O alumnado de 2º da ESO participou esta semana na xornada organizada polo Parque Tecnolóxico de Galicia- Tecnópole “Ciencia e Tecnoloxía en feminino”.
O principal obxectivo é impulsar as vocacións científicas entre as rapazas, contribuíndo así a romper a fenda de xénero nos estudos de ciencia e tecnoloxía. No Otero Pedrayo queremos contribuír a un sistema de I+ D+ I máis igualitario, no que se poida desenvolver o talento á marxe do xénero.
O noso alumnado puido visitar, nesta xornada, a exposición “Mujeres que cambiaron el mundo”, asistir a unha ponencia coa mesma temática e participar en diferentes talleres: “Escape room: mundos químicos” e “Propostas de solución innovadoras e retos sociais”.
A actividade foi todo un éxito e os nosos rapaces e rapazas viñeron encantados e encantadas.
Se queres ver mais fotos relacionadas con esta actividade, accede ao noso banco de imaxes,fai clic aquí.
IES OTERO PEDRAYO. ENSINO PÚBLICO. ENSINO DE CALIDADE.
