Skip to Content

SEMANA DAS ESCRITORAS

Esta semana celebramos o Día das escritoras no Otero Pedrayo, coa lectura das nosas escritoras durante o proxecto lector. Ademais, tivemos presentación sobre a efeméride, exposición de libros no corredor da biblioteca e unha magnífica exposición sobre a primeira poeta da literatura occidental da que conservamos poemas: Safo.
Unha vez máis, grazas ao equipo da biblioteca.

 

IES OTERO PEDRAYO. ENSINO PÚBLICO. ENSINO DE CALIDADE.

MUSEO PEDAGÓXICO DO IES OTERO PEDRAYO

Como cada ano, o novo alumnado do centro (1º ESO e 1º BAC) fai unha visita guiada ao noso museo pedagóxico co fin de coñecelo e poñelo en valor, algo fundamental para que logo sexa respectado e valorado.
 
IES OTERO PEDRAYO. ENSINO PÚBLICO. ENSINO DE CALIDADE

CLUBE DE LECTURA AFOUTEZA

O club de lectura para as familias, docentes e persoal non docente do Otero Pedrayo botou a andar un ano máis. E que primeiro encontro máis fantástico tivemos o pasado luns! Grazas ao equipo da Biblioteca por tanto traballo e tan ben feito.
Se facedes clic na imaxe podedes acceder ao blogue da Biblioteca

 

IES OTERO PEDRAYO. ENSINO PÚBLICO. ENSINO DE CALIDADE.

CAMIÑANDO A OTERO PEDRAYO...

Trasalba, Prisca, Bóveda, Abruciños, Fontefría, Formigueiro, Albeiros... son só algúns dos lugares que o alumnado de 2º STEMBAC recorreu a semana pasada, camiñando polas terras de Otero Pedrayo, aquelas que o patriarca das nosas letras evocou no poema "Bocarriberira: herdade, souto, laxe", incluído no poemario `Bocarribeira. Poemas para ler e queimar´.
A actividade está enmarcada dentro do traballo de investigación sobre a paisaxe oteriana que unha das alumnas está a elaborar para o bacharelato de excelencia.

 

IES OTERO PEDRAYO. ENSINO PÚBLICO. ENSINO DE CALIDADE.

XANTAR DE PROMOCIÓN

Que alegría ver a promocións que pasaron polo noso centro e que, despois de tantos anos, se seguen xuntando para celebrar que seguen a ser familia Otero Pedrayo! E fano, ademais, con esta alegría... Este ano temática "Vacaciones en el mar"!
Orgullosxs do noso ex-alumnado!
 
IES OTERO PEDRAYO. ENSINO PÚBLICO. ENSINO DE CALIDADE

A DOBRAXE EN GALEGO. UN MODELO DE NORMALIZACIÓN.

Que charla tan interesante tivo hoxe o noso alumnado de 1º BAC TIC sobre a dobraxe en galego como axente normalizador! Canto nos fixo reflexionar...
Grazas a AGAPI (Asociación Galega de Produtoras Audiovisuais Independentes) por ofrecernos a actividade.
Grazas a Chema Gagino, da produtora Recrea Films, por ese documental tan nu e tan claro sobre o que é ser actor ou actriz de dobraxe. Grazas, tamén, pola posterior charla, tan amena e tan necesaria.
Que importante é escoitar produtos audivisuais de todo o mundo na nosa lingua...

 

IES OTERO PEDRAYO. ENSINO PÚBLICO. ENSINO DE CALIDADE.

DÍA DAS AVES

 

Co lema "A saúde das aves é a saúde dos ecosistemas. Se é bo para as aves, é bo para ti", o Otero Pedrayo uniuse hoxe á conmemoración do Día das aves.
O noso alumno de 1º ESO, Guillerme Mioño Pazos, preparou unha estupenda presentación centrada nas aves da nosa contorna e, a continuación, os diferentes grupos de 1º foron saíndo ata o Xardín do Posío para gozar dunha magnífica visita ornitolóxica na que nos explicou diferentes características das aves que viven ao noso carón, fixemos un xogo de búsqueda de niños, démoslle de comer aos paxaros e acabamos colocando unha casa-niño nunha das árbores (casiña feita por el, por certo!).
Grazas a Guille Mioño por unha iniciativa tan bonita, tan traballada e tan necesaria. Orgullosos do noso alumnado.
 
 
IES OTERO PEDRAYO. ENSINO PÚBLICO. ENSINO DE CALIDADE.

EDUCACIÓN CÍVICO- TRIBUTARIA

Co obxectivo de transmitirlle ao noso alumnado valores e actitudes favorables á responsabilidade fiscal e contrarios ás condutas defraudadoras, os nosos rapaces e rapazas de Economía de 1º BAC asistían onte no Paraninfo do IES Otero Pedrayo a unha charla sobre educación cívico- tributaria, impartida polo profesor de Economía Aplicada Alberto Vaquero. Grazas á Universidade de Vigo, Campus de Ourense, por brindarnos estas oportunidades.

 

IES OTERO PEDRAYO. ENSINO PÚBLICO. ENSINO DE CALIDADE

APERTURA DO XIII PLENO DO CONSELLO DE COMUNIDADES GALEGAS

O IES Otero Pedrayo de Ourense acollía o pasado venres o acto de apertura do XIII Pleno do Consello de Comunidades Galegas.

 

O director do centro, D. Daniel Lorenzo Valdivieso, recibía do presidente da Xunta, D. Alfonso Rueda, unha placa na que se recoñece o noso centro como "berce e fonte de coñecemento e galeguidade". Todo unha honra.
 
 
IES OTERO PEDRAYO. ENSINO PÚBLICO. ENSINO DE CALIDADE.

CURSO CAPACITACIÓN DIXITAL

 

Bo día:
Achegamos información sobre o curso de alfabetización dixital que se vai desenvolver no noso centro a partir do 3 de outubro. Está dirixido a persoas que non pertenzan ao sistema educativo e formativo formal (xubilados/as, parados/as, traballadores/as) e non posúan competencias dixitais básicas.

Pedímosvos que, na medida do posible,  lle deades publicidade e, se coñecedes a alguén que cumpla os requisitos anteriores e estea interesado/a, se poña en contacto co centro. O curso ten certificación oficial, é gratuíto e será impartido polo  departamento de Tecnoloxía. 

Grazas de antemán.

ENSINO PÚBLICO. ENSINO DE CALIDADE

Distribuir contido


by Dr. Radut