Skip to Content

Normalización e Dinamización Lingüística

APADRIÑAMENTO LECTOR

Mar, 2024-01-23 17:17 — primeirociclo

Este 2º trimestre comezamos co “Apadriñamento lector”. Cada neno e nena de 1º ten un padriño/madriña (alumnado de 5º e 6º ) que lee con el ou ela. O alumnado de 5º e 6º xa é experto nisto do apadriñamento; fixérono nos primeiros días de colexio (setembro) para acompañalos na saída ata o bus e indicarlle a parada na que tiñan que baixar.

Clica na foto para ver máis imaxes desta actividade.

EN NADAL AGASALLA EN GALEGO

Xov, 2024-01-04 09:00 — primeirociclo

Coma cada Nadal, os equipos de bibloteca e dinamización da lingua galega aportan ideas en canto a lecturas e xogos para que o alumnado do noso centro poida incluír nas súas cartas aos Reis Magos. Dende o CEP Carlos Casares desexámosvos boas festas e próspero aninovo.

 

O SAMAÍN NA BIBLIOTECA

Mar, 2023-11-07 17:43 — primeirociclo

Nos recreos das últimas semanas  na biblioteca levouse a cabo un taller de adornos de Samaín. Fixemos teas de araña con bolsas de basura e montamos un recanto con libros de  temática terrorífica.

Álbum: CURSO 23-24 -> BIBLIOTECA NO SAMAÍN

PROXECTO "HOXE VÉN AO COLE..."

Mar, 2023-11-07 17:39 — primeirociclo

O alumnado do segundo ciclo estamos a traballar no proxecto de centro "Lerias e enredos doutro tempo" e para iso pedimos a colaboración das familias para que nos contarán como pasaban eles o tempo cando eran nenos/as. O martes, 17 de outubro acompañounos o avó de Mateo Ramilo de terceiro. Contounos que cando él era cativo non se podían mercar xoguetes polo que tiñan que botar man da súa imaxinación e fabricalos eles mesmos con materiais naturais: madeiras, trapos,... Tamén nos contou que coma as tardes de outono eran longas, para entreterse e facelas máis curtas facían concursos de quen degranaba máis carozos de millo ou quen conseguía máis raíñas, que son aquelas espigas que teñen millo de varias cores.

Aproveitamos a ocasión para ensinarlle o noso horto e que nos dese consellos sobre os coidados que necesitan as plantas para vivir e as distintas formas de sementar. 

 

Esta actividade foi moi motivadora e interesante para os nenos/as polo que estamos agardando a próxima visita.

 

Álbum: CURSO 23-24 -> HOXE VÉN AO COLE

XOGOS INTERACTIVOS

Mar, 2023-06-20 09:09 — admin

RECOMENDACIÓNS DE LECTURAS PARA O VERÁN

Mér, 2023-06-14 08:35 — admin

LIBRO VIAXEIRO DAS PARROQUIAS

Xov, 2023-06-01 13:17 — admin

Os nenos e nenas de 1º nivel traballamos o "Libro viaxeiro das parroquias", no cal explicamos como é o lugar onde vivimos.

Nel escribimos as súas características físicas, número de habitantes, monumentos e lugares que ten, etc.

Ademáis colocamos fotos para que os nosos compañeiros/as poidan comprobar cómo é a nosa vila/pobo.

AUTORES CONVIDADOS

Mér, 2023-05-31 09:12 — admin

Coma todos os anos, tivemos a gran sorte de contar na nosa escola coa visita de dous magníficos escritores, David Rodríguez, autor de "Superavoa", que viu falar co alumnado de 1º e 2º, e Andrea Maceiras, autora de "Proxecto bolboreta", "Volverás golfiño" e "Conta nove estrelas" entre outras, que viu visitar aos nenos e nenas de 3º, 4º, 5º e 6º. Pasamos unha mañá xenial falando de moitas cousas, fixémoslles moitas preguntas, ensinámoslles os nosos traballiños e, ao final, ata nos asinaron os libros. Eles quedaron encantados e nós, aínda máis!!

Premede aquí para ver as fotos dese día.

NÉBOA 2023

Mar, 2023-05-23 13:17 — admin

Outro ano máis, e xa van 38 edicións, temos connosco a NÉBOA, unha revista que pretende recompilar todas as actividades realizadas no noso centro ao longo deste ano.

Desta volta conseguimos reducir o seu tamaño, pero non a calidade dos artigos publicados. Aquí a tedes, esperamos que vos guste!!

CALENDARIO 2023

Mar, 2023-05-23 13:08 — admin

Por fín chegou o tan esperado calendario anual do CEP Carlos Casares!! Este ano relacionado, coma sempre, co proxecto anual, a meteorolxía. Leva por título MeteoAlxén, e foi elaborado gracias á colaboración das familias que rebuscaron no baúl dos recordos para rescatar todas as fotos que compoñen  o noso calendario. Moitas grazas a todos e a todas!! Esperamos que vos guste!!

Distribuir contido


by Dr. Radut