Taboleiro

Tardes con Daniel

ACTIVIDADE ORGANIZADA POLA ANPA IRMÁNS ÍNSUA DO CRA DE RIANXO

O C.R.A. de Rianxo preseleccionado na convocatoria de Clubes de Ciencia

O CLUBE DE CIENCIA NAUTILUS

O C.R.A. de Rianxo foi preseleccionado pola

Consellería de Educación para participar na convocatoria

do programa de innovación educativa "Club de Ciencia".

O C.R.A. de Rianxo presentou o proxecto

"Clube de Ciencia Nautilus", no que se prevé

a realización dos seguintes talleres:

A Maxia da Ciencia

Fauna Mariña

Mundo é química

Fovivos, a historia do Planeta

Investigando o corpo humano

O proxecto Clube de Ciencia Nautilus pretende animar

a curiosidade científica dos nosos alumnos e alumnas,

nunhas idades nas que a curiosidade invade os seus intereses.

O proxecto busca formar nos nenos e nas nenas

hábitos de coñecemento a través

da investigación e da exploración

   

TARDES CON DANIEL

Este martes 7 de novembro a nosa biblioteca abre as súas portas de novo en horario de 16:-18:00 horas. Daniel invítanos a pasar unha tarde divertida lendo contos marabillosos. Ao redor das 17:00 h a profe María de Capela vainos contar o conto Os tres osos. Anímadevos a participar.

(No tríptico informativo da biblioteca para este primeiro trimestre anunciábasenos este contacontos para o día 14 de novembro, por problemas organizativos do centro tivemos que facer un cambio entre os días 7 e 14).

TARDES CON DANIEL

Este martes 31 de outubro, a Biblioteca de amigos e amigas de Daniel abre as súas portas para todos vos, dende as 16:00 ata as 18:00 h.As cinco a profe Tamara cóntanos "Corre corre cabaciña" Agardámosvos para pasar unha aterradora tarde de Samaín todos xuntos!

DÍA DAS BIBLIOTECAS

 

Este martes 24 de outubro celébrase o Día das Bibliotecas. Nós celebrarémolo nas nosas bibliotecas de aula. Trala festa lectora ensinarémosvos todo o que fixemos nas aulas.

Feliz Día das Bibliotecas e felices lecturas!!

TARDES CON DANIEL

Mañá martes 17 de outubro a Biblioteca de Daniel abre as súas portas para nos ofrecer unha tarde de ledicia entre libros, no seu horario habitual de 16:00-18:00h. O contacontos, que terá lugar como sempre ao redor das 17:00h, corre a cargo do profe Ana de Abuin que nos vai contar "A princesa do Caurel" (o profe Baltasar interpretará á princesa). Animádevos a participar

TARDES CON DANIEL

       O próximo martes 10 de outubro, a Biblioteca de Daniel volverá  a abrir as súas portas despois do descanso estival. Nestes inicios de curso o noso amigo Daniel dános a súa benvida e convídanos a pasar con el unhas divertidas tardes de martes na compaña dos libros. A vindeira semana recibiredes un tríptico informativo onde se recollen, entre outras cousas, todas as sesións para este primeiro trimestre, abriremos en horario de 16:00-18:00 h como ven sendo habitual, e ao redor das 17:00h teremos as sesións de contacontos. Este martes a profe Celia cóntanos El libro inquieto, así que xa sabedes, animádevos a participar. Vémonos o martes!

 

Tardes con Daniel

Este martes 20 de xuño a nosa biblioteca abre as súas portas por derradeira vez neste curso 2016- 21017, no seu horario habitual de 16:00- 18:00 horas.

 

 

A profe Vero de Abuín vainos contar "Non quero ser un polbo". Con este contacontos rematamos as actividades de biblioteca dos martes. Daniel deséxavos que pasedes un feliz verán lector e espera que o curso que ven sigades vindo todos os martes á nosa biblioteca para gozar de tardes estupendas na compaña dos libros.

Boas vacacións!

 

 

Xornada de limpeza de praias , Voz Natura 2017

                                                                           

 

        O vindeiro venres 9 de xuño levaremos a cabo a Xornada de Limpeza de Praias Voz Natura 2017. Como levamos facendo dende fai xa varios cursos, desprazarémonos ata a praia de Tanxil en Rianxo. Realizaremos unha actividade de recollida de lixo no entorno para traballar a conciencia ecolóxica d@s nos@s nen@s e gozaremos tod@s xunt@s dun día de lecer con merenda, música e xogos populares. A actividade estará coordinada dende o centro, pero todos os familiares que desexedes acompañarnos poderedes achegarvos ata Tanxil.
            Sairemos en torno ás  10 da  mañá das nosas escolas e regresaremos ao redor das 13:30 horas. 

EXCURSIÓN DE FIN DE CURSO 2017

 

           O vindeiro mércores 31 de maio as escolas do CRA de Rianxo emprenderemos unha aventura de mar e terra. Na nosa excursión de fin de curso deste ano visitaremos a Illa de Cortegada, pertencente ao Parque Nacional das Illas Atlánticas. A organización das actividades que levaremos a cabo neste espazo natural está a cargo de Arenaria: gozaremos todos xuntos dun día de lecer ao aire libre aprenderemos moitas cousas do noso entorno marítimo e da riqueza da nosa ría. Saíremos as 9:00 da mañá das nosas escolas e voltaremos en torno das 18:30 da tarde.

Distribuir contido