Todas as solicitudes son: ADMITIDAS

• Solicitudes 2º de ESO: Todas as solicitudes son: NON ADMITIDAS

• Solicitudes 3º de ESO: Todas as solicitudes son: NON ADMITIDAS

• Solicitudes 4º de ESO: Todas as solicitudes son: ADMITIDAS 

• Solicitudes 1º Bacharelato: Todas as solicitudes son: ADMITIDAS 

• Solicitudes 2º Bacharelato: Todas as solicitudes son: ADMITIDAS 

Todos/as os/as alumnos/as admitidos realizarán o proceso de matrícula no mes de xullo ( entre o día 01-10 de xullo). As quendas para matricularse e documentación necesaria serán publicadas nesta páxina web entre o 17 de xuño e o 21 de xuño de 2020.

Pola lei de protección de datos non poden ser expostas nesta páxina os nomes dos/as alumnos/as admitidos/as. Estas listaxes poden consultarse no propio centro ou a través da apliación “admisionalumnado”.

O alumnado NON ADMITIDO poderá acceder a unha praza neste IES no mes de setembro si tras rematado o proceso de matrícula aparecen vacantes. Estas vacantes serán asignadas segundo a orde na que figuran tras a baremación.

Publicación da Circular 2/2020 da Dirección Xeral de Educación, Formación Profesional e Innovación Educativa pola que se desenvolve a Orde do 22 de abril de 2010, pola que se establece o procedemento que cómpre seguir nas reclamacións das cualificacións outorgadas no segundo curso do Bacharelato establecido na Lei Orgánica 2/2006, do 3 de maio, de Educación, para o curso 2019/2020.

Reclamacións no centro. Prazos

• Convocatoria ordinaria: 10 e 11 de xuño de 2020 (ata as 14.00 horas)
• Convocatoria extraordinaria: 3 e 4 de setembro de 2020 (ata as 14.00 horas).

Reclamacións ante a comisión de supervisión (Dirección Xeral de Educación, Formación Profesional e Innovación Educativa. Subdirección Xeral de Inspección, Avaliación e Calidade do Sistema Educativo). Prazos

1. Comunicación á comisión de supervisión

• Convocatoria ordinaria: antes das 18.00 horas do 16 de xuño de 2020.
• Convocatoria extraordinaria: antes das 18.00 horas do 7 de setembro de 2020

Para consultar a Circular e a Orde:

• Enlace á Circular nº2/2020
• Enlace á Orde do 22 de abril de 2010

Procedemento para presentación das Reclamacións ás cualificacións de 2º de bacharelato.

VÍA TELEMÁTICA:

• Enviaranse as reclamacións a través do correo electrónico do centro: ies.pontepedrina@edu.xunta.gal. Debe constar: nome do/a solicitante (pai/nai/titor legal), DNI, domicilio,  nome e apelidos do/a alumno/a, curso no que se atopa matrículado, materia sobre a que solicita reclamación e motivos da mesma.
• A través da páxina web:  deben ir o apartado familias/contacto co profesorado.  Aquí cubrirán  todos os datos solicitados e na caixa de ”mensaxe para o profesor/a” escribir que as materias que se reclaman e os motivos da mesma.

ENTREGA PRESENCIAL NA SECRETARÍA DO IES A PONTEPEDRIÑA:

• Utilizarán o modelo formalizado que podrán recoller no propio centro ou descargar premendo nesta ligazón.

Resolución das reclamacións

• A resolución será por escrito, e será entregado o/a solicitante e/ou a súa familia previa cita ou enviado ao correo electrónico do alumno/a ou da súa familia, se así o solicitan.
• A resposta do departamento será en 24 horas desde a finalización do prazo de reclamación (día 12 de xuño).

Reclamación á Comisión de Supervisión.

• Se tras a recepción da resolución, e non estando dacordo coa mesma, teñen o dereito de presentar Reclamación ante a Comisión de Supervisión.
• Os/as alumnos/as e/ou as súas familias presentarán reclamación en modelo formalizado o día seguinte de recibir a resolución do departamento: día 15 de xuño. Esta presentación realizarase sempre na secretaría do IES.
• A Comisión de Supervisión emitirá resolución antes do día 03 de xullo para, si é o caso, o/a alumno/a poda matricularse nas probas de ABAU se así o desexa.

Se se preme na imaxe accédese ao blogue do plan proxecta: Educación Patrimonial

Traballos realizados polo alumnado de 4A de EPVA, de 1º Bac de Debuxo Artístico e 2º Bac de TEGP,  durante o confinamento. Preme en cada imaxe para ver todos os traballos:

3º ESO	4 EPVA	1º BAC Debuxo Artístico	2º BAC TEGP

A Orde do 12 de maio de 2020 (DOG do 19 de maio de 2020) regula o procedemento para solicitar os LIBROS DO FONDO SOLIDARIO E AS AXUDAS PARA MATERIAL ESCOLAR para o alumnado de Educación Secundaria Obrigatoria.

1.     O prazo de presentación de solicitudes abranguerá desde o 20/05/2020 ata o 19/06/2020, ambos os dous inclusive.

2.     As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal

3.     Para a presentación de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365( https://sede.xunta.gal/chave365).

4.      Opcionalmente poderanse presentar no IES ou en calquera dos lugares e rexistros establecidos na normativa reguladora do procedemento administrativo común.

5.     O alumnado que ven para 1º de ESO debe presentar a solicitude polo procedemento electrónico ou na Secretaría do IES A Pontepedriña.

6.     A solicitude será única para todos os fillos e, de ser o caso, tutelados que estean admitidos no mesmo centro docente para o curso 2020/21; nela especificarase o nivel de estudos que espera realizar cada un deles no citado curso. Se estivesen admitidos en centros docentes distintos, presentarase unha solicitude en cada un dos centros.

7.     O anexo I que debe presentarse está dispoñible: no portal educativo ( http://www.edu.xunta.gal), na sede electrónica da Xunta de Galicia (https://sede.xunta.gal ), ou na Secretaría do IES.

8.     O alumnado que repita 4º da ESO e aquel que non obteña praza en formación profe-sional básica no curso 2020/21 e formalice a matrícula no curso da ESO que lle corresponda, cando non presentase solicitude de participación no fondo solidario nin de axuda para adquirir material escolar no prazo indicado, tamén poderá presentala no prazo dun (1) mes desde a formalización da matrícula.

9.     Para a tramitación deste procedemento consultaranse automáticamente os datos, agas que alguén se opoña a esta consulta. Neste caso deberán indicalo no recadro correspondente e presentar os seguintes documentos: DNI ou NIE da persoa solicitante e do resto dos membros computables da unidade familiar, Declaración do IRPF ou na súa falta Certificado tributario de imputacións no exercicio 2016. Se notifica discapacidade, Certificado de grao de discapacidade recoñecido pola Xunta de Galicia, referenciado a 31 de decembro de 2016.

10.  Documentación complementaria que debe presentarse xunto co Anexo I:

1. Anexo II (comprobación de datos dos membros computables da unidade familiar)
2. Copia do libro de familia onde figuren todos os membros computables a 31 de decembro de 2016.
3. Sentenza xudicial de separación ou divorcio ou, de ser o caso, convenio regulador onde conste a atribución da custodia do/da menor.
4. Certificado de Convivencia
5. Certificado do grao de discapacidade do alumno/a ou calquera membro da famlia.
6. Documentación xustificativa da situación de violencia de xénero no ámbito familiar.
7. Resolución xudicial de incapacitación con patria potestade prorrogada ou rehabilitada.
8. Alumnado en situación de garda ou tutela da Xunta de Galicia: copia da resolución administrativa ou xudicial.

11.  En todo caso, os documentos deberán ser válidos e eficaces no momento da súa presentación, e reflectir a situación persoal, familiar e económica en 31 de decembro de 2018, agás no caso de violencia de xénero, en que se aplicará o disposto na lexislación específica.

12.  O centro publicará as listaxes provisionais o 10 de xullo de 2020. Contra esta resolución poderán presentar reclamación nos días seguintes a esta listaxe. As listaxes definitivas publicaránse o 14 de setembro.

AXUDA MATERIAL ESCOLAR

Tramitaranse na mesma instancia que a solicitude de libros. Ten os mesmos prazos e serve a mesma documentación.

Para mais información prema aquí.

Estimados/as alumnos e alumnas do IES A Pontepedriña, para favorecer o voso acceso a plataforma Aula Virtual, solucionar dúbidas sobre outros aspectos telemáticos e informarvos dos horarios de clases on line, atoparedes no apartado Alumnado dous subespazos. Un deles titulado “ Como acceder á Aula Virtual e outras dúbidas” ( para acceder prema aquí) e outro co título “Horarios clases on line por cursos” (para acceder prema aquí).