Proxecto VEDRA MEDRA

Vedra: un país de palabras 

No mes de maio, mes das Letras, chegou ao CPI de Vedra unha exposición fotográfica que resumía todo aquilo que levamos feito e que ben podiamos titular, seguindo a Carlos Casares, "Vedra: un país de palabras".

 As palabras do territorio, os nomes dos lugares constituíron a base do noso proxecto e temos a satisfacción de achegárllelas en forma de imaxe ata o 15 de xuño ao noso alumnado e profesorado.

A partir do 1 de setembro, Vedra medra como gañador da X edición do Proxecto Didáctico A. Fraguas, pasará a expoñerse no Museo do Pobo Galego onde permanecerá durante o outono.

Ver nota da profesora Xulia Marqués

Ver fotos+

O pasado 5 de abril, o alumnado de 1.º de primaria visitou o Pazo de Ortigueira de Santa Cruz de Ribadulla. E fíxoo coa súa mestra Mónica Diz e con Adrián Gómez, profesor de AL do CPI. Viaxaron acompañados polas tres mascotas de Vedra medra: TOPO, NIMO e NIMIA, pola coordinadora do proxecto, Xulia Marqués, e pola monitora Inés Ferradáns.

Ver máis fotos +

O proxecto Vedra Medra ven de participar como convidado na XXXVII Exaltación do Viño do Ulla, que se celebrou en San Miguel de Sarandón o pasado 9 de abril.

Ler máis+

Ver fotos+

A vindeira semana, e máis concretamente o martes día 28 e o xoves día 30, o proxecto Vedra Medra deste CPI de Vedra, organiza varias actividades arredor do liño, que se celebrarán Centro Social de Vedra, onde tamén se instalará unha exposición útiles tradicionais.

A actividade do martes 28 leva por título "O fiadeiro: contar e cantar" e conta coa participación das Pandereteiras Silandeira de San Xián de Sales. E a do xoves 30 leva por título "Cal fiamos, tal andamos" que conta coa participación da Asociación Cultural Tamparrantán de Santo André de Vea.

VER CARTAZ DA ACTIVIDADE +

Dentro do Programa Vedra medra que se leva a cabo este curso académico no CPI de Vedra presentamos arestora o OBRADOIRO SOBRE PATRIMONIO.

O OBRADOIRO SOBRE PATRIMONIO vai dirixido ao alumnado de ESO e ofértase como actividade voluntaria, en horario de 17:00 a 18:30 os martes ou os xoves durante o 2.º trimestre.

Este obradoiro será coordinado pola profesora Xulia Marqués (coord. do proxecto Vedra Medra do EDLG) e súmase ás actuacións que vimos desenvolvendo dende o comezo deste curso académico en relación co premio Proxecto Didáctico A. Fraguas que nos foi concedido polo Museo do Pobo Galego. 

Ler máis +

Ver fotos