O vindeiro venres 9 de xuño levaremos a cabo a Xornada de Limpeza de Praias Voz Natura 2017. Como levamos facendo dende fai xa varios cursos, desprazarémonos ata a praia de Tanxil en Rianxo. Realizaremos unha actividade de recollida de lixo no entorno para traballar a conciencia ecolóxica d@s nos@s nen@s e gozaremos tod@s xunt@s dun día de lecer con merenda, música e xogos populares. A actividade estará coordinada dende o centro, pero todos os familiares que desexedes acompañarnos poderedes achegarvos ata Tanxil.
            Sairemos en torno ás  10 da  mañá das nosas escolas e regresaremos ao redor das 13:30 horas. 

           O vindeiro mércores 31 de maio as escolas do CRA de Rianxo emprenderemos unha aventura de mar e terra. Na nosa excursión de fin de curso deste ano visitaremos a Illa de Cortegada, pertencente ao Parque Nacional das Illas Atlánticas. A organización das actividades que levaremos a cabo neste espazo natural está a cargo de Arenaria: gozaremos todos xuntos dun día de lecer ao aire libre aprenderemos moitas cousas do noso entorno marítimo e da riqueza da nosa ría. Saíremos as 9:00 da mañá das nosas escolas e voltaremos en torno das 18:30 da tarde.

Mañá mércores 24 de maio os nenos e nenas do CRA desprazarémonos ata Rianxo para desenvolver as actividades previstas para a  xornada de Biblioteca deste terceiro trimestre. Asistiremos a unha representación teatral a cargo de Títeres Babaluva que nos presenta o seu espectáculo "Tita" e remataremos a xornada cunha visita á Biblioteca Pública

MES DE MAIO, MES DE CASARES.

AQUÍ QUEDA A NOSA PARTICULAR HOMENAXE A CARLOS CASARES E Á SÚA GALIÑA AZUL. UN TRABALLO FEITO CON MOITO ESMERO POR PARTE DOS NEN@S E DAS MESTRAS E MESTRES DO CRA DE RIANXO.

DISFRUTÁDEO, FELIZ MES DE CASARES E FELICES LETRAS GALEGAS DE 2017!

O vindeiro martes 2 de maio a nosa Biblioteca abre as suas portas en horario habitual de 16:00 - 18:00 horas.

   O profe Antonio vainos contar "A Galiña Azul" para dar comezo ao mes de Casares! Animádevos a participar desta tarde entre libros!

O vindeiro martes 25 de abril a nosa Biblioteca abre as suas portas en horario habitual de 16:00 - 18:00 horas.

   A profe Isa vainos contar "Garavanciño". Animádevos a participar desta tarde entre libros!

O vindeiro martes 4 de abril a Biblioteca de Daniel volve a abrir as súas portas para todos e todas vós. O profe Martin contaranos "Pitusa Semifusa". Animádevos a participar. As nosas portas estarán abertas no seu horario habitual de 16:00 - 18:00 horas, para gozar con Daniel dunha tarde entre libros.

Tamén vos informamos de que fixemos unha pequena expo de libros científicos e mariños alongando a nosa sesión de Biblioteca deste trimestre para que poidades seguir mergullándovos no mundo da ciencia e do mar. Esperámosvos!!

MAÑÁ MÉRCORES 29 DE MARZO DESENVOLVERASE NO NOSO CENTRO A 2ª XORNADA DE BIBILOTECA  DESTE CURSO 2016- 2017. O NOSO AMIGO DANIEL INVITA A TOTALIDADE DO NOSO ALUMNADO A DESPRAZARSE Á SEDE DE ASADOS PARA TOMAR PARTE NAS SEGUINTES ACTIVIDADES:

1. AULA DE BIBLIOTECA

2. LABORATORIO CIENTÍFICO

3. OBRADOIRO DE CONSERVAS

 Organizan: Equipo de Biblioteca, Equipo de Complementarias e o Programa de Educación para a Saúde.

SEMANA DA PRENSA 2017

Este curso, dende a Biblioteca das amigas e amigos de Daniel e o Equipo de Dinamización lingüística, propuxemos ás nosas familias que se mergullasen na prensa cos seus nen@s. Este ano vémonos rodeados nas nosas escolas, de persoeir@s da nosa cultura pero tamén do noso día a día, así que esa sería a temática principal a atopar nos xornais, revistas, prensa online etc.

A busca deu moito de sí e aquí, queremos compartir convosco o resultado final da actividade. Mostrámosvos unha selección das novas que máis chamaron a atención e máis destacaron durante esta semana e sobre todo, as que máis captaron a atención dos pequenos. Agardamos que vos guste esta reportaxe!

Algunhas das novas máis buscadas foron sobre escritoras e escritores. Unha das novas que máis destacou en todas as escolas foi que a compañía aérea Norwergian, fíxose con un avión coa cara da nosa querida Rosalía de Castro. Os nen@s da escola do Cruceiro (tamén chamada Escola Rosalía de Castro), non deixaron pasar a ocasión de construír a súa propia aeronave coa cara da escritora. Toda unha experiencia! Tamén destacaron novas sobre Agustín Fernández Paz e Eduardo Pondal. Escritores da terra que xa non están connosco, pero moi queridos.

Outra das temáticas máis populares entre as familias e os nen@s, foron @s deportistas, cousa que nos alegrou profundamente xa que retomamos o xa traballado co profe Óscar no polideportivo, onde descubrimos que Galicia é unha terra chea de deportistas de éxito. Dende Ana Peleteiro, pasando por Javier Gómez Noya ata os futbolistas máis recoñecidos do momento. Tod@s eles, foron protagonistas da nosa semana da prensa.

A política é un tema que está sempre de actualidade e os máis pequen@s sábeno. Así o deixaron ver na súa selección de noticias. Xente destacable como Donald Trump, Iñaki Urdangarín ou Susana Díaz están no ollo do furacán e está moi ben que dende ben pequenos se vaian familiarizando coa xente que toma decisións importantes e que lles afectan tamén a eles, xa que así formaremos persoas críticas para o día de mañá.

 Coa semana da prensa, coincidiu o 8 de marzo. O día internacional da muller. Foi un feito que indubidablemente destacou en todos os medios. Dende as escolas, agardamos que algún día non precisemos de un día da muller, porque dese xeito, a igualdade estará asentada no mundo no que vivimos. Pero mentres tanto, agrádanos que as nosas familias e nen@s, se informen, e fagan salientar as novas que máis lles chaman a atención sobre as mulleres no 8 de marzo, e todos os días do ano. Se nos fixamos, todas as novas que atopamos, versan sobre a situación laboral das mulleres, feito que nos fai reflexionar e darnos conta de que, quizais é un dos campos no que aínda se pode mellorar moito a situación. Por iso é importante transmitir uns valores de igualdade todos os días do ano. Alégranos poder destacar que dentro destas novas, vense moitas cousas positivas e de melloría!

 Os persoaxes públicos adoitan saír moito nos medios de comunicación (na prensa entre outros). Os nosos pequen@s, recoñecen ás persoas destacables do momento e así, as familias achegáronnos novas relativas á entrega dos premios Mestre Mateo 2017. En varias escolas recoñeceron a Roberto Vilar, premio Mestre Mateo a mellor comunicador e tamén conductor do programa "Land Rober" da TVG, o cal se alzou tamén co galardón a mellor programa. Os nen@s non dubidarón en aportar información sobre o comunicador bastante recoñecido por eles. Por outra banda, tamén nos chegou unha interesante entrevista a unha muller e gran actriz como é Mabel Rivera. Mabel está actualmente nomeada a mellor actriz aos premios María Casares de Teatro Galego por “Voaxa e Carmín”, obra escrita, dito sexa de paso, por Ester Carrodeguas, dramaturga rianxeira, a cal tamén está nomeada a un María Casares a mellor texto pola citada obra.

Isto que acabamos de comentar, lévanos á última parte desta reportaxe. Nesta recopilación que fixemos entre escola e familia, algunhas das novas máis bonitas foron as seguintes e por un motivo especial. Son novas relacionadas coa xente da nosa comarca, o Barbanza, e que falan sobre persoas destacadas, cada unha no seu campo. Podemos ver a Ché Tembra, Sonia Levedinsky, Xurxo Gago, Goretti Somoza, Alba Triñanes ou María Magán. Entre todos tocan os campos da arte, a música, a artesanía, os deportes ou a gastronomía, deixando o pabellón da nosa comarca ben alto e cheo de éxitos e recoñecementos.

 Xa para rematar, queremos mostrarvos unha selección de fotos do ben que o pasamos traballando todas estas novas nas aulas. Aprendemos sobre o mundo que nos rodea, descubrimos os medios de comunicación e traballámolos de diversas formas. Xogando cos nosos xoguetes, a través das novas tecnoloxías grazas á pizarra e internet e porsuposto a través das nosas mans recortando, pegando, facendo murais con materiais de refugallo, xornais vellos e converténdonos en xornalistas elaborando as nosas propias novas entre moitas outras cousas.

 Foi unha experiencia fabulosa e que non tería sido posible sen a colaboración das nosas familias.

Unha vez máis GRAZAS!