Skip to Content

OFRENDA FLORAL NACEMENTO OTERO PEDRAYO

Foi ben bonita a homenaxe floral que a semana pasada, co gallo dos 136 anos do nacemento de Otero Pedrayo (5. marzo. 1888), o noso alumnado de 4º ESO fixo diante da súa figura, na praza do Correxidor. O levar o nome de don Ramón fainos, a profesorado e alumnado, cada día un pouquichiño máis oterianos. Que honra para nós!
A actividade enmarcouse nunha máis ampla, o roteiro do Grupo Nós, elaborado polo mesmo alumnado e dirixido pola profesora Elvira Moroño. Traballazo dos nosos rapaces e rapazaS que deu como resultado esta chulada de actividade!

 

IES OTERO PEDRAYO. ENSINO PÚBLICO. ENSINO DE CALIDADE

DÍA DA MULLER E DA NENA NA CIENCIA

Desde o 11 de febreiro, día que conmemoramos o papel das mulleres e as nenas na ciencia, foron moitas as actividades ligadas a esta efeméride: táboa periódica na que cada elemento está ligado cunha muller científica, cos logros que esta acadou (Proxecta "Donas de si"); presentación do proxecto "A Minúscula" polas nosas "científicas" Noa Vilas e Noa Pedrero; obradoiros de papiroflexia dirixidos pola nosa "matemática" Ana Cascón; exposición nos corredores do edificio histórico... Picade no blog da nosa biblioteca e botádelle unha ollada.
 
 
IES OTERO PEDRAYO. ENSINO PÚBLICO. ENSINO DE CALIDADE

SEN CANCELAS, no IES Otero Pedrayo!

A exposición sen Cancelas, organizada polo Consello da Cultura Galega, chegou á biblioteca do Otero Pedrayo, como prólogo das Xornadas pola diversidade e coincidindo coas actividades do Día da Muller. Un gran traballo co que aprenderemos todas! Este é o menú que nos ofrecen:

 

1. A humanidade, unha especie diversa 

2. Da diferenza á disidencia 

3. As que saíron do curro

4. Camiños de ida e volta 

5. Chanzos cara á emancipación 

6. Achegas na igualdade de dereitos 

7. Referentes galegas de onte e de hoxe

8M, SCAPE ROOM POLAS MULLERES

Actividade ben bonita a que tivo esta semana o noso alumnado de 2º ESO co gallo do Día Internacional da muller: un scape room centrado nelas. Isabel Zendal, Agatha Christie, Valentina Tereshkova… foron protagonistas neste xogo de pistas (auditivas, musicais, matemáticas, de lóxica…) que lle permitiron á nosa rapazada ir abrindo cofres, “críptex”, figuras… ata chegar ao final. Xogo divertido, á vez que moi didáctico e pedagóxico. Grazas á Concellaría de Educación por ofrecérnolo.
 
 
IES OTERO PEDRAYO. ENSINO PÚBLICO. ENSINO DE CALIDADE

8M, DÍA INTERNACIONAL DA MULLER

VI XORNADAS "NO OTERO, POLA IGUALDADE"
Scape room, charlas, dinámicas de xénero, teatro, exposición sobre linguaxe sexista, traballos sobre as nosas mulleres-referente, manifesto... Todo isto, é máis, conforma a programación arredor do 8 de marzo. Porque todos os esforzos son poucos na loita pola igualdade!

 

IES OTERO PEDRAYO. ENSINO PÚBLICO. ENSINO DE CALIDADE.

CLUB DE LECTURA AFOUTEZA

 

Os clubs de lectura seguen no Otero Pedrayo; nesta ocasión, para familias, profes e persoal non docente. Stoner, de John Willians, non deixou a ninguén indeferente. Pica no blog da nosa biblio e tenta responder as moitas cuestións que xurdiron no noso club.

ENGÁNCHATE AO VOLUNTARIADO!

A través de APES (Asociación para a prevención e educación social) o alumnado de 1º ESO puido asistir a unha charla impartida por tres persoas internas do penal de Pereiro de Aguiar na que se falou sobre a importancia do voluntariado como alternativa para favorecer o desenvolvemento e as relacións sociais, desde unha visión positiva e comprometida coa comunidade. Ademais, tamén se insistiu en como o voluntariado é unha ferrramenta eficaz para previr a aparición de condutas de risco, ao mesmo tempo que fomenta hábitos positivos nas persoas. Charla impactante e moi, moi necesaria.

IES OTERO PEDRAYO. ENSINO PÚBLICO. ENSINO DE CALIDADE.

8M, "INSUBMISAS"

Dentro da programación do Día Internacional da Muller e grazas á Concellaría de Educación de Ourense, o alumnado de 1º BAC asistiu hoxe no Auditorio á representación teatral de Insubmisas, montaxe baseada nun texto de Jose Vaquero, inspirado na personaxe mitolóxica de Medea.
A peza xoga coa estrutura clásica do "agón", o combate verbal que vertebra as grandes traxedias da Grecia clásica, e con ela preténdese "construír unha reflexión sobre un dos mecanismos de control máis insidiosos do patriarcado: a reconstrución do relato".
Magnífica peza na que o noso alumnado se viu na obriga de pensar, de reflexionar sobre unha cuestión que latexaba de fondo: pode ser libre unha muller se a súa historia é escrita por homes?
 
IES OTERO PEDRAYO. ENSINO PÚBLICO. ENSINO DE CALIDADE

THREE STORIES OF SCOTLAND

O alumnado de 3º ESO acudiu este mércores ao auditorio á representación teatral en inglés de tres historias ambientadas na Escocia do século XIII: un drama, unha comedia e unha traxedia, inspiradas na guerra da independencia de Escocia, de Robert de Bruce e William Wallace. Unha vez rematada a obra, puideron manter un coloquio cos actores e actrices.
Grazas á Concellaría de Educación por ofrecernos esta marabilla de actividade.
 

 

IES OTERO PEDRAYO. ENSINO PÚBLICO. ENSINO DE CALIDADE

CURSO DE CAPACITACION DIXITA. NIVEL BÁSICO

Distribuir contido


by Dr. Radut