Normalización e Dinamización Lingüística

INAUGURACIÓN DA BIBLIOTECA

Dom, 2022-10-16 18:28 — admin

Arrancamos un novo curso cheo de novas experiencias e aprendizaxes, entre elas, as relacionadas co proxecto anual do noso centro, este ano relacionado coa meteoroloxía e climatoloxía "METEOALXÉN".

O día 11 de outubro coa Inauguración da nosa biblioteca, tivo lugar a lectura do xa tradicional pregón co que se anunciou dito proxecto e no que nos falaban das normas de uso e horario da biblioteca do centro. Antes, tivemos que facer unha selección de pregoeiros, pregoeiras e tamborileiros, foi unha decisión moi difícil e ao final os elixidos foron:

Valeria de 6º, Martín de 2º e Pedro de 1º como pregoeiros/as e Xiana de 6º e Edi de 5º como tamborileiros. Fixérono requetebén!!

.

O teu navegador non soporta este vídeo.

RECOMENDACIÓN LECTURAS PARA O VERÁN

Mar, 2022-06-14 09:54 — admin

Deixámosvos unha pequena recomendación de libros para ler este verán. Escollede o que máis vos guste e desfrutade!!! BOA LECTURA

Clica no adxunto se o queres ver máis grande.

1 adxunto

ESPECIAL LETRAS GALEGAS

Mar, 2022-06-07 09:14 — admin

Na semana das letras galegas o alumnado de 5º nivel preparou un programa especial dedicado a D. Florencio Delgado Gurriarán, escritor valdeorrés homenaxeado este ano. Contaron cousas moi interesantes da vida deste autor, non o perdades! BOA ESCOITA

1 adxunto

NÉBOA 2022

Ven, 2022-05-20 10:52 — admin

Extra! Extra!! Xa está aquí!! Xa chegou!! A tan esperada e ansiada por toda a nosa comunidade escolar, REVISTA NÉBOA 2022!!!

Esta curso, como poderedes comprobar, hai novidades, está impresa a toda cor!!! Se xa antes era bonita agora é preciosísima!!!

Ven cargadiña de historias, historias de antigos/as alumn@s, resumos de saídas, traballos, obradoiros... Non deixedes de botarlle un ollo, ao mellor hai alguna historia sobre vós...

Clicade nos arquivos adxuntos para visualizala.

3 adxuntos

A AUGA NO PATRIMONIO CULTURAL DA CONTORNA

Ven, 2022-05-20 10:42 — admin

Como o proxecto de centro deste curso é sobre a auga e cousas relacionadas con ela, pontes, fervenzas, muíños... o alumnado de valores do 3º nivel fixo un traballo de investigación sobre todo ese tema. Buscaron adiviñas, refráns e cantigas que tiveran como tema principal a auga e ademáis deseñaron un pequeno dicionario de imaxes coas súas correspondentes definicións. se vos apetece, poderedes consultalo na biblioteca do centro.

1 adxunto

FLORENCIO DELGADO GURRIARÁN. LETRAS GALEGAS 2022

Mar, 2022-05-10 09:59 — admin

Florencio Delgado Gurriarán nace en Córgomo, no concello ourensán de vilamartín de Valdeorras, o 27 de agosto de 1903, no seo dunha familia acomodada. sexto dos fillos do matrimonio, foi poeta, editor, corrector e tradutor, escribiu artigos de prensa e traballos de léxico. Foi tamén un extraordinario activista político e cultural, un dos principais intermediarios entre a Galicia exiliada en México e Galicia interior e ponte de unión coa intelectualidade doutros países.

Se queredes saber máis sobre este autor ao que se lle adica o DÍA DAS LETRAS GALEGAS 2022, aquí tedes un montón de xogos e enlaces. DESFRUTADE!

REAL ACADEMIA GALEGA

RAG 1

RAG 2 BIOGRAFÍA

VÍDEOS PARA APRENDER SOBRE FLORENCIO

Florencio Delgado. Letras Galegas 2022

Héctor Cajaraville fala de Florencio

VIDA E OBRA DE FLORENCIO. COLEXIO SAN PÍO X (OURENSE)

APRENDO XOGANDO

Sobre o día das letras galegas

Xogo de Ganially que no achega Pilar Ponte onde podes descubrir canto sabes de Florencio, da súa vida, da súa obra e do importante papel que tivo na época que lle tocou vivir.

Xogo

AS AVENTURAS DE FLORENCIO

Para atinarnos coas respostas axeitadas sobre as Letra Galegas e o homenaxeado deste 2022, hai que andar ben espelido neste videoxogo creado polo EDLG Ghafos do CEP Campolongo. Probade a disparar e veredes.

O EDLG do CEP Campolongo achéganos un xogo de parellas sobre os personaxes aos que se lles adicou o Día das Letras Galegas, incluído xa o deste ano, Florencio Delgado Gurriarán.

O Seminario Galán ofrécenos "O libro de lapelas de Florencio Delgado" con información variada do autor: biografía, fotos, obra, textos...

APRENDO XOGANDO: POEMAS

A Caldeira

A Pandeirada

Os trintas

PARA IMPRIMIR EN PAPEL

UNIDADES DIDÁCTICAS EN PDF

VISITA AUTORES

Sáb, 2022-05-07 15:47 — admin

Por fin, despois de dous anos de parón por mor das medidas COVID do centro, volven as visitas ao centro de escritores galegos.

Tocoulle o turno a Érica Esmorís para 2º e 3º ciclo e ao Hematocrítico para 1º ciclo.

Cada nivel lle pediu aos Reis Magos un libro do escritor correspondente e realizou traballos plásticos para decorar o salón de actos o día da súa visita.

Clicade aqui para ir á nosa galería de fotos dese día.

DIA DE ROSALÍA

Mér, 2022-05-04 13:54 — admin

O 23 de febreiro foi o día de Rosalía e para celebralo sumámonos á proposta da Asociación de Escritores e Escritoras en Lingua Galega (AELG) co lema #sementade Pensamentos.

Entre todos os cursos decoramos un pensamento que colocamos no corredor. Mirade que bonito nos quedou.

Cada nivel decorou e escribiu versos no seu pétalo. Como os pensamentos só teñen 5 pétalos e somos 6 cursos, ao primeiro nivel tocoulle decorar o talo.

Ademáis, durante a semana do 21 - 25 de febreiro cada curso plantou pensamentos na súa parcela do horto. Clicade aqui para ir á nosa galería de fotos.

30 DE XANEIRO, DÍA DA PAZ E NON VIOLENCIA

Mér, 2022-05-04 13:44 — admin

O alumnado de segundo, con motivo do día da paz e non violencia realizou unhas boitas nubes de palabras en forma de pinga de auga co programa WORD ART nas que escribimos palabras significativas relacionadas coa PAZ. Aqui podedes ver o bonitas que quedaron.