Skip to Content

JUAN TALLÓN

O escritor de Rewind ou Obra Maestra encontrábase hoxe na nosa biblioteca con alumnado de 1º BAC para falar do proceso creativo dun escritor. Unha charla ben interesante na que os nosos rapaces e rapazas participaron facendo todo tipo de preguntas.
Grazas, Juan Tallón, polo ben que queres o noso centro. É unha honra.
 
IES OTERO PEDRAYO. ENSINO PÚBLICO. ENSINO DE CALIDADE.

VISITA DO CENTRO INTERXERACIONAL

A "mocidade" do Centro Interxeracional a Farixa, que xa son familia do IES Otero Pedrayo, visitou hoxe pola mañá o noso centro. O alumnado máis pequecho tíñalles preparadas unhas pezas musicais no Paraninfo, logo visitaron o noso museo e, por último, acabaron na biblioteca, onde presentamos o libro que estamos a ler este trimestre no club de lectura, no que eles tamén van participar.
Que marabillosos son estes encontros interxeracionais. Canto temos que aprender dos nosos maiores!
 
 
IES OTERO PEDRAYO. ENSINO PÚBLICO. ENSINO DE CALIDADE.

CAMPIÓN! PEDRO CASTAÑO

 

O noso alumno PEDRO CASTAÑO, xunto co seu compañeiro Mateo Rodríguez, pasaron con este exercicio, sendo primeiros!, á final do Campionato do Mundo Junior. Case nada! Ademais, en individual da súa idade, quedou 1º español!
A competición tivo lugar a pasada fin de semana en Birmingham e Pedro estivo excelente. Parabéns! Orgullo de alumnado.
 
IES OTERO PEDRAYO. ENSINO PÚBLICO. ENSINO DE CALIDADE.

VISITA AO NOSO MUSEO

O pasado martes, un grupo de docentes do colexio de Carmelitas, agora en `estado de xúbilo´, visitaba o Otero Pedrayo para coñecer o noso Museo Pedagóxico, pertencente á rede MUPEGA.
Grazas pola visita; sempre é unha honra pór en valor e dar a coñecer o noso patrimonio, o patrimonio de todos e de todas.
 
IES OTERO PEDRAYO. ENSINO PÚBLICO. ENSINO DE CALIDADE.

SAN MARTIÑO 2023

Un ano máis, o IES Otero Pedrayo estivo presente na Carreira Pedestre Popular do San Martiño, cunha participación de alumnado das máis altas dos institutos da provincia.
Grazas ao Departamento de Educación Física por fomentar sempre unha vida activa, participativa e saudable entre os nosos rapaces e rapazas.
 
 
IES OTERO PEDRAYO. ENSINO PÚBLICO. ENSINO DE CALIDADE.

A RECICLAXE PARA A CONSERVACIÓN DO PLANETA

O alumnado de 4ºA está a traballar, como Proxecto competencial, na importancia da reciclaxe para a conservación do planeta. Pequenas accións poden traer grandes beneficios. Neste marco, visitaron a marabillosa Expo De Polo a Polo, no Xardín do Posío, actividade de proximidade que nos abriu unha fiestra a un mundo natural agochado do ser humano. Preguntas, debate, crítica... Fóra das aulas tamén se aprende! E moito!
 
 
IES OTERO PEDRAYO. ENSINO PÚBLICO. ENSINO DE CALIDADE.

MAGOSTO 2023

No magosto do Otero Pedrayo nos nos faltou de nada:
- Obradoiro de zonchos, organizado polo EDL e con moita, moita participación. Que guapos lucimos cos colares das castañas cocidas. E canto aprendemos!
- Concurso-degustación de sobremesas de outono: a tarefa do xurado foi complicada, porque escoller a mellor sobremesa entre tanta excelencia... Parabéns para Gabriela Fernández, de 1º BAC, por esa delicatessen de trufas!
- Xogos populares. Nun magosto non poden faltar os nosos xogos de sempre (brilé, tirasoga, pano, carreiras...) e non hai ninguén que os organice mellor ca o Departemento de Educación Física.
- E, como non, non faltaron as castañas. Ata o tempo nos deu unha tregua para comelas a gusto no patio exterior.
- E aínda nos deu para entregar os premios aos mellores relatos de medo do Samaín, concurso organizado tamén polo EDL.
Que marabilla de xornada! Que viva o magosto!
 
 
 
IES OTERO PEDRAYO. ENSINO PÚBLICO. ENSINO DE CALIDADE.

EDUCANDO EN XUSTIZA

Hoxe a prensa faise eco da participación do Otero Pedrayo no programa Educando en Xustiza. En tres sesión distintas, todo o alumnado de 4º ESO tivo a oportunidade de presenciar varios xuizos en directo, nunha das salas do Xulgado do Penal de Ourense.
A maxistrada, Susana Pazos, antes de comezar a sesión, dáballe detalles ao alumnado sobre o xuízo que ían ver, explicándolle a función de cada un dos axentes que intervirían nel e abrindo rolda de preguntas para que os nosos rapaces e rapazas non quedaran con ningunha dúbida.
Ao final, aínda tiveron oportunidade de visitar os calabozos e a sala de recoñecemento no soto do edificio, que os deixou realmente impactados.

 

IES OTERO PEDRAYO. ENSINO PÚBLICO. ENSINO DE CALIDADE.

SAMAIN 23

Concurso de microrrelatos de medo, exposición con textos terroríficos, mostra de obras de temática de ultratumba, seres vidos do máis alá deambulando polos nosos corredores... O Otero Pedrayo non esperou á noite de Defuntos... A mañá de onte foi... de medo!
Grazas ao equipo de biblioteca e ao equipo de dinamización lingüística polo traballo.

 

IES OTERO PEDRAYO. ENSINO PÚBLICO. ENSINO DE CALIDADE.

NAS TERRAS DOS QUERQUENNOS

O pasado xoves, un afoutado grupo de alumnas e alumnos do IES Otero Pedrayo adentrouse nas terras dos Querquennos, sen medo á choiva, con ansia de coñecer máis sobre o noso pasado romano.
Alí acolleunos Eva, no Centro de Interpretación, onde aprendemos como era facer unha viaxe no séc. I d.C., época na que se construíu o campamento romano que albergaba, segundo os últimos estudos, unha cohorte da Legio VII Germina. Tamén houbo tempo de que o equipo das Venus vencese ao das Artemisas no xogo da Via Nova.
Achegámonos ao campamento e puidemos ver os últimos avances nas excavacións, o praetorium, aínda que a choiva foi repentinamente a máis e impediunos ver con detallo o traballo dos arqueólogos que tiveran que parar de traballar.
En Santa Comba agardábanos a señora Isabel para explicarnos este tesouro do noso patrimonio, construído con cachos do campamento romano: había que aproveitar o material!
Unha viaxe moi interesante! Grazas ao Departamento de Grego e á incansable Ana Gloria pola súa organización.

 

IES OTERO PEDRAYO. ENSINO PÚBLICO. ENSINO DE CALIDADE.
Distribuir contido


by Dr. Radut