Actividades complementarias

Acordo do Claustro con respecto ás actividades extraescolares

Ante os contínuos recortes sufridos durante estes últimos anos no ensino público, tanto na súa vertente de servizo educativo coma na de colectivo de traballadoras e traballadores, o profesorado do Cra de Rianxo ten refrendado a través do seu Claustro a decisión de manter durante este curso a programación de actividades complementarias, aquelas que se realizan dentro do horario lectivo, pero non programar actividades extraescolares, que requiren para a súa realización o uso de horario non lectivo.

Este acordo non impide, sen embargo, o apoio do profesorado a todas aquelas actividades educativas que, organizadas pola Anpa "Irmáns Ínsua", o Concello de Rianxo ou calquera outra entidade,  teñan que ser realizadas fóra de horario escolar

BENVIDO DE NOVO, DANIEL!

Este venres 24, o noso amigo Daniel tennos preparada unha saída á vila de Rianxo e pese a que desta vez non poderemos visitar canda el a biblioteca municipal, preparounos un roteiro polas rúas de Rianxo agasallándonos previamente co libro "Os bolechas: unha historia rianxeira!

E para aqueles nen@s que aínda non coñezan ao noso Daniel, aquí nos deixou a súa marabillosa presentación persoal!

Benvido de novo benquerido Daniel! Sorriso

Magosto na escola de Vacariza

O pasado venres 10 de novembro celebramos a festa do magosto na escola de Vacariza. Alí xuntámonos todas as escolas para cantar moitas cancións sobre o outono, as castañas, os ourizos,... nunha gran roda guiados polo profe Pablo.

 

 

Despois fixemos moitos xogos que nos gustaron moito e que nos abriu o apetito para degustar o froito protagonista da festa: as castañas. Tamén houbo doces de todas as clases (biscoitos, chulas, rosquillas, bolicos, galletas,...) e un delicioso chocolate! 

 

Foi un día xenial!

MAGOSTO 2017

O vindeiro venres 10 de novembro celebraremos o noso Magosto na escola de Vacariza. Neste día tan especial xuntarémonos todos e todas para cantar, xogar e comer castañas asadas. Anímadevos a participar.

En caso de choiva e previo aviso do centro a celebración trasladaríase ao venres 17.

SAMAÍN 2017

O vindeiro martes 31 de outubro celebraremos o Samaín nas nosas escolas.

Tallaremos cabazas arrepiantes, daremos moitos sustos e nos deleitaremos con historias de medo.

E lembrade nesta noite máxica non abrades as portas a ninguén, que as almas en pena non vos leven familias!!

EXCURSIÓN DE FIN DE CURSO 2017

 

           O vindeiro mércores 31 de maio as escolas do CRA de Rianxo emprenderemos unha aventura de mar e terra. Na nosa excursión de fin de curso deste ano visitaremos a Illa de Cortegada, pertencente ao Parque Nacional das Illas Atlánticas. A organización das actividades que levaremos a cabo neste espazo natural está a cargo de Arenaria: gozaremos todos xuntos dun día de lecer ao aire libre aprenderemos moitas cousas do noso entorno marítimo e da riqueza da nosa ría. Saíremos as 9:00 da mañá das nosas escolas e voltaremos en torno das 18:30 da tarde.

A frautista de Hamelin

O Martes 21 de marzo a Escola da Banda de Música de Rianxo convidounos a un concerto didáctico.

Disfrutamos do conto e da música de  "A frautista de Hamelin".

"Todos os ratos de Rianxo seguiron o son doce da frauta e nun barco foron ata a Illa dos Ratos"

Visitamos o M.A.R.C.O. de Vigo

A vindeira semana visitaremos o Museo de Arte Contémporanea de Vigo en tres quendas que se levarán a cabo o martes 14, o mércores 15 e o xoves 16 de marzo, para ver a exposición "Mulleres do silencio. De Maruja Mallo a Ángela de la Cruz"

XORNADA DE CONCERTO E OBRADOIRO DE HIXIENE BUCODENTAL

                      

Mañá mércores 22 de febreiro @s nos@s nen@s desprazaranse ata o Auditorio Municipal Rianxo para participar nestas dúas actividades. Asistiremos a un concerto didáctico organizado pola Escola de Música de Boiro titulado "O Tempo dos xogos" e nun obradoiro de hixiene bucodental no que colabora a Clínica Doutora Ulloa de Taragoña.

Album de fotos

O ENTROIDO CHEGA AS NOSAS ESCOLAS!!

HOXE COMEZAMOS COA SEMANA DO ENTROIDO, E SABEDES QUEN NOS VEU VISITAR???

   

 

 

 

 

POIS SÍIIII!!! O TORIBIO XA ESTÁ DE VOLTA, DURANTE ESTA SEMANA TEREMOS QUE ESTAR MOI ATENTOS A OS SEUS MANDADOS, E FACER TODO O QUE NOS PIDA!!

COA CHEGADA DO TORIBIO, QUE NOS VISITA TODOS OS ANOS, ARRANCAN AS ACTIVIDADES DE ENTROIDO QUE ESTE ANO REMATARÁN O VENRES DÍA 24 NA ESCOLA DE ABUIN. ALÍ TEREMOS UNHA XORNADA DE CELEBRACIÓN DESTA FESTA TAN POPULAR DA NOSA TERRA.

ASÍ QUE XA SABEDES FAMILIAS, TOD@S @S QUE NOS QUEIRADES ACOMPAÑAR ESTADES INVITAD@S A COMPARTIR CON NÓS ESTE DÍA TAN ESPECIAL, PERO ESO SÍ... TEREDES QUE VIR TOD@S DISFRAZA@S!

  

AGARDAMOS POR VÓS O VENRES 24 NA ESCOLA DE ABUIN A PARTIRES DAS 9 DA MAÑÁ

Album de fotos da festa e do pasarrúas

Distribuir contido