BASES DO CONCURSO
A ANPA de Dodro en colaboración co C.P.I Eusebio Lorenzo Baleirón e C.R.A de Dodro convoca un concurso para a creación do LOGOTIPO destinado a ser a imaxe representativa da asociación. O deseño debe ser acorde para a súa utilización en papel, WEB ou soportes multimedia.
1. PARTICIPANTES.
Poderán participar tódolos alumnos matriculados no curso 2014/2015 no C.P.I Eusebio Lorenzo Baleirón ou calquera das unitarias do CRA de Dodro. Os participantes deberán presentar una única proposta, que deberá ser orixinal e inéditas.
2. CONTENIDO DO DESEÑO.
O contido das obras presentadas estará composto unicamente polo logotipo, sen outro adorno nin accesorio.
3. PRESENTACIÓN DO DESEÑO.
O formato a presentar deberá ser en papel e o tamaño máximo será formato folio A4. Ningún traballo poderá estar firmado nin levar señas que poidan identificar o seu autor.
4. PRAZO E ENTREGA.
Prazo de entrega: Ata o 16 de Xaneiro de 2015.
A entrega de traballos farase mediante entrega en man en sobre cerrado ó titor de cada curso indicando no sobre “Concurso Logotipo ANPA”, sen outra identificación e estes entregarán os sobres recibidos a calquera dos membros da xunta directiva da ANPA.
5. DOCUMENTACIÓN A APORTAR.
No sobre cerrado deberá achegarse:
- Proposta de deseño.
- Papel no que figuren os seguintes datos:
o Nome e apelidos do participante.
o Curso no que está matriculado.
o Centro no que está matriculado.
6. XURADO.
O xurado será elixido pola Xunta Directiva da ANPA.
7. ELECCIÓN DO RESULTADO POR PARTE DO XURADO.
O prazo para facer público o resultado do concurso dependerá do número de propostas presentadas.
A elección do xurado será definitiva.
8. PREMIOS.
- Farase entrega de un vale desconto en material escolar ó gañador
- Entregarase un pequeno detalle a todos os participantes
- O gañador terá a satisfacción de ver que o seu deseño foi o elixido como imaxe representativa da ANPA.
9. PROPIEDADE INTELECTUAL.
- O gañador cede tódolos dereitos en relación co traballo feito e presentado, polo que a ANPA de Dodro pasará a ser propietaria de tódolos dereitos de propiedade intelectual que puideran corresponderlle en relación co deseño, así como calquera outros que lle puidesen corresponder. A propiedade, uso e dereitos do traballo gañador quedarán reservados exclusivamente á ANPA de Dodro.
- Da mesma maneira, tódolos participantes, incluído o gañador/a, ceden os dereitos de manipulación, edición, exposición e reprodución.
10. TRABALLOS NON PREMIADOS.
Estes traballos serán conservados pola ANPA para o seu uso en caso necesario.
11. PRESENTACIÓN DO LOGOTIPO GAÑADOR.
O resultado pasará a ser o logotipo oficial da ANPA desde o momento en que se comunique o gañador e notificarase na páxina web da ANPA e do CPI.
12. ACEPTACIÓN DAS BASES.
A participación no Concurso leva implícita a aceptación de tódalas súas bases e a decisión do xurado. Toda cuestión non prevista nas presentes bases será resolta polo Xurado, comunicándose a cada participante a decisión que corresponda.
¡¡¡¡¡¡¡ ÁNIMO E SORTE PARA TODOS OS PARTICIPANTES!!!!