IES Ramón Otero Pedrayo

Entroido Interxeracional: Centro de día A Farixa- Otero Pedrayo! Este ano vivimos no Otero o Entroido con máis valores, o máis inclusivo, o de todxs e con todxs, o máis entrañable... e o máis divertido! Grazas ao noso programa Inclúe-T, este curso forma parte da familia do Otero Pedrayo "a mocidade" do Centro de día A Farixa. Canto aprendemos delxs! Que experiencia máis bonita para o noso alumnado e profesorado! Grazas. De corazón

IES OTERO PEDRAYO. ENSINO PÚBLICO. ENSINO DE CALIDADE.

A MULLER EN PROFESIÓNS TRADICIONALMENTE MASCULINAS

Dentro do Plan de Igualdade, no IES Otero Pedrayo seguimos adiante co noso ciclo de conferencias centrado en diferentes ámbitos da muller. Se o mes pasado analizabamos o papel da muller no deporte de élite, nesta ocasión as protagonistas son mulleres con profesións tradicionalmente masculinas, como o exército, a mecánica ou o mundo do transporte. O obxectivo é visibilizar e normalizar a presenza da muller en calquera sector.

IES OTERO PEDRAYO. ENSINO PÚBLICO. ENSINO DE CALIDADE.

CELEBRACIÓN DO DÍA DE ROSALÍA DE CASTRO

Comezamos a celebración coa lectura do manifesto, disfrutamos da exposición de caligramas feitos pola nosa rapazada e tivemos un acto central no Paraninfo. Neste mostramos os 15 mellores videopoemas presentados ao concurso convocado co gallo da efeméride, escoitamos á Rosalía máis internacional coa lectura de poemas en rumano, en inglés, en francés, en alemán, en portugués… e gozamos coas diferentes versións musicais dos seus poemas. Pór en valor a figura de Rosalía de Castro é unha obriga no noso ensino. Grazas ao Departamento de Dinamización por esta xornada de achegamento a ela.

IES OTERO PEDRAYO. ENSINO PÚBLICO. ENSINO DE CALIDADE

SESIÓN REXIONAL DO PARLAMENTO EUROPEO

IES Otero Pedrayo estivo presente na sesión rexional que o European Youth Parliament (Parlamento Europeo da Mocidade) desenvolveu en Ourense a pasada fin de semana. Foron tres días nos que as nosas alumnas formaron parte das delegacións escolares que debateron sobre multitude de temas: Constututional affairs, Agriculture and rural development, Culture and education, Employment and social affairs, Women´s rights and gender equality etc. Todos os debates foron en inglés e cun nivel moi alto. Os nosos parbéns a Celia Paz, Olalla Magide, Patricia Popescu e Eva Espinosa polas súas magníficas intervencións. Orgullo de alumnado

IES OTERO PEDRAYO. ENSINO PÚBLICO. ENSINO DE CALIDADE.

DÍA INTERNACIONAL DA MULLER E DA NENA NA CIENCIA

Onte, DÍA INTERNACIONAL DA MULLER E DA NENA NA CIENCIA, quixemos visibilizar o papel de tantas científicas que levan traballado e traballan arreo por un mundo mellor. Fixémolo con varias acción:

Coa lectura dun manifesto
Co visionado de dúas presentación feitas polo alumnado: “As mulleres científicas ao longo da historia” e “Ourensás brillantes nas Ciencias”
Coa elaboración dun gran panel onde se destacaron figuras femininas de gran relevancia na ciencia.
Coa conferencia de María Inmaculada Franco Motilla, profesora titular da área de tecnoloxía de alimentos da Universidade de Vigo (Campus de Ourense). A charla tivo por título “Investigación de mulleres en tecnoloxía de alimentos”.

IES OTERO PEDRAYO. ENSINO PÚBLICO. ENSINO DE CALIDADE.

1 adxunto

ARANTZA PORTABALES

O luns, 10 de febreiro, visitaba o noso centro Arantza Portabales, autora de Beleza Vermella. É un luxo para o Otero Pedrayo contar con escritoras da súa calidade literaria e, sobre todo, da súa calidade humana. Grazas, Arantza, por compartir o teu tempo co noso alumnado.

IES OTERO PEDRAYO. ENSINO PÚBLICO. ENSINO DE CALIDADE

TEATRO: DON JUAN TENORIO

O teatro é sempre unha prioridade no IES Otero Pedrayo. Nesta ocasión, o alumnado de 4º da ESO puido ver representada unha das obras clásicas da literatura española: “Don Juan Tenorio”, de José Zorrilla. Foi no Teatro Principal de Ourense, o 5 de febreiro.

IES OTERO PEDRAYO. ENSINO PÚBLICO. ENSINO DE CALIDADE