ACCESO:

Para realizar a FCT é  necesario ter superados previamente tódolos módulos do Ciclo agás o Modulo de Proxecto.

DURACIÓN:

Ciclo Superior de Comercio Internacional: 384 horas (48 xornadas).

Ciclo Superior de Xestión de Vendas e Espazos Comerciais: 384 horas (48 xornadas).

Ciclo Medio de Actividades Comercias: 410 horas (52 xornadas).

HORARIO DE TRABALLO:

Durante o período de realización da FCT, o horario do alumnado adaptarase ao horario laboral que teña establecido a empresa. A permanencia  media   será de 40 horas semanais.

FALTAS DE ASISTENCIA:

As faltas de asistencia xustificadas (enfermidade, asuntos oficiais) non poderán superar o 10% das horas totais de duración da FCT. Deberán ser comunicadas a persoa titora no Centro Educativo e á empresa.

REUNIÓNS NO CENTRO EDUCATIVO:

Para o seguimento da FCT o alumnado será convocado a reunións quincenais no Instituto. Estas reunións son de asistencia obrigatoria.

EXENCIÓN:

Para solicitar exención como norma xeral é necesario haber  traballado e cotizado un mínimo de 12 meses  realizando unha actividade relacionada cos contidos do Ciclo Formativo cursado.

O alumnado interesado deberá presentar na secretaría do Instituto:

a.- Solicitude.

b.- Certificación da Tesourería Xeral da Seguridade Social, ou da mutualidade laboral á que se estivese afiliado ou afiliada, na que conste a empresa, a categoría laboral, o grupo de cotización e o período de contratación ou, de ser o caso, o período de cotización en réxime especial de traballadores autónomos, ou calquera outro medio de proba admitido en dereito.

c.-  Certificación da empresa na que se indique especificamente a duración do contrato, as actividades desenvolvidas e o período en que se realizaron estas actividades. No caso de traballadores e traballadoras por conta propia, certificación de alta no censo de obrigados tributarios, cunha antigüidade dun ano, así como unha declaración da persoa interesada das actividades máis representativas.

FCT NO EXTERIOR:

O alumnado interesado poderá participar nas convocatorias ERASMUS (prazas limitadas) para facer a FCT no estranxeiro.

Asimesmo,  con autorización da Consellería, poderá realizarse a FCT no exterior en empresas propostas polo alumnado ou polo Centro Educativo.

AXUDAS:

A través da Coordinacion da FCT procederáse a solicitar axudas para gastos ocasionados polo desprazamento do alumnado.

Non terá dereito a  axudas as persoas  que se atopen nas seguintes situacións:

1. A empresa na que realiza a FCT está domiciliada en Santiago de Compostela (por ser o Concello no que se atopa o Instituto)
2. A empresa está situada no Concello onde ten o seu domicilio o alumnado.

A modo indicativo sinalar que a axuda concedida no ano 2016 foi de 96 €.

O alumanado que  realice a FCT no exterior poderá solicitara xudas que par ao ano 2016 estaban establecidas nas seguintes cantidades (Orde 28 de abril de 2016)

NORMATIVA:

Orde do 28 de febreiro de 2007 pola que se regula o módulo profesional de formación en centros de traballo da formación profesional inicial, para o alumnado matriculado en centros educativos da Comunidade Autónoma de Galicia.

Orde do 28 de abril de 2016 pola que se convocan axudas económicas para o alumnado que realiza formación práctica en centros de traballo