Skip to Content

CHARLA: INICIACIÓN SEGURA Á PEGADA DIXITAL E ÁS REDES SOCIAIS

 

 

 

O noso alumnado de 3ºESO da materia de Educación Dixital participou nunha charla ofertada pola Consellería de Educación e desenvolvida por AMTEGA sobre seguridade informática.

Baixo o título de Iniciación segura á pegada dixital e as redes sociais, o relator da charla explicoulles dunha forma moi amena, didáctica e moi próxima á súa realidade dixital, os perigos das redes sociais e as medidas para adoptar para usalas dunha maneira segura. Tamén lles explicou o concepto de pegada dixital  e identidade dixital e as pautas para protexer ambas. Moitas grazas por facelo tan ameno.

Esta charla enmárcase dentro dunha serie de actividades que se van a desenvolver no Centro en ámbito da formación en Seguridade Informática de toda a comunidade educativa e que está recolleito como obxectivo prioritario este curso no Plan Dixital de Centro.

 

IES OTERO PEDRAYO. ENSINO PÚBLICO. ENSINO DE CALIDADE

25N, NO OTERO QUERÉMONOS SEN VIOLENCIA

Durante esta semana e tamén na vindeira, no Otero Pedrayo contamos con varios actos no marco das xornadas polo 25N, Día contra a violencia cara as mulleres.
Todos os departamentos e tamén os diferentes equipos (Equipo de Dinamización Lingüística, Equipo da Biblioteca, Equipos que desenvolven os plans de innovación pola igualdade, Departamento de Orientación, Departamento de actividades...) puxeron o seu gran de area para contar no centro con unha selección bibliográfica, a creación dun mural contra a violencia a través de viñetas, un acto no paraninfo centrado na música contra a violencia, material diverso para traballar nas titorías, a confección dun panel no que cada unha das mulleres mortas se simboliza nunha bolboreta e esas bolboretas están acompañadas de centos máis que voamos con elas e seguimos na loita, a lectura do manifesto, a colga da pancarta no balcón do edificio histórico, o reparto de pulseiras da Fundación Anar con lema e teléfono contra a violencia... Unha chea de actividades que o luns pecharemos cunha charla- obradoiro sobre trata de mulleres na actualidade.
Con todas elas queremos mostrar o noso máis rotundo NON a calquera tipo de violencia porque, no Otero, querémonos sen violencias.
 
IES OTERO PEDRAYO. ENSINO PÚBLICO. ENSINO DE CALIDADE.
 
 
Álbum: CURSO 23-24 -> 25 N 23-24

GALA + DEPORTE

 

 

Un ano máis, La Región organizou a Gala + Deporte para premiar aos mellores deportistas deste 2023. Celebrouse onte á tardiña, no Auditorio, e o IES Otero Pedrayo estivo moi presente nela, xa que foi premiado coa distinción de "Mellor equipo absoluto" o CLUB DE VOLEIBOL, que adestra no noso pavillón e del forma parte moito do noso alumnado; o CLUB ATILA, "Mellor equipo promesa", que tamén adestra no Pompeo e a el pertence alumnado noso (podemos ver a Artai na foto); na gala tamén participou a alumna de 1º BAC Alba Miranda cunha exhibición de acrobacia e, por suposto, o "Mellor deportista base masculino" foi para o noso alumno de 1º BAC PEDRO CASTAÑO.
Parabéns para todos e todas! Orgullo de alumnado.
 
 
 
 
 
 
IES OTERO PEDRAYO. ENSINO PÚBLICO. ENSINO DE CALIDADE

ARQUITECTURA TÉCNICA

A pasada semana, o alumnado de 2º BAC de Debuxo Técnico II acercábase ata o Centro Cultural José Ángel Valente para visitar a exposición sobre "A profesión de arquitectura técnica", onde foi recibidos polo presidente do Colexio Oficial da Arquitectura Técnica de Ourense (COAT).
Grazas por esa benvida, grazas pola exposición e grazas a Manuel Sánchez, profesor de Debuxo, por acompañar ao noso alumnado.
 
 
 
IES OTERO PEDRAYO. ENSINO PÚBLICO. ENSINO DE CALIDADE.

CAMPIONATO ESCOLAR DE ATLETISMO

O pasado venres, o alumnado de 2º ESO do Otero participaba no Campionato Escolar de Atletismo, no pavillón Paco Paz de Ourense. Foi todo un éxito! Fixérono xenial e pasárono mellor. Grazas, departamento de Educación Física.
 
IES OTERO PEDRAYO. ENSINO PÚBLICO. ENSINO DE CALIDADE.
Álbum: CURSO 23-24 -> CAMPIONATO ESCOLAR DE ATLETISMO

TERTULIAS LITERARIAS

O pasado martes, os e as participantes no club de lectura para adultos do IES Otero Pedrayo reuniámonos na biblioteca para charlar con Roberto Fernández sobre a súa novela "A inmoral doutora Cons", galardoada co Premio Blanco Amor de novela 2022.

Superstición, poder, muller, Pazos de Arenteiro, lingua, ténicas de escrita, humor, ambigüidade... A interacción autor-lector sempre funciona!
 
Grazas ao autor por acompañarnos e, de novo, grazas ao súper equipo da biblioteca do Otero Pedrayo por organizala.
 
 
 
IES OTERO PEDRAYO. ENSINO PÚBLICO. ENSINO DE CALIDADE.

PROSTITUCIÓN E TRATA

Onte pola tarde, tivemos no Paraninfo a última das actividades enmarcadas dentro da programación do 25N, Día contra a violencia cara a muller: unha charla sobre prostitución e trata, centrada na cidade de Ourense.
Grazas ao programa de innovación Educativa Plan Proxecta "Por 365 dÍas de respecto e igualdade" por ofrecernos este tipo de formación.
Grazas ao programa Alumar, de Cáritas, por materializalo.
 
IES OTERO PEDRAYO. ENSINO PÚBLICO. ENSINO DE CALIDADE

VOAMOS CON NUMEROS

Un ano máis, visitamos a Aula Newton da Tecnólpole de Ourense para repetir esa actividade que tanto lle gusta ao noso alumnado: "Voamos con números".

O estudantado recibe unha misión do "Centro Integrado de Atención a Emerxencias da Axencia Galega de Emerxencias (AXEGA) e debe colaborar na observación de diversas ubicacións de Ourense e Pontevedra para axudar a establecer prioridades das misións de rescate.
O alumnado planifica os seus propios vos, preparándose realizando cálculos matemáticos con unidades, distancia, velocidade e tempo, para aprender a manexar correctamente a navegación.
Traballa en parella (tripulacións) e debe cumplir a súa misión realizando un vo nun simulador de vo avanzado. Toda unha experiencia! E moito máis.
 
 
IES OTERO PEDRAYO. ENSINO PÚBLICO. ENSINO DE CALIDADE.
Álbum: CURSO 23-24 -> VOAMOS CON NÚMEROS

MES DA CIENCIA

Onte rematou novembro, Mes da Ciencia, pero as actividades científicas seguen no IES Otero Pedrayo. A nosa Biblioteca, coa colaboración doutros departamentos (nomeadamente o de Bioloxía, nesta ocasión), aínda ten programados retos científicos (terceiro nivel), exposición de proxectos feitos por alumnas de 1º BAC (gañadoras de importantes premios en cursos pasados), ademais de prolongar a exposición sobre libros de ciencia en galego e castelán ou a exposición Mulleres científicas da Universidade de Vigo: "Quero ser cientíifica".
Despois de todo, quedan reflexións interesantes no aire como: A reivindicación da ciencia en galego non debería ir acompañada da impartición das aulas das materias que se consideran máis científicas tamén en galego?
 
 
IES OTERO PEDRAYO. ENSINO PÚBLICO. ENSINO DE CALIDADE.
 
 

JUAN TALLÓN

O escritor de Rewind ou Obra Maestra encontrábase hoxe na nosa biblioteca con alumnado de 1º BAC para falar do proceso creativo dun escritor. Unha charla ben interesante na que os nosos rapaces e rapazas participaron facendo todo tipo de preguntas.
Grazas, Juan Tallón, polo ben que queres o noso centro. É unha honra.
 
IES OTERO PEDRAYO. ENSINO PÚBLICO. ENSINO DE CALIDADE.
Distribuir contido


by Dr. Radut